Thursday, April 15, 2021

#கர்ணன் படத்துக்கு #CSகர்ணன் என வைத்திருந்தால் இன்னும் கனப் பொருத்தம்!

கர்ணன் திரைப்படத்தைக் குறித்து உதயநி!தி தெரிவித்த கருத்தை ஏற்று திரைப்படக்குழுவினர் திருத்தம் செய்து இருக்கிறார்களாம்! ஏனடா திருத்தச் சொன்னோம் என்று உதயநிதியே தலையிலடித்துக் கொண்டு ஜகா வாங்கிய மாதிரி ஆகியிருக்கிறது என்று சொல்லாமல் சொல்கிறது பிபிசி தமிழ்.


1997 என்று முதலில் சொன்னதை இப்போது இப்படி மாற்றி சொன்னதால் என்ன ஆகிவிட்டது? எதனால் உதயநிதி இதை இனிமேலும் பெரிதுபடுத்தவேண்டாம் என்கிறரீதியில் அறிக்கை விட்டாராம்? 

 Murali Seetharaman  மதிப்பீட்டாளர்

 39 நி 
"கர்ணன்" படத்தில் மாரி.செல்வராஜ் - 1990 களின் பிற்பகுதியில் என்று ஒரு கார்டு போட்டாராம்! அதாவது அந்தக் கலவரம் எல்லாம் நடந்தது கலைஞர் ஆட்சியில் என்று அர்த்தம் வருதாம்!
நான் படம் பார்க்கவில்லை -
ஆனால் 1996 ல் கலைஞர் ஒரு மாபெரும் Sweep ல் - தமாகா கூட்டணி, ரஜனிகாந்த் ஆதரவு எல்லாம் பெற்று - ஆட்சிக்கு வந்த அந்த Tenure ல் பல கலவரங்கள் நடந்தன. (1996 - 2001) தென்மாவட்டங்கள் ரத்தக் காடாகக் காட்சியளித்தன.
கலைஞர் ஒவ்வொரு ஜாதியையும், மதத்தாரையும் திருப்தி செய்ய மாவட்டத்துக்கு எல்லாம் தலைவர் பெயரை வைப்பார். ராஜாஜி பார்ப்பனர் என்பதால் அவர் பிறந்த அன்றைய தருமபுரி மாவட்டத்துக்கு மட்டும், எத்தனையோ கோரிக்கை வைத்தும் மறுத்துவிட்டார் என்பது வேறு விஷயம்!
1989 ல் ஆட்சிக்கு வந்தவுடன் திண்டுக்கல் காயிதே மில்லத் மாவட்டம் என்றார். அதற்கு முன்பு MGR திண்டுக்கல்லை அண்ணா மாவட்டம் என்றார் - அதிமுக தோன்றியவுடன் போட்டியிட்டு ஜெயித்த முதல் தேர்தல் திண்டுக்கல் பார்லிமெண்ட் தொகுதி இடைத்தேர்தல் என்பதால்!
கருணாநிதி ஆட்சிக்கு வந்ததும் அண்ணாதுரையை திண்டுக்கல்லில் இருந்து பிருஷ்டத்தில் ஒரு உதை விட்டு விரட்டி அவரை - அப்போது காஞ்சிபுரத்தைத் தலைநகராகக் கொண்டிருந்த - செங்கல்பட்டுக்கு அனுப்பி - "செங்கை அண்ணா மாவட்டம்"- என்றார்! திருவண்ணாமலை சம்புவராயர் மாவட்டம் - புதுக்கோட்டை பெரும்பிடுகு முத்தரையர் மாவட்டம் ... இப்படி எல்லாம் ஆனது!
இதன் க்ளைமேக்சாக வீரன் அழகுமுத்துக் கோன் மாவட்டம் என்று தென்காசியைத் தலைநகராகக் கொண்டு கருணாநிதி உருவாக்க முயன்ற போது பெரும் கலவரங்கள் உருவாயின.
பிறகு இனி எந்த மாவட்டத்துக்கும்...
எந்தப் போக்குவரத்துக் கழகத்துக்கும்...
தனிநபர்களின் பெயரைச் சூட்டுவதில்லை என்று அரசாங்கமே ஒரு கொள்கை முடிவு எடுத்து...
அதுவரை வைத்த அத்தனை பெயர்களையும் அழிக்கும் அளவுக்கு... தென்மாவட்டக் கலவரங்கள் பெரும் வீச்சை ஏற்படுத்தின. இது கலைஞர் ஆட்சியில் - அதாவது மாரி செல்வராஜ் 'பாஷை'யில் சொல்வதானால்...
1990 களின் பிற்பகுதியில் என்பதை மறுப்பதற்கில்லை!
எனக்கு இந்த மாரி செல்வராஜ், வெற்றிமாறன், பா.ரஞ்சித், அமீர் வகையறா ஆசாமிகளின் மீதெல்லாம் -அவர்களுடைய கலைப்படைப்புகளை வைத்து - பெரிய மரியாதை கிடையாது!
ஆனால் திமுகவினர் இப்போது அவர்கள் மீது பாய ஆரம்பித்து இருப்பது தமாஷாக இருக்கிறது! அதாவது மாரி செல்வராஜ் "நீல" சங்கியாம்!
திமுக ஆட்சியில் கலவரங்கள் நடந்ததாக காட்டிவிட்டாராம்! தலித் இயக்கத்தவரின் அடையாளம் நீலசட்டை - எனவே "நீல" சங்கி! ஆனால் திமுகவினரின் வரையறைப்படி இன்னும் பல நிறங்களில் "சங்கி" கள் உள்ளனர்!
CPM கட்சி - அதன் ராஜ்ய சபா உறுப்பினர் - "சிகப்பு" சங்கி! ஏனென்றால் பாஜக அரசு கொண்டு வந்த
"ஏழைகளுக்கான 10% ஒதுக்கீடு" (EWS) மசோதாவை CPM ஆதரித்தது அல்லவா? அதை ஆதரித்து 'பார்ப்பனர்' T.K.ரங்கராஜன் பேசியபோது - கனிமொழி குறுக்கே வந்து - "என்னங்க இது அநியாயம்?" - என்று கத்திவிட்டும் போனார் அல்லவா? எனவே திமுக வரையறைப்படி CPM - "சிவப்பு" சங்கி!
வேலூர் இப்ராஹீம் போன்ற முஸ்லீம்கள், இந்துக்களின் நியாயத்தை உணர்ந்து பேசுவதால் அவர் "பச்சை" சங்கி!
கேரளாவில் P.C.ஜார்ஜ் என்ற காங்கிரஸ்காரர்-
"லவ் ஜிகாத் என்பது நிச்சயம் பெருமளவில் நடக்கிறது; இந்தியாவை இந்து நாடாக அறிவிக்க வேண்டும்"- என்று பேசியதால் அவர் கிறிஸ்தவ 'வெள்ளை' சங்கி!
"அம்பேத்கர் சமஸ்கிருதத்தை தேசிய மொழியாக்க முன்மொழிந்தார்"- என்று முன்னாள் சுப்ரீம் கோர்ட் தலைமை நீதிபதி போப்டே பேசியுள்ளார்! எனவே அவர் நீதிபதி கவுன் நிறத்தால் "கறுப்பு" சங்கி!
இன்னும் சீமான் -"தமிழ் தேசிய" சங்கி!
கமல் - "மய்ய"- சங்கி!
ஆக... ஆக... ஆக...
திமுகவினர் பார்வையில்....



நீல சங்கி, சிகப்பு சங்கி, கதர் சங்கி, கறுப்பு சங்கி, பச்சை சங்கி, தமிழ் தேசிய சங்கி, மய்ய சங்கி...
இப்படிப் பலரும் உண்டு!
உண்மையான RSS சங்கியைத் தவிர இப்படிப்பட்ட கலர் கலரான "சங்கி" கள்தான் அதிகம் போல!
ஆனால் திமுகவினர் வசதியாக ஒன்றை மறந்து விடுகின்றனர்! 1999 - 2004 வாஜ்பாய் மந்திரிசபையிலேயே பங்கேற்று காபினெட் மந்திரியாகவே இருந்தாரே - முரசொலி மாறன் - அவர் எந்தவகை "சங்கி"?
ஒருவேளை "திராவிட" சிங்கியோ?

கர்ணன் திரைப்படத்தைவைத்து அதிமுகவை மட்டம் தட்ட நினைத்த திமுகவினரின் சாயம் வெளுத்துப் போனது மட்டும்தான் மிச்சம்! மான்சோலை தேயிலைத் தொட்டது தொழிலாளர்கள் 17 பேர் கொல்லப்பட்டது , திமுக ஆட்சியில்தான் என்பதை மட்டுமல்ல, ஒவ்வொரு சாதியையும் திருப்திப்படுத்த கருணாநிதி என்னென்ன செய்தார், பிரச்சினை பெரிதானதும் எப்படியெல்லாம் ஜகா வாங்கினார் என்பதையும் இந்த முகநூல் பகிர்வு கொஞ்சம் சுருக்கமாகச் சொல்கிறது.

