விங் கமாண்டர் அபிநந்தன்! வீரம் மீசையிலா இருக்கிறது?

விங் கமாண்டர் அபிநந்தன்! பெயர் சொன்னதுமே அவருடைய கம்பீரமான ஹாண்டில்பார் மீசையுடன் கூடிய முகம் தான் நினைவுக்கு வருகிறது இல்லையா! 

தனது சேவைக்காக வீர் சக்ரா விருது பெற்ற இந்த இளைஞன் நேற்றைக்கு மீண்டும் ஊடகங்களின் பார்வைக்கு வந்திருப்பது என்னைக் கவர்ந்த செய்திகளில் மிக முக்கியமானது. மீண்டும் பணியில் முழுத்தகுதிகளுடன் சேர்ந்திருக்கும் அபிநந்தனும்  இந்த மாதம்   ஓய்வு பெற இருக்கும் விமானப்படைத் தலைவர் BS தனோவாவும்  சேர்ந்து ஒரு  மிக் 21 விமானத்தில் defensive ஆக இருக்கும் நிலையில் இருந்து offensive ஆக நடத்தும் sortieயை நடத்தியிருக்கிறார்கள்! 

  

விமானப்படைத்தலைவர் BS தனோவா மனம்திறந்து தனக்கும் அபிநந்தனுக்கும் உள்ள மூன்று ஒற்றுமைகளைப் பெருமையுடன் சொல்லி மகிழ்ந்திருக்கிறார். முதலாவது தாம் இருவரும் விமானத்தில் இருந்து eject ஆனவர்கள்! விமானம் தாக்கப்பட்ட போது அபிநந்தன் eject ஆனபோதுதான் POK பகுதியில் இறங்கி பாகிஸ்தானியர்களிடம் பிடிபட்டார் என்பது ஞாபகம் வருகிறதா? அடுத்ததாக தாங்கள் இருவருமே பாகிஸ்தானை எதிர்த்துப் போரிட்டவர்கள்! (கார்கில் போரில் தனோவா இதே மிக்21 விமானத்தில், பாகிஸ்தானிய வீரர்களுக்கு சப்ளை வழியைத் தகர்த்தவர்)  மூன்றாவதாக தனோவா அபிநந்தனுடைய தந்தையுடனும், இப்போது மகனுடனும் பறந்த அனுபவத்தையும் சொல்லிப் பெருமிதம் கொள்கிறார் என்பதற்குமேல் பெரிதாக ஒரு வீரனுக்கு வேறென்ன வேண்டும்? பதான்கோட் விமானப்படைத் தளத்தில் நடந்த இந்த நிகழ்வின் வீடியோ 24 நிமிடம்.

பிரபலமான அந்த ஹாண்டில்பார் மீசையை இப்போது காணோம் என்பதுதான் ஒரே வித்தியாசம்!

வீரம் மீசையிலா இருக்கிறது?

மீண்டும் சந்திப்போம்.