திருவாரூர்! மைக் டெஸ்டிங்!

திருவாரூர் தொகுதிக்கு அறிவிக்கப்பட்ட இடைத் தேர்தல் ரத்து செய்யப்பட்ட செய்தி  சிலருக்கு நிம்மதியைத் தந்திருக்கலாம்! இங்கே நேற்றைக்கு மு.க.அழகிரியின் மகன் போட்டிருக்கிற twitter செய்தி அதைக் குலைத்துவிடுகிற மாதிரி, ஒரு சீண்டல்!        

Dhaya Alagiri‏ @dhayaalagiri

if you believe in something be ready to fight .. you will know whether you are part of the losing side or the winning side only after the fight .. it’s so sad that people here are so scared and timid that they are not ready to take part .. #Thiruvarur

11:41 PM - 6 Jan 2019

ஜனநாயகச் சந்தையின் நிலவரங்களை உற்றுக் கவனித்தால் எதிர் காலம் என்பதே நம்சந்ததியினருக்கு இல்லாமல் போய்விடுமோ என்ற அச்சம் நமக்குள் சூழ்ந்துவிடுகிறது. வாக்குரிமையை விலைபேசி வியாபாரம் செய்வதில் தமிழகம் முன்னணியில் இருக்கிறது.

வாக்குரிமையின் மேன்மையை உணராத மக்களும், இவர்களின் வாக்குரிமையை இருளில் நின்று கள்ளத்தனமாகக் கொள்முதல் செய்யும் இடைத்தரகர்களும் தேர்தல் களத்தில் தங்களுக்கான மறைவிடத்தைத் தேடி வைத்திருந்ததை நம்மால் பார்க்கவும் முடிந்தது.

வெட்கமற்ற இந்தச் செயல்கள் நமக்குள் அவமானத்தைப் பெருக்கெடுக்க வைத்தன. ஆனாலும் சத்தியத்தின் வேர்கள் நம் மண்ணில் ஆழமாகப் பதிந்து நிற்கின்றன என்பதும் மறுக்க முடியாத உண்மையாகும். சுதந்திரத்தைப் பெற்றெடுப்பதற்கு 200 ஆண்டுகாலம் அடைந்த துயரத்தை இன்னும் நாம் மறந்துவிடவில்லை. ரத்தமும் சதையுமாக இது இன்னமும் நம்முடன் வாழ்ந்து கொண்டுதான் இருக்கிறது. 

இப்படி ..........

இந்தப் பக்கங்களைத் தொடர்ந்து வாசிக்க வருபவர்களுக்கு, ஒரு மையமான கருத்து, இந்நேரம் புலப்பட்டிருக்கும்! காங்கிரஸ் கட்சியைத் தூக்கி எறிவது ஒன்று தான் இந்த தேசத்துக்கு விடிவு தரும் என்று அடிக்கடி சொல்லப்படுவதில் மட்டுமல்ல!இப்போதைய தேர்தல் முறை தான், இப்படிப்பட்ட ஊழல் பெருச்சாளிகளை உருவாக்குவதற்கு விளைநிலமாக இருக்கிறது என்பது இந்தப்பக்கங்களில் அடிக்கடி சொல்லப்பட்டு வருவதை இன்னொரு முறை அழுத்தமாகச் சொல்கிற மாதிரி, தினமணியில் இன்றைக்கு வெளியான இந்தக்கட்டுரை இருப்பது புரிகிறதா?

எமெர்ஜென்சி முடிந்த தருணங்களில், தினமணி ஆசிரியராக இருந்த திரு ஏ.என். சிவராமன் அவர்கள் "கணக்கன்" என்ற புனைபெயரில், தேர்தல் சீர்திருத்தங்களை வலியுறுத்தி, முதிர்ச்சியடைந்த ஜன நாயக நாடுகளில் நடைமுறையில் இருக்கும் விகிதாசாரப் பிரதிநிதித்துவம் பற்றித்தொடர் கட்டுரைகளாக எழுதினார்.  அன்றைக்கும் சரி, அதற்குப்பிறகு இந்த முப்பத்து நான்கு வருடங்களிலும் சரி, கோளாறு என்ன, அதன் ஆணிவேர் எங்கே இருக்கிறது, என்ன செய்ய வேண்டும் என்பதைத் தொடர்ந்து சிந்திப்பாரில்லாமல், காத்திருக்கிறது. சரியாக செயல்படாத மக்கள் பிரதிநிதிகளைத் திரும்ப அழைக்கும் உரிமை! இதுவும், அவ்வப்போது பேச்சு எழும், பிறகு மறக்கடிக்கப் பட்டுவிடும்!

அன்னா ஹசாரே ஊழலுக்கெதிரான இந்தியா இயக்கத்தைத்தொடங்கினார்.நம்பிக்கையோடு ஜனங்கள் பின்தொடர ஆரம்பித்ததில், ஆளும்தரப்பு கொஞ்சம் உஷாரானது. கோரிக்கைகளை ஏற்றுக் கொள்வது போல வெளியில் சொல்லிக் கொண்டாலும், பின்னால் இருந்து குழிபறிக்கும் வேலைகளைக் காங்கிரஸ் கட்சி, கோயபல்சை மிஞ்சும் விதத்தில் செயல்படுத்திவருவதாக செய்திகள் சொல்கின்றன.

அன்னா ஹசாரே இன்னொரு காந்தியாக வளர்ந்துவிடாமல் இருக்க  இப்போதைய காங்கிரஸ் அரசு என்ன வேண்டுமானாலும் செய்யும் என்பதற்கு, வெள்ளோட்டமாக அமர்சிங் களத்தில் இறக்கி விடப்பட்டிருப்பதே சான்று. ஜெயப்பிரகாஷ் நாராயணன்  எமெர்ஜென்சியை எதிர்த்து நின்ற அளவுக்கு நெஞ்சில் உரம் உள்ளவரா,  பரபரப்பு செய்தியாக இன்றைக்கு இவரை வளர்த்துவிட்ட ஊடகங்கள் தொடர்ந்து கைகொடுக்குமா என்பதெல்லாம் யாருக்குமே தெரியாது!

ஜனநாயகம் என்பது ஐந்துவருடங்களுக்கு ஒருமுறை ஓட்டுப் போடுவதுடன் முடிந்துவிடுகிற சடங்கு இல்லை!

காங்கிரஸ் கட்சியை வீட்டுக்கனுப்பி விட்டு, இன்னும் செய்ய வேண்டியது நிறைய இருக்கிறது!

என்ன சொல்கிறீர்கள்? கொஞ்சம் உரக்கச் சொல்லுங்களேன்!

இப்படி மீள்பதிவாகக் கொஞ்சம் இன்னொரு பக்கத்திலிருந்து கொடுக்க வேண்டிய அவசியம் என்ன?
இந்தப்பதிவு தமிழ்மணத்தில் எந்தத் தடையுமில்லாமல் திரட்டப்பட்டது போல  

https://consenttobenothing.blogspot.com/2019/01/blog-post_7.html  

திரட்டப்படவில்லை. RSS ஓடை உரலும் கொடுத்தாகிவிட்டது.பயனில்லை என்ற குரலுக்கு ஓடிவந்து என்ன செய்யவேண்டும் என்று தெரிந்து சொன்ன திண்டுக்கல் தனபாலன் அவர்களுக்கும் அவரை அழைத்துவந்த ஸ்ரீராம்  அவர்களுக்கும் மனமார்ந்த நன்றி!