பாரதத்துக் கர்ணன் கொடையாளி! அர்ஜுனனுடன் கொண்ட பகைமை, துரியோதனனுடன் கூட்டாளி ஆக்கி வைத்தது. அவ்வளவுதான்.ஆனால் பா ரஞ்சித், மாரி செல்வராஜ் வகையறா கர்ணன் பெயரைவைத்துத் தங்களுடைய வன்ம அரசியலை மட்டுமே முன்னெடுத்து வருகின்றனர் என்ற முந்தைய கருத்தில் மாற்றமில்லை.

பதிவின் தலைப்புக்கும் படத்துக்கும் என்ன சம்பந்தம் என்று கேட்கிறீர்களா? C S கர்ணன் என்று கூகிளிட்டு தேடிப்பாருங்கள்!

மீண்டும் சந்திப்போம்.

Sunday, April 11, 2021

#கர்ணன் திரைப்படம் சொல்லவருவது என்ன?

இந்தப்பக்கங்களில் திரைப்பட விமரிசனம் என்றெழுதி நீண்டநாட்களாகி விட்டது என்கிற நினைப்பே, இன்று முகநூலில் ஸ்டேன்லி ராஜன் எழுதிய ஒரு பகிர்வைப் படித்ததும் தான்,வந்தது. அதுவும் ஒரு திரைப்படம் மீதான விமரிசனம் என்று மட்டுமே இல்லாமல், தமிழ்த்திரை உலகம் போய்க்கொண்டிருக்கிற விதத்தைப் பற்றிய ஆதங்கமாகவும் வெளிப்பட்டிருந்ததை யோசித்ததில் ஒரு பெருமூச்சுடன் தான் கடக்கவேண்டி இருந்தது.


 

2ம.நே 
இந்த சினிமா தயாரிப்பு என்பது சாமான்யம் அல்ல, பெரும் செட்டிகளும் மார்வாடிகளுமே திணறி தாக்குபிடிக்க முடியாமல் ஓடிவிட்ட களம் அது
ஏவிஎம் போன்றோரே ஒதுங்கி கொள்ள, குஞ்சுமோன் போன்ற பிரமாண்டங்களே இருந்த இடம் தெரியாமல் போன அளவு அதன் தாக்கம் கடுமையானது
திரைதுரையிலே ஊறிய நடிகர்களும் கவிஞர்களும் கூட, ஏன் டைரக்டர்கள் கூட சொந்தபடம் எனும் சவால் எடுக்க துணியவில்லை. அப்படிபட்ட திரையுலகில் பா.ரஞ்சித்தனார் 6 படம் தொடர்ந்து தயாரிப்பாராம், இதற்கான பணம் எங்கிருந்து யார் கொடுகின்றார்கள் என்பது தெரியாது
சரி, யாரும் கொடுக்கட்டும் ஆனால் இந்த தலித் கும்பல் எடுக்கும் படங்களின் கதை என்ன?
மேல் சாதி கீழ்சாதியினை அடிகின்றது, ஒடுக்குகின்றது எனும் ஜாதிய மோதலை தூண்டும் விதமாகவே இருக்கின்றதே அன்றி உருப்படியாக ஏதுமில்லை
நல்ல தலித்படம் என்றால் படித்தோ உழைத்தோ ஒரு சமூகம் உயர்வதை காட்டலாம் , மாறாக அடி, வெட்டு, குத்து, சிறைக்கு போ என்பதெல்லாம் மிக பெரிய சாதிய வன்ம தூண்டல்
இந்த இடத்தில் பாரதிராஜா, கமல், முத்தையா என அவர்களை இழுத்துவரலாம் ஆனால் பாரதிரஜாவோ கமலஹாசனோ சாதிய சண்டை வராதவரையில் சுய சாதி அல்லது ஒரு சாதியின் கொடும் மனநிலையான இன்னொரு பக்கத்தை காட்டியிருப்பார்கள்
அதற்கு முக்குலத்தோர் சமுதாயம் பொங்கியிருக்க வேண்டும் ஆனால் அவர்களோ நாங்கள் அப்படித்தான் திருந்த வேண்டிய தூரம் நிறைய உண்டு என்பதுபோல் அமைதி காத்தார்கள்
ஆனால் ரஞ்சித்தர், மாரி செல்வராஜ் படங்களெல்லாம் அப்படி பக்குவமான நிலையில் எடுக்கபட்டவை அல்ல, அவர்களிடம் முதிர்ச்சி இல்லை மாறாக ஒருவித வன்மம் மட்டும் மேலோங்கி நிற்கின்றது
வரலாற்றை புரட்டுங்கள்
1300களில் ஆப்கானிய கொள்ளை கும்பல் மதுரையினை ஆளவந்ததில் தமிழ்குடிகளின் அடக்குமுறை ஆரம்பிக்கின்றது, பின் நாயக்கர்கள் வந்தார்கள்
வெள்ளையன் ஆட்சியில் எல்லோரும் அடிமை ஆம் பார்ப்பனன் முதல் தலித் வரை அடிமைகளே
பார்ப்பனருக்கும் சொத்து பத்து மாட மாளிகை என எதுவுமில்லை, ஒரு சில ஜமீன்களும் மிராசுகளும் மட்டும் சொத்து வைத்திருந்தன அதுவும் ஆங்கிலேயனுக்கு கப்பம் கட்ட.இந்நிலையில்தான் சுதந்திரம் வந்து நாடு விடுதலையாயிற்று
இதன் பின் காட்சிகள் மாறின, பார்ப்பன சமூகம் முடிந்தால் இந்தியா இல்லையா வெளிநாடு என கல்வியில் அதன்போக்கில் முன்னேறிற்று
இதில் அன்று "குற்றபரம்பரை" என ஆங்கிலேயனால் அடிமையாக்கபட்ட முக்குலத்து சமூகம் கூட விளையாட்டு, கல்வி, தொழில் என மெல்ல மேலெழுந்தது
இன்று காவல்துறை நீதிதுறை உள்ளிட்ட பல துறைகளில் மறவர்கள் ஆதிக்கம் இருப்பதை மறுக்க முடியாது, இவ்வளவுக்கும் குற்றபரம்பரை என ஒடுக்கபட்ட சமூகம் அது
துருக்க படையெடுப்பில் பல இன்னல்களை சந்தித்து ஒடுக்கபட்ட இனமான நாடார் இனம் இன்று உழைப்பால் வியார சமூகமாக உயர்ந்து நிற்கின்றது, தமிழக பொருளாதாரம் அவர்களிடம் இருக்கின்றது
ஆக ஆழ்ந்து கவனியுங்கள்
இதில் தலித்மக்களின் சாதனை என்ன?
இந்த 2000 வருடம் அடக்கினான், ஒடுக்கபட்டோம், தாழ்த்தபட்டோம் என்பதல்ல விஷயம், 1930களில் இருந்து அவர்களுக்கு வாய்ப்பு குவிய தொடங்கியது
சுதந்திர இந்தியா அவர்களுக்கான விடியலை இட ஒதுக்கீடு, சட்ட ரீதியான பாதுகாப்பு என வழிவிட்டது
ஆனால் எவ்வளவு தலித் தொழிலதிபர்கள் உருவானார்கள், எவ்வளவு பேர் பெரும் பதவிக்கு வந்தார்கள், எவ்வளவு பேர் தொழில் சாம்ராஜ்யம் இல்லை வேறு வகையில் உருவானார்கள்?
ஒருவருமில்லை
படிப்பு இல்லை என்பது விஷயமல்ல, சென்னையில் உழைத்து கொடிகட்டிய நாடார்களில் பலர் 5ம் வகுப்பு தாண்டாதவர்களே
ஆக கல்வியும் இன்னும் கடுமையான உழைப்புமே ஒரு சமூகத்தை உணர்த்தும் மாறாக அடங்கமறு, வெட்டு, குத்து, கொல் என்பதெல்லாம் ஒரு காலமும் நல்ல முடிவினை தராது
இது ஒரு சில லோக்கல் தாதாக்களை உருவாக்குமே அன்றி சமூகத்துக்கான ஒரு மாற்றத்தையும் கொடுக்க்காது
ரஞ்சித் கோஷ்டி ஒரு மாதிரியான விஷ விதைகளை தமிழகத்தில் விதைக்கின்றது
சுதந்திர இந்தியா எல்லோருக்கும் சமவாய்ப்பு என்று அல்ல, அவர்களுக்கு மிகபெரிய வாய்ப்பினை கொடுக்கும் அளவில்தான் வடிவமைக்கப் பட்டிருக்க்கின்றது
அதில் படித்தோ உழைத்தோ முன்னேறாமல் கற்பனை கதைபேசியே சம்பாதிப்போம் அதற்கு ஒரு சமூகத்தினை வெறியேற்றி புரட்சி செய்வோம் என்பதெல்லாம் சரியல்ல.இதெல்லாம் சமூகம் பற்றி அதன் அமைதி வளர்ச்சி பற்றி கவலைபடாத ஒரு சில பக்குவற்ற தற்குறிகளின் சுயநலம் அன்றி வேறல்ல
கமலஹாசனும் தேவர்மகன் என்றொரு படம் எடுத்தார், அதன் முடிவில் வன்முறை தீர்வாகாது கல்வியும் உழைப்புமே ஒரு சமூகத்தை மேம்படுத்தும் என சொல்லியிருந்தார்
எங்கே "பொடியன்குளம்" என பெயர் வைத்த கோஷ்டி "கீழதூவியூர்" என ஒரு ஊருக்கு பெயர் வைத்து படம் எடுத்துவிட முடியுமா?
எடுத்துவிட்டு கமுதி ராமநாதபுரம் பக்கம் அமைதி நிறுத்திவிட முடியுமா?
இந்த சென்சார் போர்டும் அது சார்ந்த அமைப்புகளும் சாதிய வன்முறையினை தூண்டும் ரஞ்சித்தர் கோஷ்டிகளுக்கு சில கட்டுபாடுகளை விதிக்காவிட்டால்
அதாவது படிக்காதே உழைக்காதே மாறாக அருவாள் தூக்கி அந்த சாதியினை வெட்டி "புரட்சி செய்" என்றெல்லாம் வன்மங்களை விதைப்பதை தடுக்கா விட்டால் பிறிதொரு நாளில் இவர்களால் தமிழக அமைதி மிகபெரிதாக பாதிக்கபடும் என்பது மட்டும் நிஜம்..
அரைகுறை சுயநல‌ போராளி மிக மிக ஆபத்தானவன், அவனால் மிகபெரிய சமூக அமைதி கெடும், அதற்கு முன் அரச அமைப்புகள் விழிப்பது நல்லது. ஆம், உழைப்பும் படிப்பும் நல்ல சிந்தனையுமே ஒரு சமூகத்தை உயர்த்தும் அதைத்தான் பல்வேறு சமூகங்களின் வளர்ச்சியினை கொடுக்கும்,

