மாற்றங்களை எதிர்கொள்வது எப்படி என்பதை இந்தப் பக்கங்களில் #change management என்ற தலைப்பின் கீழ் பார்த்திருக்கிறோம்! மாற்றங்களுக்குத் தயாராக இல்லாத எதுவும் பாழ்பட்டுப் போகும் என்பதையும் காலம் நமக்குப் படிப்பித்துக் கொண்டே வருகிறது இல்லையா?!
பாங்க் ஆப் பரோடா, தேனா பாங்க், விஜயா பாங்க் மூன்றையும் இணைப்பதென மத்திய அரசு உறுதியான முடிவெடுத்துவிட்டது. நேற்றைக்கு ஒவ்வொரு வங்கியின் பங்குகளும் எப்படி swap செய்யப் படுமென்கிற அறிவிப்பும் வந்தாயிற்று. விஜயா வங்கியின் 1000 பங்குகளுக்கு 402 என்றும் தேனா வங்கியின் 1000 பங்குகளுக்கு 110 என்றும் பாங்க் ஆப் பரோடா பங்குகளாக மாற்றப்படும் என்கிற அறிவிப்பும் நேற்றே வந்தாயிற்று.
#வங்கிஊழியர்சங்கங்கள் நிலைமை பாடுதான் திண்டாட்டம்! என்னமாவது செய்தாகவேண்டுமே! #வேலைநிறுத்தம் தான்! வேறென்ன தெரியும் பாவம்?! வருகிற 8.9 இருநாட்கள் #bankstrike
ஸ்டேட் வங்கி, HDFC வங்கி இரண்டுக்கும் அடுத்து மூன்றாவது பெரிய வங்கியாக இந்த மூன்று வங்கிகள் இணைந்த பிறகு ஏப்ரல் முதல் தேதி முதல் இருக்கும். மூன்றாவது இடத்தில் இப்போது இருக்கும் ஐசிஐசிஐ வங்கி பின்னுக்குத் தள்ளப்படும்
இணைப்புக்குப் பின் எழக்கூடிய முக்கியமான பிரச்சினை, #workculture மற்றும் புறக்கணிக்கப் படுவதாக ஊழியர்களிடம் இருந்து எழுவது என்பதுபோக #வராக்கடன்வசூல் செய்வதும், மாற்றத்தை எதிர்கொள்வதற்கான தலைமையும் தான்! முந்தைய நாட்களில் வங்கிகளை இணைப்பது என்பது சரியான திட்டமிடல், சரியான தலைமை, சரியான தொடர்நடவடிக்கைகள் என்றெதுவுமே இல்லாமல் செய்யப்பட்டதில் பிரச்சினைகள் எழுந்தது உண்மை. அதற்காக, மறுபடி முயற்சி செய்யவே கூடாது என்று வங்கி ஊழியர்கள் குதிப்பதில் ஏதாவது நியாயம் இருக்கிறதா? இப்படிச் செய்து தானே சோவியத் யூனியன் மீட்கமுடியாமல் சிதறுண்டு போனது? காம்ரேடுகளுக்கு அதைப் பற்றி எல்லாம் கவலை இல்லை என்றால், காம்ரேடுகளும் காணாமல் போய்விடுகிற நேரம் நெருங்கிக் கொண்டே இருக்கிறது என்பதற்கு மேல் சொல்ல என்ன இருக்கிறது?
இங்கே கீழே சுட்டியில் பங்கு முதலீட்டாளர்களின் ஏமாற்றத்தை மட்டும் முன்னிறுத்திப் பேசுவதும் கூடப் பிரச்சினையைத் தீர்க்க உதவாது. நமக்கு உண்மையில் பிரச்சினை எங்கே இருக்கிறதென்றே தெரியவில்லை என்பதுதான்!
no comments
2 plus ones
வருகிற 8,9 தேதிகளுக்குத் தொடர்ச்சியாக ஏதாவது விடுமுறை நாட்கள் வருகிறதா?.. சமீப கால வங்கி வேலை நிறுத்தங்கள் அனைத்தும் அப்படியே ஆகிப்போனதை தற்செயலானது என்று நம்பத் தோன்றவில்லை.
ReplyDeleteஅவலை நினைத்து உரலை இடிக்கற கதை தான். காங்கிரஸ், பிஜேபி இரண்டும் தான் இன்றைய தேதி அ.இ. கட்சிகள். ஆட்சிப் பந்தை இவர்கள் இருவரும் தான் மாற்றி மாற்றி தூக்கிப் போட்டு விளையாடப் போகிறார்கள். வருகின்ற மாற்று அரசாங்கம் ஏதாவது மாற்றுத் திட்ட்டங்களைக் கொண்டுள்ளதா, என்ன?.. ஆக வேலை நிறுத்தங்கள் தொடர்கதை தான்.
ReplyDeleteவாருங்கள் ஜீவி சார்!
ReplyDeleteவேலைநிறுத்தங்கள், தொழிலாளியின் கடைசி ஆயுதமாகச் சொல்லப்பட்டதெல்லாம் போய் தொடர்கதை என்பதையும் தாண்டி மெகாசீரியல் அபத்தங்களாக ஆகிவிட்டதை, ஒரு முன்னாள் தொழிற்சங்கவாதியாக வருத்தத்துடன் ஒப்புக்கொள்ளத்தான் வேண்டியிருக்கிறது.
எண்பதுகளிலேயே வேலைநிறுத்தங்கள் பயனற்றவைதான் என்றாகிப்போன பிறகும் கூட, இங்கே சங்கங்களோ பின்னிருந்து நடத்துகிற கட்சிகளோ படிப்பினைகளைக் கற்றுக் கொள்ளவில்லை. ஒரு அரசியல் போராட்டமாகத் தான் தூண்டிவிட்டுக் கொண்டிருக்கிறார்கள். Change Management மாற்றங்களை எதிர்கொள்வது எப்படி என்று ஏற்கெனெவே இங்கே ஒரு புத்தகத்தை முன்வைத்துப் பேசியதை மறுபடியும் நாட்டு நடப்புக்களை வைத்துப் பேச வேண்டியிருக்கிறது.
ஒருநாள் வேலைநிறுத்தங்கள் பயனற்றுப்போனதால் இப்போது impact அதிகமாக இருக்க வேண்டுமென்று விடுமுறைநாட்களை ஒட்டியோ, அடுத்தடுத்து தொழில் சுணக்கம் ஏற்படுத்துகிற மாதிரி ஒருநாள் அப்புறம் இரண்டுநாள் என்று அறிவித்துக் கொண்டு போவதில் டிசம்பர் 21 க்கும் ஜனவரி 9க்கும் இடைப்பட்ட இருபது நாட்களில் இது மூன்றாவது! முந்தைய காலங்களைப்போல Indefinite Strike என்று அறிவிக்க எந்தத் தொழிற்சங்கத்துக்கும், பின்னிருந்து இயக்குகிற அரசியல் கட்சிகளுக்கும் இப்போது தைரியமில்லை
ReplyDelete