பொழுதுபோக்க அரசியல் பதிவுகள் எழுதுவது மட்டும் தான் இருக்கிறது என்று நினைத்துவிடாதீர்கள்! ஒரு வெப் சீரீஸ் விடாமல், உள்ளூர் சினிமா அயலூர் சினிமா என்று எதுவும் டச் விட்டுப்போகாமல் பார்த்துக் கொண்டே இடைப்பட்ட நேரத்தில், நடப்புச் செய்தி ஒன்றையும் விட்டுவிடாமல் பார்த்துக் கொண்டு அதில் எது catchy ஆக இருக்கிறதோ அதைவைத்துப் பதிவும் உடனுக்குடன் எழுதி வெளியிடுகிற சோம்பேறி, கொஞ்சம் கௌரவமாகச் சொல்லிக் கொள்ள வேண்டுமானால் ஒரு ரிட்டையர்ட் ஆசாமி நானென்பது புதிதாகச் சொல்லித்தெரிய வேண்டிய விஷயமா என்ன!
சபாக்! வருகிற ஜனவரியில் வெளியாகவிருக்கிற ஹிந்தி திரைப்படம். படத்தில் நடித்த தீபிகா படுகோன் படத்தின் ப்ரொமோஷனுக்காக ரொம்பவுமே உணர்ச்சி வசப்பட்டிருக்கிறார். இயல்புதான்! ஆனால் கார்டூனிஸ்ட் சதீஷ் ஆசார்யாவும் இப்படி உணர்ச்சி வசப் பட்டிருப்பது நெம்பவே ஓவர்தான்! இல்லையா?
நானுமே லேட்டஸ்ட் வரவுகளான The Report, The Irishman, Marriage story படங்களை பார்த்தாகிவிட்டது. விமரிசனமாக நாலுவார்த்தை எழுதலாமே என்று எழுதினால் சும்மா படம் காட்டுகிறானே என்று அலுத்துக் கொள்வதற்குக் கூட ஆளே இல்லாமல் ஈ ஓட்டிக் கொண்டிருப்பதில் என்ன பெருமை புதிதாக வந்து சேர்ந்துவிடப் போகிறது, சொல்லுங்களேன்!
யார் கெட்டிக்காரர்கள்? ஆண்களா? பெண்களா? | Bharathi Baskar Speech இப்படித் தலைப்பு வைத்துத்தான் பதிலைத் தெரிந்துகொள்ள வேண்டுமா என்ன? வீடியோ 51 நிமிடம்
மதன் ரவிச்சந்திரன் ட்வீட்டரில் பொறிபறக்கக் கீச்சுக்களை வீசிக் கொண்டிருக்கிறார்.
நாட்டுநடப்பைப் பார்த்துக் கொண்டிருக்கும்போது துக்ளக் ஆண்டுவிழா நிகழ்ச்சிகளில் ஆசிரியர் சோ பேசியதைத் திரும்பிப் பார்க்காமல் இருக்க முடியுமா?இது 2008 இல் பேசியதன் ஒருபகுதி 27 நிமிடம்.
மீண்டும் சந்திப்போம்.