அது அன்றி எதுவும் வாரா
ஸ்டேன்லி ராஜன் சேர்த்தே சொல்லி இருக்கலாம்.

தலித் இலக்கியம், தலித் சினிமா, தலித் அரசியல் என்று தலித் மக்களை மற்றவர்களிடமிருந்து பிரித்து, தனித் தீவாக்கும் முயற்சிகள் நீண்டநாட்களாகவே நடந்து கொண்டுதான் இருக்கின்றன. சரக்கு மிடுக்கு என்று பேசும் திருமாவளவன், ரஜினிகாந்தை வைத்துப் படம் பண்ணியதாலேயே பிரபலமான பா. ரஞ்சித், அவரை அடியொற்றி வந்த மாரி செல்வராஜ் என்று விபரீதமான சிந்தனைகளை விதைக்கும் நபர்கள் இப்போதுதான் முன்னணிக்கு வந்து கொண்டிருப்பதைக் கவலையோடு கவனிக்க வேண்டி இருப்பதை ஸ்டேன்லி ராஜன் பகிர்வு சுட்டிக் காட்டுகிறது.

மாற்றுக்கருத்தையும் கவனத்தில் கொள்வதற்காக சிங்கப்பூர் பதிவர் நண்பர் கோவி கண்ணன்  . 
இது பட விமரிசனம் அல்ல என்று சொல்லியே ஆரம்பித்திருக்கும் கர்ணன் படத்தின் மீதான பார்வை இங்கே  

மீண்டும் சந்திப்போம்.

Friday, April 9, 2021

மீண்டும் சீனாதானா உளறலும் கொரோனா பரவலும்!

தமிழகத்தில் பிஜேபியின் கால்நகம் கூடப் பதிய  விட மாட்டோமென்று பானாசீனா காரைக்குடியில் பேசி ஐந்துநாட்கள் கூட ஆகவில்லை. வெட்டிப்பேச்சுக்குப் பெயர்போன சீனாதானா செட்டியார் அடுத்த உளறலை வாந்தியெடுக்க ஆரம்பித்திருக்கிறார்."எந்தவிதமான முன்பதிவும் இன்றி அனைத்து வயதினருக்கும் இலவசமாகத் தடுப்பூசி செலுத்த வேண்டிய அவசியமான நேரம இது. அறிவியல்பூர்வமற்ற மற்றும் பிடிவாதமான நிலைப்பாடு காரணமாக, ஒவ்வொரு நாளும் பல்வேறு நோய்த் தொற்று உருவாக மத்திய அரசு அனுமதித்து வருகிறது. மிகப்பெரிய பேரழிவு நாட்டை எதிர்நோக்கிக் காத்திருக்கிறது" என்று இந்த எல்லாம் தெரிந்த ஏகாம்பரம் நேற்றைக்கு உளறிவைத்திருப்பது இங்கே செய்தியல்ல.உலகத்தின் பலநாடுகளில் 2வது, 3வது அலையாக கொரோனா நோய்த்தொற்று அடுத்த கட்டத்துக்கு நகர்ந்து கொண்டிருக்கையில் இந்தியாவில் கடந்த ஆறேழு மாதங்களாகக் கட்டுக்குள் இருந்த கொரோனா நோய்த்தொற்று கடந்த இரண்டு மூன்று தினங்களாக ஒவ்வொருநாளும் புதிதாக ஒருலட்சம் பேருக்கு மேல் என்று கவலையளிக்கும் விதத்தில் அதிகரித்து வருகிறது.


சீனாதானா செட்டியார் போன்ற ஊழல் அரசியல் வாதிக்கு வேண்டுமானால்  இதுமாதிரி நோய்த்தொற்றும் உயிரிழப்பும், அரசியல் செய்யக் கிடைத்த இன்னுமொரு கல்லெறிதல் தான்!  ஆனால் ஜனங்களாகிய நமக்கு? இந்த 4 நிமிடப் பாடலைக் கொஞ்சம் காதுகொடுத்துக் கேளுங்கள்! மாஸ்க் அணிவது, கைகளை அடிக்கடி சுத்தம் செய்துகொள்வது, அனாவசியமாகக் கூட்டம் எதிலும் கலந்துகொள்ளாமல் தவிர்ப்பது, மருத்துவர்கள் ஆலோசனைகளைப்பின்பற்றுவது என ஜனங்கள் செய்யக் கற்றுக்கொள்ளவேண்டியது நிறையவே இருக்கிறது.    

உச்சக்கட்ட கேவலமான அரசு எது என்றால் மஹராஷ்டிராவின் மஹாவிகாஸ் அகாடி நடத்தும் அரசுதான். அங்கு வாழும் மக்களின் உயிர்களோடு அந்த அரசு விளையாடுகிறது.
எங்குமே வாக்ஸின் குறைவாக இல்லை. பொய்யை வாந்தியெடுத்து மக்கள் மனதில் பயத்தை ஏற்படுத்தி அரசியல் செய்கிறது அந்த அரசு. இப்படி அரசியல் செய்து மத்திய அரசின் மேல் வெறுப்பை உருவாக்க முயல்கிறார்களாம் இந்த எலெக்ட்ரானிக்ஸ் யுகத்தில். இந்த ஐடியாவை காங்கிரஸில் இருக்கும் ஏதோ ஒரு கிழ அரசியல்வாதிதான் சொல்லிக் கொடுத்திருக்க வேண்டும். சிறையில் 106 நாட்கள் இருந்து ஜாமீனில் வெளி வந்திருக்கும் அந்த திருட்டு கிழ நரிதான் டிவிட்டரில் வாய்க்கு வந்தபடி பொய்யை பரப்பிக் கொண்டிருக்கிறார்.

08/04/2021 பகல் 12:30 வரை 15 லட்சம் யூனிட் வாக்ஸின் இருப்பில் இருக்கிறது என்று தெரிகிறது. ஆனால்.. கோவிட் 19 வாக்ஸினை பல மருத்துவமனைகளில் நிறுத்திவிட்டு குறைவாக ஸ்டாக் உள்ளதாக மஹராஷ்டிரா அரசு பொய் சொல்கிறது. மஹா விகாஸ் அகாடியின் 100 கோடி கமிஷன் கதை வெளியில் வந்ததும் அதை மடை மாற்ற நடத்தப்படும் நாடகமே இது..!  என்று முகநூலில் அம்பலப்படுத்தி இருக்கிறார்கள்.

சீனாதானாக்கள் மட்டுமல்ல அவர்கள் சங்காத்தம் வைத்திருப்பவர்கள் எவராக இருந்தாலும் நாட்டுக்குக் கேடு நினைப்பவர்களே! நோய்த்தொற்று வராமல் எப்படி நம்மைப்பாதுகாத்துக் கொள்வது மிக அவசியமோ அதேபோல சீனாதானா மாதிரியான கெடுமதியாளர்களை ஒதுக்கி வைப்பதும் மிகமிக அவசியம்.

மீண்டும் சந்திப்போம்

Sunday, April 4, 2021

யாருக்கு வாக்களிப்பது? அதற்கு முன் யார் யாரை நிராகரிப்பதென்பதை முடிவு செய்யுங்கள்!

