Saturday, April 13, 2019

ஸ்ரீராம நவமி! வாழ்த்துகளும் உறுதியும்!

இன்று ஸ்ரீராம நவமி! இறை நம்பிக்கை உள்ள அனைத்து நண்பர்களுக்கும் ஸ்ரீராம நவமி வாழ்த்துகள் கூடவே நாடு செழிக்க பலம்பெற  பிரார்த்தனைகளும்!




உலகம் யாவையும் தாம் உள ஆக்கலும்
நிலை பெறுத்தலும் நீக்கலும் நீங்கலா
அலகு இலா விளையாட்டு உடையார் அவர்
தலைவர் அன்னவர்க்கே சரண் நாங்களே
ஆயிடைப் பருவம் வந்து அடைந்த எல்லையின்
மா இரும் புவி மகள் மகிழ்வின் ஓங்கிட
வேய் புனர்பூசமும் விண் உேளார் புகழ்
தூய கர்க்கடகமும் எழுந்து துள்ளவே

ஒரு பகல் உலகு எலாம்
    உதரத்து உள் பொதிந்து
அரு மறைக்கு உணர்வு அரும்
    அவனை, அஞ்சனக்
கரு முகில் கொழுந்து எழில்
    காட்டும் சோதியைத்,
திரு உறப், பயந்தனள்
    திறம் கொள் கோசலை.

என்று ஸ்ரீராமன் தம்பியருடன் அவதரித்த வைபவத்தைக் கம்பன் கொண்டாடுகிறான். 



ஸ்ரீராமன் குழந்தையாக அவதரித்த வைபவத்தை ஒரு குழந்தையே பாடுவது எத்தனை அற்புதம்! இதன் முழுவடிவமும் இங்கே.


ஸ்ரீராமனை  வணங்குகிற இந்த நேரத்தில் ராமனையோ கிருஷ்ணனையோ இழிவு செய்கிற எந்தக் கூட்டத்துக்கும் ஆதரவு தருவதில்லை என்ற உறுதியோடு செயல்படுகிற நாளும் நெருங்கி வருகிறதே! ஏப்ரல் 18

எந்த ஒரு மதத்துக்கோ நம்பிக்கைக்கோ இந்துக்கள் எதிரானவர்கள் இல்லை. போலி மதச்சார்பின்மை பேசி இந்து நம்பிக்கைகள் மீது சேற்றை வாரி இறைக்கும் போக்கை இனியும் சகித்துக் கொள்ள மாட்டோம் என்பதில் இந்துக்களாக நாங்கள் ஏற்கின்ற உறுதி இது.   

ஸ்ரீராம ஜயராம ஜயஜயராம     

1 comment:

  1. ஸ்ரீராம் ஜயராம்.... இனிமையான பாடல். இன்னிக்கு இந்தப் பாடலை நான்காம் முறை கேட்கிறேன். :)

    ReplyDelete