எந்தத்தேர்தலிலும் பார்த்திராத அளவுக்கு இந்த சட்ட மன்றத் தேர்தலில் இரண்டு கழகங்களும் கூட்டணி  முடிவாகும் முன்னரே தங்களுடைய தேர்தல் பிரசாரத்தை கடந்த மூன்று மாதங்களில் தனித்து நடத்தி முடித்து விட்டன. பத்துவருடங்களாக ஆட்சியைப் பிடிக்க முடியாத பெரும்பசி, வெறியோடு திமுக பெரும்பணச் செலவில் பிரசாந்த் கிஷோர் வகுத்துக் கொடுக்கும் உத்திகளோடு களம் இறங்கியிருக்கிறது. அநேகமாக தமிழகத்தில் இருக்கும் மொத்த ஊடகங்களையும் திமுக தன்னுடைய கட்டுப்பாட்டில் கொண்டுவந்து, திமுகதான் ஆட்சியைப் பிடிக்கப் போகிறது என்ற செய்தியை பல்வேறு விதமான வழிகளில்  ஜனங்களுடைய மனதில் பதிய வைக்கும் உளவியல் யுத்தத்தில் வென்றதுபோல ஒரு மாயையை உருவாக்கி வைத்திருக்கிறார்கள்.


வணிக ஊடகங்களை திமுகவால் விலைக்கு வாங்க முடிந்தாலும், தனிமனிதர்களாக சமூக ஊடகங்களில் செய்துவரும் திமுக எதிர்ப்பை ஒன்றும் செய்ய முடியாமலும், அவைகளின் தாக்கம் எந்த அளவுக்கு சேதாரத்தை ஏற்படுத்தும் என்பதை சரியாக கணிக்க முடியாமலும் தவித்துவருகிறார்கள் என்பது தான் கள யதார்த்தம்


உதயநிதி அடுத்த முதல்வரா? கேட்கவே படுதமாஷாக இருக்கிறதே! ஆனால் சங்கர மடம் போல இல்லாத திமுகவில் என்ன நடக்கும் என்பது தான் ஊரறிந்த ரகசியமாயிற்றே!

தேர்தல் நேரக்காமெடிகளை சற்றே ஒதுக்கி வைத்து விட்டு வாக்காளர்களாகிய நமக்கு முன்னால் இருக்கிற கடமை, வாய்ப்புக்கள் என்னவென்பதைக் கொஞ்சம் பார்க்கலாமா?

அன்புள்ள வாக்காளரே!
வணக்கம். இன்னும் 2 நாட்களில் விரலைக் கறை படுத்திக் கொள்ளப் போகிறீர்கள். ஆனால் கறை நல்லது, நீங்கள் சரியான அரசைத் தேர்ந்தெடுப்பீர்களேயானால்.
பொதுவாகத் தேர்தலின் போது எதிர்காலத்தை எண்ணிப் பார்த்து வாக்களியுங்கள் என்று அறிவுரை சொல்வார்கள். ஆனால் நான் கடந்த காலத்தை நினைத்துப் பார்த்து முடிவு செய்யுங்கள் என்று கேட்டுக் கொள்கிறேன்.
இன்று நம் முன் ஐந்து வாய்ப்புக்கள் நிற்கின்றன. அவற்றில் எதைத் தேர்ந்தெடுப்பது என்பதை விட எவற்றையெல்லாம் நிராகரிப்பது என்று சிந்தித்தால் நாம் தேர்ந்தெடுக்கக் கூடியது எது என்பது தானே தெளிவாகிவிடும்.
நாம் தமிழர் என்றொரு கட்சி களத்தில் நிற்கிறது. அந்தக் கட்சி விடுதலைப் புலிகளின் சித்தாந்தால் மன ஊக்கம் பெற்று (inspiration) உருவானது. அதன் ஆதர்ச தலைவர் பிரபாகரன். அவரது அணுகுமுறை இந்தக் கட்சித் தலைவரிடமும் பிரதிபலிக்கிறது. மாற்றுக் கருத்துக் கொண்டவர்களை மரத்தில் கட்டி வைத்து தோலை உரித்து பனைமட்டையால் விளாச வேண்டும், தன் முடிவை ஏற்காதவர்களை கிரீஸ் டப்பாவை நசுக்குவது போல் நசுக்கிவிடுவேன் என்றெல்லாம் அவர் பகிரங்கமாகப் பேசுகிறார். சுருக்கமாகச் சொன்னால் அது அரசியல் கட்சியல்ல, ஒரு வழிபாட்டுக் கும்பல் (Cult) அதை நிராகரித்து விடலாம்
அமமுக, மக்கள் நீதி மய்யம் இரண்டும் தனிநபர்களின் சுயநலத்தால் உருவானவை. சசிகலா அரசியலிலிருந்து ஒதுங்கிக் கொண்டு விட்டார். அந்த நிலையில் அவரைத் தலைவராக ஏற்றுக் கொண்டுள்ள கட்சியும் தேர்தலிலிருந்து ஒதுங்கியிருக்கத்தானே வேண்டும்? சசிகலா, திமுகவை வீழ்த்துவதுதான் நமது நோக்கம் என்று அறிவித்து இருக்கிறார். அவரைத் தலைவராக ஏற்றுக் கொண்ட கட்சி, திமுகவை வீழ்த்தும் நோக்கம் கொண்ட அதிமுகவைத்தானே வலுப்படுத்த வேண்டும்? அதற்கு மாறாக திமுகவிற்கு எதிரான வாக்குகளைப் பிரிக்க முற்படுவது ஏன்?
ஏனென்றால் தேர்தல் வெற்றியை அல்ல, தேர்தலுக்குப் பின் பேரம் நடத்தி, ஜெயலலிதாவால் கட்சியிலிருந்து நீக்கப்பட்டத் தன்னை மீண்டும் கட்சிப் பொறுப்பில் பிணைத்துக் கொள்வதை எதிர்பார்த்து, தினகரன் களம் இறங்குகிறார். அவரது சொந்த நலனைக் காப்பாற்ற நாம் வாக்களிக்க வேண்டியதில்லை
கமல்ஹாசனின் கட்சி தோன்றக் காரணம் விஸ்வரூபம் படத்திற்கு ஏற்பட்ட இடைஞ்சல். அப்படி இடைஞ்சல் ஏற்பட்டிருக்காவிட்டால் என் சொத்து மதிப்பு ரூ 200 கோடி இருந்திருக்கும் (இப்போது 177 கோடி) என்கிறார். தனக்கு ஏற்பட்ட பண இழப்புக் காரணமாக பழி வாங்க அரசியலில் நுழைந்திருக்கிறார். அதற்கு முன்பு அவர் அரசியல் பிரசினைகள் குறித்து சினிமாவிலோ, வெளியிலோ ஏதும் கருத்துச் சொன்னதில்லை என்பதை இதோடு பொருத்திப் பார்த்தால் உண்மை புரியும்.
தன்னை காந்தியின் பி டீம் என்கிறார் கமல்..காந்தி தனது எல்லாக் கூட்டத்தையும் பிரார்த்தனையோடு தொடங்கினார். ரகுபதி ராகவ ராஜாராம் பிரபலமானது அவரது கூட்டங்களின் மூலம்தான். கமல்ஹாசனுக்கு இறை நம்பிக்கை இருப்பதாகத் தெரியவில்லை. கடவுள் இல்லை என்று சொல்லவில்லை, இருந்தால் நன்றாக இருக்கும் என்ற அவரது திருவாசகத்தின் பொருள் புரியாமல் விழிக்கிறான் பாமரன். கடவுளை நம்பாதவர் காந்தியின் பீ டீம் ஆக இருக்க முடியுமா?
ஒரு பக்கம் தன்னை காந்தியின் பி டீம் என்று சொல்லிக் கொள்பவர், தன்னை பெரியாரின் சீடர் என்றும் சொல்லிக் கொள்கிறார். காந்தியை பிரிட்டீஷ் அரசின் ஒற்றர், கவர்மெண்டின் ரகசிய அனுகூலி, உழைக்கும் மக்களின் துரோகி என்றெல்லாம் எழுதியவர் பெரியார் (19.2.1933, குடி அரசு தலையங்கம்) பெரியாரின் சீடர் எப்படி காந்தியின் பி.டீமாக இருக்க முடியும்?
திமுக ஆட்சிக்கு வந்தால் எப்படி இருக்கும் என்று நினைத்தால் அதன் 2006-11 ஆட்சிக்காலம் நினைவுக்கு வருகிறது. மின்வெட்டு, நிலப்பறிப்பு, அதிகாரிகளை மிரட்டுவது, அரைப் பிளேட் பிரியாணிக்கும் பராட்டோவிற்கும் அடிதடி, அராஜகம், ரெளடியிசம் இவையெல்லாம் நினைவிலாடுகின்றன.
ஆரம்ப நாட்களிலிருந்து இன்று வரை திமுகவில் நீடிக்கும் ஒரே விஷயம், இந்து மத வெறுப்பு, இந்துக் கடவுள்களை இழிவுபடுத்திப் பேசுவது.
நான் எல்லாவற்றையும் விட முக்கியமாகக் கருதுவது அது குடும்ப ஆட்சியை நிறுவ முயல்வதை. குடும்ப உறுப்பினர்கள் அரசியல் கட்சியில் இருப்பதற்கும் ஓர் அரசியல் கட்சி குடும்பத்தின் கையில் இருப்பதற்கும் பெருத்த வித்தியாசங்கள் உண்டு. அப்போதும் கூட அது அந்தந்த கட்சிக் காரர்களின் தலையெழுத்து என்று நாம் பொருட்படுத்தாமல் இருந்து விடலாம். நாம் கட்சியின் உறுப்பினர்களாக இல்லாதவரை அதைப் பெரிதாக எடுத்துக் கொள்ளாமல் இருந்து விடலாம். ஆனால் அவர்களுக்கு ஆட்சி அதிகாரம் பெற்றுத்தர முற்படும் போது நாம் அதை நிராகரிக்கும் வகையில் செயல்பட்டாக வேண்டியிருக்கிறது. நம் தனிவாழ்வு, தொழில், சமுக வாழ்வு இவற்றின் மீது நேரிடையாகவும், மறைமுகமாகவும் அதிகாரம் செலுத்தி வரும் அமைப்புஅரசு . அந்த அதிகாரத்தை ஒரு குடும்பத்தின் கையில் ஒப்படைத்தால் என்னவாகும்?
அதிமுக அரசு இருண்டகாலத்திலிருந்து தமிழகத்தை விடுவித்தது. அதன் ஆட்சிக்காலத்தில் எதிர்மறையாக ஏதும் பெரிதாக செய்துவிடவில்லை. நீட் ஜிஎஸ்டி எல்லாம் தமிழ்நாட்டிற்கு எனப் பிரத்யேகமாக கொண்டு வரப்பட்டவை அல்ல. நாடு முழுமைக்குமானவை. நீட் தேர்வு காங்கிரஸ் ஆளும் மாநிலங்களிலும் நடத்தப்படுகிறது (உதாரணம் பஞ்சாப், ராஜஸ்தான்) திமுக கூட்டணியில் உள்ள கம்யூனிஸ்ட் கட்சி ஆளும் கேரளத்திலும் நடக்கிற்து. GST விகிதங்களைத் தீர்மானிப்பது ஒரு தனிநபரல்ல. ஓர் அரசுத் துறை அல்ல. ஒரு குழு -கவுன்சில் - தீர்மானிக்கிறது. அந்தக் கவுன்சிலில் எல்லா மாநில பிரதிநிதிகளும் இருக்கிறார்கள். உதாரணமாக தில்லியின் சார்பில் மனீஷ் சிசோடியா (பாஜக) புதுச்சேரியின் சார்பில் நாராயணசாமி (காங்கிரஸ்( வங்கத்தின் சார்பில் அமித் மித்ரா (திருணாமூல்) கேரளத்தின் சார்பில் தாமஸ் ஐசக (மார்க்சிஸ்ட்)
எப்போதும் அதிமுகவின் அணுகுமுறை என்பது சட்டரீதியாக சாதிக்க முடிந்தவற்றிற்கு நீதிமன்றங்களை நாடுவது (உதாரணம்: காவிரி,) சட்டப்போரட்டத்தின் மூலம் சாத்தியமாகதவற்றிற்கு மாற்று வழிகளைக் காண்பது (உதாரணம் : 69% இட ஒதுக்கீட்டிற்கு ஒன்பதாம் அட்டவ்ணை மூலம் சட்டப் பாதுகாப்பு, மருத்துவப் படிப்பில் அரசு பள்ளி மாணவர்களுக்கு 7.5% ஒதுக்கீடு)
எடப்பாடி அரசு மத்திய அரசோடு இணக்கமாக இருந்து திட்டங்களைப் பெற்று வருகிறது (உதாரணம் 11 மருத்துவக் கல்லூரிகள், மெட் ரோ ரயில் விரிவாக்கம்) தமிழக அரசின் வருவாய் முதன்மையாக மூன்று வழிகளில் வருகின்றன. 1.ஜி எஸ் டி (அதில் ஒரு பங்கு மத்திய அரசுக்குரியது) 2. பதிவுக் கட்டணங்கள் (நிலம், வீடு, வாகனங்கள்) 3. டாஸ்மாக். இந்த வருமானத்திலிருந்து அது அரசு ஊழியர் சம்பளம், விலையில்லா அறிவிப்புகள், போன்றவற்றையும் பிற செலவுகளையும் எதிர் கொண்டு பின் வளர்ச்சித் திட்டங்களுக்கும் செலவிடுவது என்பது மிக சிரமம். அனேகமாக சாத்தியமில்லை. வளர்ச்சித் திட்டங்களுக்கு மத்திய அரசின் ஒப்புதலும் (கடன் வாங்கக் கூட) நிதியும் தேவை . இதற்கு இரு அரசுகளுக்குமிடையே நல்லுறவு தேவை.
மத்திய அரசோடு மோதல் போக்கை கடைப் பிடிப்பது அரசியல் கட்சிகளுக்கு வேண்டுமானால் தங்கள் பிம்பங்களைக் கட்டமைத்துக் கொள்ள உதவலாம். மாநில வளர்ச்சிக்கு உதவாது. அதற்கு யதார்த்தங்களைப் புரிந்து கொண்டு நடைமுறை சாத்தியமாக முடிவெடுக்கும் pragmatic அரசுதான் தேவை.
தேர்தல் என்பது இருப்பதில் எது சிறந்ததோ அதைத் தேர்ந்தெடுப்பதற்கான வாய்ப்புதான். வாய்ப்பை சரியாகப் பயன்படுத்திக் கொள்ளுங்கள்.
அன்றாட வாழ்வில் பெரும் பிரசினைகளை ஏற்படுத்தாத அதிமுக ஆட்சி தொடர வாக்களியுங்கள்
எண்ணித் துணிக கருமம். அன்புடன் மாலன் .

எழுத்தாளர் மாலன் சொல்கிற விஷயங்களோடு முழுமையாக உடன்படுகிறேன் அதனால் இங்கேயும் பகிர்கிறேன் அதிமுக மீது எனக்கு வேறுவிதமான கருத்து இருக்கிறது. அதற்காக திமுக மாதிரியான ஒரு நாசகார கட்சியை ஒருபோதும் அனுமதிக்க முடியாது இல்லையா?

நீங்களும் இதை ஏற்பதோடு குடும்பத்தினர், உறவுகள், நண்பர்களுக்கும் எடுத்துச் சொல்லுங்கள்! செய்தியைப் பொதுவெளியில் பகிர்ந்துகொள்ளுங்கள் .
தமிழகம் பிழைத்திருக்க திமுகவை அதன் கூட்டணிக் கட்சிகளோடு முழுமையாக நிராகரிப்பதுதான் ஒரே நல்லவழி! நம்மால் செய்ய முடிவதும் கூட!

மீண்டும் சந்திப்போம்.
        

Saturday, April 3, 2021

ஏன் திமுகவை, அதன் கூட்டணிக் கட்சிகளோடு முழுதாக நிராகரிக்க வேண்டும்?

தேவியர் இல்லம் பக்கங்களில் நண்பர் ஜோதிஜி திமுகவை ஏன் நிராகரிக்க வேண்டும் என்பதற்கான காரணங்களைத் தொடர் பதிவுகளாக எழுதி வருகிறார். நண்பர்கள் வட்டம் அதிகமுள்ள அவருக்கே, வாசகர்கள் interaction / பின்னூட்டங்கள் மிகவும் குறைவாக இருப்பதில்  எதற்காக கருத்துச் சொல்லி வீண் வம்பை விலைக்கு வாங்கவேண்டும் என்பதான அச்சம் நீடிப்பதாகவே கருத வேண்டியிருக்கிறது தமிழில் வலைப்பதிவுகள் அதிகமாக வர ஆரம்பித்த நாட்களில் திராவிட வலைப்பதிவர்கள் என்ற போர்வையில் பலர் அராஜகமாக,பின்னூட்டம் எழுதுகிறவர்களைக் குறி வைத்து, ஆபாசத்தாக்குதல்கள் நடத்திய காலம் மலையேறிவிட்டது என்றாலும், பதிவு எழுதுகிறவர்கள் நமக்கு ஏன் வம்பு என்று ஒதுங்கிப்போவது மட்டும்  இன்னமும் குறையவில்லையோ? இத்தனைக்கும் ஒரு  தனிமனிதனாக மறைந்த பதிவர் டோண்டு ராகவன் இந்த ஆபாச திராவிடங்களை போடா ஜாட்டான் என்று துணிந்து அம்பலப்படுத்தியபோது, தாக்குப்பிடிக்க முடியாமல் சிதறி ஓடியவர்கள் இப்போது முகநூலில் ஆதிக்கம் செலுத்திவருவது வேறு விஷயம். அங்கேயும் அவர்களுக்குப் புரிகிற மொழியிலேயே பதிலடிகள் கிடைத்துக்கொண்டுதான் இருக்கின்றன.  


இந்த மிரட்டலுக்கெல்லாம்  பயப்படமாட்டேன் நான் கலைஞரின் மகன் என்று சவடாலாகப் பேசியவர்கள் சரித்திரம் என்ன? எந்த இந்திரா மீது கல்லெறிந்து , அவதூறு  பேசினார்களோ அவரது காலிலேயே விழுந்து கூட்டணி வைத்துக் கொண்டார்கள் (எம்ஜியாரும் சூடு பட்டபிறகு மத்தியில் ஆளுகிறவர்களைப் பகைத்துக் கொள்ளக் கூடாது என்ற பாடம் கற்றுக்கொண்டார்) பின்னர் வந்த ராஜிவ் திமுகவைப்  பெரிதாகக் கண்டு கொள்ளவிஅறிவாலயத்தில் ல்லை! சோனியாவுக்கு ஓடோடிச் சென்று கருணாநிதி ஆதரவுக்கரம் நீட்டியது, ஸ்பெக்ட்ரம் ஊழல் விவகாரத்தில் கனிமொழி, ஆபாச ராசரா இருவரும் திகார் சிறையில் மாதக் கணக்கில் அடைபட்டிருந்த நிலையிலும் தொடர்ந்ததே! அறிவாலயத்தில் ஒரு தளத்தில்  கருணாநிதியின் மனைவி தயாளுவிடம் சிபிஐ விசாரணை நடத்திக் கொண்டு இன்னொருதளத்தில் கலீஞரின் கையை முறுக்கி கூட்டணி பேரமும் நடத்தி 63 சட்டசபைத் தொகுதிகளையும் கொடுத்த கருணாநிதியின் அதே தைரியம் தான் தனக்கும் என்று இம்சை அரசன் பட வடிவேலு மாதிரிச் சவடாலாகச் சொல்வதாக மட்டுமே இசுடாலின் சவடாலை எடுத்துக் கொள்ள முடிகிறது! 


ஒரே ஒரு தேர்தல்தான்! உச்சத்தில் இருந்த வடிவேலு திமுகவுக்குப் பிரசாரம் செய்யப்போனா ர். மொத்த வாழ்க்கையையும் தொலைத்துவிட்டு நிற்கிறார் என்பது  அவருக்கு மட்டுமே அல்ல, இன்னும் நிறைய அரசியல் கோமாளிகளுக்கும் காத்திருக்கிற விதி!  


இசுடாலின் காமெடி அரசியலுக்கு நாம்தமிழர் கட்சியின் அபிமானி சாட்டை துரைமுருகன் போன்றவர்கள் பதில் கொஞ்சம் ரசிக்கிற மாதிரி இருக்கிறது.


 இன்றைய அரசியல் காமெடிகளை நீளம் கருதி இத்துடன் முடித்துக் கொண்டு விடலாமா? 

மீண்டும் சந்திப்போம்.

Friday, April 2, 2021

அண்ணாமலை IPS போன்ற இளைஞர்களே நமது நம்பிக்கைக்குரிய வேட்பாளர்கள்!

முதலில் தற்போதைய காமெடி ஒன்றைப் பார்த்து விடுவோம்! அரவக்குறிச்சியிலிருந்து கரூருக்கு ஓடிப் போன செந்தில் பாலாஜி, அரவக்குறிச்சி பிஜேபி வேட்பாளர் அண்ணாமலை IPS, தனக்கு கொலை மிரட்டல் விடுத்ததாகப் பயந்துபோய் புகார் அளித்ததில் அண்ணாமலை IPS மீது மூன்று பிரிவுகளில் வழக்குப் பதியப்பட்டுள்ளதாம்!


சமீப காலங்களில் இதுமாதிரி திமுக ஆசாமிகள் பயந்து புகார் கொடுத்ததாகக் கேள்விப்பட்டிருக்கிறீர்களா? இது தான் முதல்முறையாகக் கூட இருக்கும்! அண்ணாமலை அப்படி என்ன மிரட்டிவிட்டாராம்? கீழே 13 நிமிட வீடியோ


அடாவடித்தனம்,அராஜகம். அபாண்டமாக அவதூறு அரசியல் பேச்சு எல்லாவற்றிற்கும் மொத்தக்குத்தகை எடுத்திருப்பது  திமுகதான்! அவர்களுடைய அடாவடி, அராஜகத்துக்கு ஒரு வலிமையான சவாலாக  இந்த இளைஞர் வேகமாக வளர்ந்து வருவது திமுகவினருக்கு ஆரம்பமுதலே மிகவும் உறுத்தலாக இருந்திருப்பது முதல் அரவக்குறித்ச்சி என்றாலே பண அரசியல்தான் என்று இருந்ததை உடைத்தது. திமுகவின் சிறுபான்மைக் காவலர் வேஷத்தை வெற்றிகரமாக அம்பலப்படுத்தியது என்று அண்ணாமலை IPS  அவர்களின் செயல்பாடுகள் வெகுவாகவே திமுகவினரை பயமுறுத்தியிருப்பதை அவருடைய வார்த்தைகளிலேயே கேளுங்கள்! இதுவரை திமுகவின் அரவக்குறிச்சி formula, திருமங்கலம் formula,எதையும் எவரும் challenge செய்ததில்லை! இன்று ஒரு இளைஞர் அந்தமாதிரி formula,வை உடைப்பேன் என்று உறுதியாக இருக்கிறார் என்றால், அவரே நமது நம்பிக்கைக்குரிய வேட்பாளர்! நம்பிக்கை நட்சத்திரம்!  

டைம்ஸ் நவ் தொலைக்காட்சியில் இன்று,ஒளிபரப்பான நிகழ்ச்சி இது.தீபக் போபண்ணா அரவக்குறித்ச்சியின் நம்பிக்கை நட்சத்திரமான அண்ணாமலை IPS உடன் உரையாடுகிறார். ஒரு தெளிவான பார்வையுடன் அரசியல் பேசுகிற வெகுசிலரில் அண்ணாமலை IPS உம்  ஒருவர் என்பதில் சந்தேகமிருக்கிறதா என்ன?

ஒப்பீட்டளவில் இன்னும் இரு இளைஞர்களின் அரசியல் எப்படி என்று பார்த்தால் மட்டுமே அண்ணாமலை IPS அரசியல் வரவேற்கப்படவேண்டிய ஒன்று என்பது தெள்ளத்தெளிவாக விளங்கும்! வீடியோக்கள் 1 நிமிடம் மட்டுமே எங்கள்Blog ஸ்ரீராமுக்கு ஸ்பெஷலாகச் சொல்லி ஆகவேண்டும்!   


கரூரில் கெஞ்சுகிறார் தேமுதிகவின் விஜயபிரபாகரன். கேள்வியைக் கேட்டிருக்க வேண்டிய இடம் பிரேமலதா (அம்மா) LK சுதீஷ் (தாய்மாமன்) தான்!அது கூடத்  தெரியாதவரிடம் ஜனங்கள் ம்ட்டும் பதில் சொல்லி விடுவார்களா?


இந்தத்திமிருக்காகவே உதயநிதி மட்டுமல்ல, ஒட்டு மொத்த திமுக கூட்டணி வேட்பாளர்களுமே தோற்றாக வேண்டும்!

தமிழகத்தின் விடிவுகாலம் திமுக கூட்டணியை முழுதாக நிராகரிப்பதில் இருந்து தொடங்குகிறது!

மீண்டும் சந்திப்போம்.

Thursday, April 1, 2021

#அடுத்தவீடு ஆந்திரா! தெலுகு தேசம் கட்சிக்கு மேலும் ஒரு இடி!

இன்றைக்கு டெக்கான் க்ரோனிக்கிள் நாளிதழில் வெளியான செய்தி இது:

செய்தியைப் பார்த்துவிட்டு தெலுகு தேசம் கட்சியின் முக்கியத்தலைவர்கள் கொதித்துப்போய் நாளிதழின் ஆசிரியரை நீக்கவேண்டும், பத்திரிக்கை ஓனர் வெங்கட்ராமி ரெட்டி மன்னிப்புக் கேட்டே ஆகவேண்டும் என்றெல்லாம் கூக்குரலிட்டுக் கொண்டிருக்கிறார்கள். செய்தி உண்மையா? DC நாளிதழ் சில ஆண்டுகளாகவே ஏப்ரல் முதல் தேதியன்று இதுமாதிரிச் செய்தியை முழு உண்மைபோலவே வெளியிடுவது, முட்டாள்கள் தினக் கொண்டாட்டத்தின் ஒரு அங்கமாகவே பார்க்கப் படுவதால், தெலுகு தேசம் கட்சித் தலைவர்களுடைய கூக்குரல் பெரிதாகக் கண்டுகொள்ளப்படவில்லை!  

ஆந்திர அரசியலில் சந்திரபாபு நாயுடுவுக்கு நேரம், கட்டம் எதுவுமே சரியில்லை போல இருக்கிறது! சில நாட்களுக்கு முன்புதான் NTR கதாநாயகுடு என்ற திரைப்படம் வந்து, NT ராமராவ் தெலுகு ஆத்ம கௌரவத்துக்காக இந்திராவை எதிர்த்து தெலுகு தேசம் கட்சியை ஆரம்பித்ததை ஜனங்களுக்கு மீண்டும் ஞாபகப்படுத்தி விட்டுப் போயிருக்கிறது. அதன் தொடர்ச்சியாக, ஹைடெக் சந்திரபாபு நாயுடுவை கிராமங்களுக்கு யாத்திரை நடத்தித் தோற்கடித்த YSR என்கிற ராஜசேகர ரெட்டியின் கதை மம்மூட்டி நடித்து வெளியாகி இருப்பதும் கூடவே வந்து உருத்தூட்டுகிறதாம்! இப்படி 2019 இல் இதே பக்கங்களில் யாத்ரா திரைப்பட அறிமுகமாக எழுதியிருந்தது இன்றும் கூடப் பொருத்தமாகத்தான் இறுக்கிறது போல. யாத்ரா ஒரு திரைப்பட விமரிசனமாக இங்கே  சந்திரபாபு நாயுடு கதை அவ்வளவுதானா என்கிற அலசல் கூட இங்கே நடந்தது 

NT ராமாராவ் தொடங்கிய தெலுகு தேசம் கட்சியும் மாமனாரிடமிருந்து TDPயைப் பறித்துக்கொண்ட சந்திரபாபு நாயுடுவும் 2019 தேர்தல் தோல்விக்குப்பிறகு இன்னமும் மீண்டெழ முடியாமல் தவிப்பது ஆந்திர அரசியலின் ஒருமுகம்.

40 ஆண்டுகளைக்கடந்த தெலுகு தேசம் கட்சியின் வரலாற்றில், இப்போதிருக்கிற மாதிரி ஒரு சோதனையான காலகட்டம் இருந்ததே இல்லை என்று சொல்கிறார்கள். N.T. ராமாராவுடைய குடும்ப சப்போர்ட்  TDPக்கு இருந்தாலும், N.T. ராமாராவ் கதையை இரண்டு பாகங்களாகப் படம் எடுத்துக் கையைச் சுட்டுக் கொண்டதுதான் மிச்சம், ஜனங்களுடைய ஆதரவு, அனுதாபம் எதுவுமே படத்துக்கும் சரி, கட்சிக்கும் சரி கிடைக்கவில்லை. இந்த லட்சணத்தில் ஜுனியர் NTR  (ராமாராவின் பேரன்) நேரடியாக அரசியலில் இறங்கினால் தான் தெலுகு தேசம் கட்சியைக் காப்பாற்ற முடியும் என்று ஜாதி உணர்வில் (கம்மா) கொடி பிடிக்க ஆரம்பித்திருக்கிறார்கள். Except Chandrababu Naidu, everybody in the TDP are believing that the party can be rescued only with the entry of Jr NTR into the politics.Though there are many indications surrounding this opinion, recently the TDP leader Gorantla Butchiah Chowdary voic, மார்கெட் ed out this opinion publicly in Rajahmundry. As per the inside sources it is said that many biggies from the community close to the TDP are forcing Jr NTR by emotionally blackmailing him என்கிறது ஒரு ஆந்திரச்செய்தி.தெலுங்கு சினிமாவில் எல்லாத் தரப்பு ஜனங்களுடையஆதரவையும் பெற்ற, மார்க்கெட் உள்ள ஹீரோவாக இருக்கும் Jr NTR எதுவும் சொல்லாமல் அமைதியாக இருக்கிறார் அரசியலை நம்பி சினிமாவைக் கைவிட அவர் தயாராக இல்லை என்று அவருக்கு நெருக்கமானவர்கள் சொல்கிறார்கள்.

சரி, இந்தக்கதையெல்லாம் இப்போது எதற்கு?

வருகிற ஏப்ரல் 17 அன்று திருப்பதி (தனி) மக்களவைத் தொகுதிக்கான இடைத்தேர்தல் நடைபெறவிருப்பதில். ஆளும் YSRCP கட்சிக்கும் ஆட்சியைப்பறிகொடுத்த தெலுகு தேசம் கட்சிக்கும், கௌரவப்பிரச்சினை ஆகி இருக்கிறது.  

Naidu’s commitment notwithstanding, party insiders doubt whether he, already in his 70s (he turns 71 on April 20), can have a battle trim TDP ready for the 2024 assembly and Lok Sabha polls. They say that the best days for the party are perhaps over, recalling that the TDP was the first regional party to become the main opposition in the eighth Lok Sabha from 1984 to 1989 and that Naidu was the longest serving chief minister of erstwhile Andhra Pradesh (14 years).They believe it will be a Herculean task for the party in the face of the aggressive strategy of the ruling Yuvajana Sramika Ruythu Congress (YSRC) to retain popular appeal with sops and welfare measures. And there are other constraints. Naidu has never encouraged middle level leadership in the TDP though he launched several initiatives to broaden the party’s base by adopting social engineering techniques to woo different communities. Moreover, analysts point out, he has failed to shed the pro-Kamma bias tag that the TDP has worn since the days of NTR என இன்றைக்கு இந்தியா டுடே தளத்தில் அமர்நாத் K மேனன் எழுதிய ஒரு செய்திக்கட்டுரை சொல்கிறது. சுருங்கச் சொல்வதானால் A string of electoral defeats since 2019 means the party is staring at an existential crisis. It will have to work hard to stop Jagan Reddy from getting a second term in 2024    அவ்வளவுதான்!

படிப்பினை : மோடி எதிர்ப்பு கேடு தரும்! 

மீண்டும் சந்திப்போம்.

Wednesday, March 31, 2021

#தமிழகதேர்தல்களம் யாருக்கு வாக்களிக்கக் கூடாது என்கிற தெளிவுடன் ஆரம்பமாகட்டுமே!

அண்ணாதுரை முதல் ஆபாசராசா வரை திமுகவின் வரலாறே ஆபாசமும், கட்டப்பஞ்சாயத்து முதல் ரவுடியிசமும் தான்! திமுகவை எந்தக்கொம்பனாலும் அழிக்க முடியாது என்று இசுடாலின் பேசுவது வெறும் வாய்ச சவடால்தான்!


   

ஒரு பாம்பு வளைந்து நெளிந்து தரையில் ஊர்ந்து கொண்டிருந்தது. அதைப் பார்த்த ஒரு குட்டிக் குரங்குக்கு வேடிக்கையாக இருந்தது.மெதுவாகப் போய் அந்தப் பாம்பைக் கையில் பிடித்து விட்டது.
பாம்பும் குரங்கின் கையை இறுக்கமாகச் சுற்றிக் கொண்டது. விஷப் பல்லைக் காட்டி சீறியது .குரங்குக்குக் கொஞ்சம் பயம் வந்து விட்டது.கொஞ்ச நேரத்திலேயே அதன் கூட்டமெல்லாம் கூடி வந்து விட்டன.
ஆனாலும் யாருமே குட்டிக் குரங்குக்கு உதவ முன்வரவில்லை. "ஐயய்யோ. இது பயங்கரமான விஷமுள்ள பாம்பு . இது கொத்துனா உடனே மரணந்தான்.குரங்கு பிடியை விட்டதுமே பாம்பு இவனப் போட்டுடும். இவன் தப்பிக்கவே முடியாது" என்று குட்டிக் குரங்கின் காதுபடவே பேசிவிட்டு ஒவ்வொன்றாகக் கலைந்து சென்று விட்டன .
தன்னுடைய கூட்டமே தன்னைக் கைவிட்டு விட்ட சூழ்நிலையின் வேதனை....எந்த நேரமும் கொத்திக் குதறத் தயாராக இருக்கும் நச்சுப் பாம்பு.... மரண பயம் எல்லாம் சேர்ந்து குரங்கை வாட்டி வதைத்தன.
"ஐயோ. புத்தி கெட்டுப் போய் நானே வலிய வந்து இந்த
மரண வலைக்குள் மாட்டிக் கிட்டேனே". குரங்கு பெரிதாய்க் குரலெழுப்பி ஓலமிட்டது. நேரம் ஓடிக் கொண்டே இருந்தது . உணவும் , நீரும் இல்லாமல் உடல் சோர்ந்து போய்விட்டது.கிட்டத்தட்ட மயங்கி சரியும் நிலைக்கு வந்து விட்டது. கண் இருளத் தொடங்கியது.
அந்த நேரத்தில் ஞானி ஒருவர் அந்த வழியே வந்தார். குரங்கு இருந்த நிலைமையைப் பார்த்ததும் நடந்ததை உணர்ந்து கொண்டார். குரங்கை நெருங்கி வந்தார்.
சொந்தங்களெல்லாம் கைவிட்டுவிட்ட நிலையில் , தன்னை நோக்கி காவி வஸ்திரம் தரித்த மனிதர் ஒருவர் வருவதைக் கண்ட குட்டிக் குரங்கிற்கு கொஞ்சம் நம்பிக்கை வந்தது. அவர் நெருங்கி வந்து சொன்னார்,
"எவ்வளவு நேரந்தான் பாம்பைக் கையிலேயே பிடிச்சிக்கிட்டு கஷ்டப்படப் போற? அதைக் கீழே போடு" என்றார்.குரங்கோ ,"ஐயய்யோ , பாம்பை நான் விட்டுட்டா அது என்னக் கொன்னுடும் " என்றது.
அவர் மீண்டும் சொன்னார் ," பாம்பு செத்து ரொம்ப நேரமாச்சு. அதைக் கீழே வீசு". அவர் வார்த்தயைக் கேட்ட குரங்கு பயத்துடனே பிடியைத் தளர்த்திப் பாம்பைக் கீழே போட்டது.
அட....ஆமாம்!நிஜமாகவே பாம்பு ஏற்கனவே குரங்குப் பிடியில் செத்துதான் போயிருந்தது. அப்பாடா.....குரங்குக்கு உயிர் வந்தது . அவரை நன்றியுடன் பார்த்தது.
"இனிமேல் இந்த முட்டாள் தனம் பண்ணாதே " என்றபடி காவி வஸ்திரம் தரித்த ஞானி கடந்து போனார். தமிழகத்தில் எத்தனையோ பேர் இப்படித்தான் திமுகவை கையில் பிடித்துக் கொண்டு விட முடியாமல், அறியாமையில் கதறிக் கொண்டிருக்கிறார்கள்!!!!! அறிந்தவர்கள், ஏற்கனவே சில நாலாந்தர பெரிய-கட்சி-நிர்வாகிகள் பேச்சின் காரணமாக, உள்ளிருந்து ஞானம் பெற்று தெளிந்து விட்டார்கள். முகநூலில் இப்படி ஒரு உருவகக் கதை சொல்லி வழக்கொழிந்து செத்துப்போன திராவிடத்தைப் பிடித்துக்கொண்டு மறுகாதே! தூக்கிக் கிடாசிவிட்டு வேறு வழியைத் தேடப்பார் என்று வழியும் சொல்கிற மாதிரி இருக்கிறதே!

திராவிட கழகமோ , திமு கழகமோ இப்படிக் கழகங்கள் எதுவானாலும், இந்த மாநிலத்துக்கு கேடுதான்! திமுக முற்றிலும் நிராகரிக்கப்பட வேண்டிய கட்சிதான் என்பதற்கு அதன் கடந்தகாலச் செயல்பாடுகளே போதுமான காரணமாக இருக்கிறது

யாருக்கு வாக்களிப்பது என்பதைத் தீர்மானிக்க, யார் யாருக்கு வாக்களிக்கக் கூடாது என்பதில் தெளிவாய் இருக்க வேண்டும் திமுக மற்றும் அதன் கூட்டாளிகளான காங்கிரஸ், கம்யூஜிஸ்டுகள், விசிக, மதிமுக போன்ற உதிரிகளை முற்றொட்டாக நிராகரிப்பதில் இருந்து ,அடுத்து யாரைத் தேர்ந்தெடுப்பது என்கிற தேடலும் ஆரம்பிக்கிறது.

மீண்டும் சந்திப்போம்..

இப்போது பார்த்துக் கொண்டிருப்பது

#கர்ணன் படத்துக்கு #CSகர்ணன் என வைத்திருந்தால் இன்னும் கனப் பொருத்தம்!

கர்ணன் திரைப்படத்தைக் குறித்து உதயநி!தி தெரிவித்த கருத்தை ஏற்று திரைப்படக்குழுவினர் திருத்தம் செய்து இருக்கிறார்களாம்! ஏனடா திருத்தச் சொன்னோ...

முப்பது நாட்களில் அதிகம் பார்த்தது இதைத்தானாம்

இப்படியும் வகைப்படுத்தலாம் Labels

அரசியல் (318) அனுபவம் (250) நையாண்டி (104) 2019 தேர்தல் களம் (91) செய்திகளின் அரசியல் (81) எண்ணங்கள் (49) புத்தகங்கள் (45) மனித வளம் (30) செய்திகள் (28) எது எழுத்து (23) ரங்கராஜ் பாண்டே (23) சிறுகதை (21) தொடரும் விவாதம் (18) அரசியல் களம் (15) தேர்தல் சீர்திருத்தங்கள் (14) புத்தக விமரிசனம் (14) விமரிசனம் (14) ஏன் திமுக கூட்டணி வேண்டாம் (13) Change Management (12) ஊடகப் பொய்கள் (12) கமல் காசர் (12) திராவிட மாயை (12) பதிவர் வட்டம் (12) அக்கம் பக்கம் என்ன சேதி (11) ஊடகங்கள் (11) கூட்டணிப் பாவங்கள் (10) எண்டமூரி வீரேந்திரநாத் (9) காமெடி டைம் (9) புனைவு (9) ஸ்ரீ அரவிந்த அன்னை (9) ஆங்கிலப் புதினங்கள் (8) பானாசீனா (8) (சு)வாசிக்கப்போறேங்க (7) இடதுசாரிகள் (7) எங்கே போகிறோம் (7) கண்டு கொள்வோம் கழகங்களை (7) சுய முன்னேற்றம் (7) மீள்பதிவு (7) அன்னை எனும் அற்புதப் பேரொளி (6) ஏன் திமுக வேண்டாம் (6) சமூக நீதி (6) சாண்டில்யன் (6) திராவிடப் புரட்டு (6) படித்ததில் பிடித்தது (6) புத்தகம் (6) ராகுல் காண்டி (6) வாசிப்பு அனுபவம் (6) ஸ்ரீரங்கம் வி மோகனரங்கன் (6) இர்விங் வாலஸ் (5) உதிரிகளான இடதுகள் (5) ஏய்ப்பதில் கலைஞன் (5) காங்கிரஸ் (5) தரிசன நாள் (5) தேர்தல் முடிவுகள் (5) நா.பார்த்தசாரதி (5) மாற்றங்களுக்குத் தயாராவது (5) Tianxia (4) ஏன் காங்கிரசும் வேண்டாம் (4) ஒளி பொருந்திய பாதை (4) கவிதை நேரம் (4) சீனா (4) சீனா எழுபது (4) ஜெயகாந்தன் (4) தி.ஜானகிராமன் (4) பேராசையின் எல்லை எது (4) மாற்று அரசியல் (4) மோடி மீது பயம் (4) ஸ்ரீ அரவிந்தர் (4) அஞ்சலி (3) காஷ்மீர் பிரச்சினை (3) குறுக்குவழி (3) சண்டே போஸ்ட் (3) சம நீதி (3) சரித்திரக் கதைகள் (3) ஜாக்டோ ஜியோ (3) ஞானாலயா (3) தலைப்புச் செய்தி (3) பதிப்பகங்கள் (3) பாரதியார் (3) பொதுத்துறை (3) ராமச்சந்திர குகா (3) லயோலா (3) வாசிப்பும் யோசிப்பதும் (3) CONகிரஸ் (2) Defeat Congress (2) February 21 (2) The Sunlit Path (2) YSR (2) Yatra (2) அம்பலம் (2) உதிரிக் கட்சிகள் (2) கோமாளிகள் கையில் அரசியல் (2) சமுதாய வீதி (2) சிறுபான்மை அரசியல் (2) சுத்தானந்த பாரதியார் (2) செய்திக்கலவை (2) ஜெகசிற்பியன் (2) ஜெயமோகன் (2) தமிழ் வெப் சீரீஸ் (2) தலைமைப் பண்பு (2) தாலிபான் (2) திரைப்படங்கள் (2) நேரு (2) பழக்கங்களின் அடிமை (2) பிரியங்கா வாத்ரா (2) மம்மூட்டி (2) யாத்ரா (2) ராஜமுத்திரை (2) வரலாறும் படிப்பினையும் (2) வி.திவாகர் (2) CPIM (1) Darshan day message (1) EVM சர்ச்சை (1) The R Document (1) Three C's (1) accidental PM. (1) ma foi (1) ஆர்தர் ஹெய்லி (1) இன்ஸ்டன்ட் போராளிகள் (1) கணக்கன் கட்டுரைகள் (1) கந்துவட்டி ஏகாதிபத்தியம் (1) காந்தியா காண்டியா (1) காரடையான் நோன்பு (1) கிறித்தவம் (1) கொத்தமங்கலம் சுப்பு (1) சகலகலா வல்லி (1) சீனி விசுவநாதன் (1) சொன்னது சரிதானா (1) ஜமீன் (1) ஜெயிப்பதற்கு ஒரு எட்டு (1) ஜெயிப்பது நிஜம் (1) திருக்குவளைச் சோளர்கள் (1) ந.பிச்சமூர்த்தி (1) நித்திலவல்லி. நா.பார்த்தசாரதி (1) படித்தான் பரிந்துரை (1) பிரிவினைக் கும்பல்கள் (1) புதுமைப் பித்தன் (1) புத்தக்ங்கள் (1) புள்ளிராசா வங்கி (1) பொய்கள் (1) மான நஷ்டம் (1) மாற்றங்களை எதிர்கொள்வது (1) மு.வரதராசன் (1) ராபர்ட் லட்லம் (1) ஹிந்து காஷ்மீர் (1)