தயிர்வடை (தோழர்) வரதராஜனும் தமிழக அரசியல் களமும்!

உதவாத ஒரு இடதுசாரியாகத் திரிந்து கொண்டிருந்த 40+ ஆண்டுகளுக்கு முன்னால் ஒரு பிரபலமான அரசியல் ஆளுமையைப் பற்றி, தயிர்வடையை ஆசையாகச் சாப்பிட்டுக்கொண்டே தோழர் வரதராஜன் சொன்ன ஒரு சத்தியவாக்கு இதை எழுதிக்கொண்டிருக்கும் இந்த நேரத்திலும் ஞாபகத்தில் எதிரொலித்துக் கொண்டே இருக்கிறதென்றால்  நம்ப முடிகிறதா? அவர் என்ன சொன்னார் என்பதைப் பார்த்தால் அது எத்தனை சத்தியமான வாக்கு என்பதும் புரிந்துவிடும்.  

வீடியோ 36 நிமிடம் 

 

தோழர் வரதராஜன் குறிப்பிட்ட அந்தப்பிரபலமான அரசியல்வாதி பலவித கிறுக்குத்தனங்களுக்குப் பெயர் போனவர். கருணாநிதி மாதிரி எல்லாவற்றிலும் கருத்துக் சொல்லி எல்லா விதங்களிலும் சிக்கிக்கொண்டவர் அல்ல. எப்படி அவர் தப்பித்துக்கொண்டே வருகிறார் என்ற ஆச்சரியம் எனக்கு. அதற்குத் தோழர் சொன்ன பதில் தான் கிளாஸ்! இருகோடுகள் தத்துவம் தான்!  

" ஒருவிஷயம் மிகவும் முட்டாள்தனமானது என்று ஜனங்கள் கூக்குரல் எழுப்ப ஆரம்பிக்கிறபோதே இன்னுமொரு முட்டாள்தனத்தை முன்னிறுத்துவது! புதிய விஷயம் கிளம்பியவுடன் பழைய கிறுக்குத்தனத்தை ஜனங்கள் மறந்துவிட்டுப் புதிய விஷயத்தைப் பிடித்துக் கொள்வார்கள். இப்படி வரிசையாகத் தொடர்வதிலேயே ஜனங்கள் மறதியும் கூடிக்கொண்டே போவதுதான் அவருடைய பலம், சாமர்த்தியம்! புரிகிறதா?" என்று சொல்லிக்கொண்டே இன்னொரு பிளேட் தயிர்வடை ஆர்டர் செய்யச் சொல்வார். தயிர்வடை என்னுடைய குரு தட்சிணை என்பது நண்பர்களுக்கு இந்நேரம் புரிந்து இருக்கும்!  

திமுக ஆட்சிக்கு வந்து இன்று 50 நாட்களாவதில், இரு கோடுகள் தத்துவம் சொல்கிற மாதிரி, வலுவில் ஒரு பிரச்சினையை உருவாக்கி, ஜனங்கள் குய்யோமுய்யோ என்று கூவ ஆரம்பிப்பதில் இன்னொரு பிரச்சினையை ஆரம்பித்து, தங்களுடைய தேர்தல் வாக்குறுதிகள் எதையும் நிறைவேற்ற முடியாத அவலத்தை மறைத்து ஜனங்களுடைய கவனத்தை எதிலும் நிலைகொள்ள விடாதபடி திசைதிருப்புவதில், அநேகமாக வெற்றி அடைந்து வருகிறார்கள். 

ஒவ்வொரு விஷயமாக நினைத்துப்பாருங்கள்! முதலில் அமைச்சர் தியாகராஜன்! ஒன்றியம் குன்றியம் என்ற விதண்டா வாதத்தை ஆரம்பித்தது அவர்தான்! நடுவில் சேகர்பாபு என்டர் ஆனார். அப்புறம் மின்தடைக்கு அணில்கள் தான் காரணம் என்று ஒரேபோடாக செந்தில் பாலாஜி போட்டது ஓடிக்கொண்டிருந்தது. நேற்றைக்கு கொங்கு ஈஸ்வரன் ஜெய் ஹிந்த் என்பது ஆளுநர் உரையில் இடம்பெறாமல்போனதே பெரிய சாதனை என சட்டசபையில் பேசியது சர்ச்சையாக.

கூட்டிக் கழித்துப்பாருங்களேன்! திமுகவின் சிக்சர்கள் காணாமல் போனதும் வெட்டி சர்ச்சைகளில் அவர்களது கையறுநிலை மறைக்கப்படுவதும் புரியுமே!

மீண்டும் சந்திப்போம்.                         

டில்லிக்குப்போனார்! திரும்பி வந்தார்! #சொல்லவிடுபட்டவை

முந்தைய பதிவில் தமிழக முதல்வர் தலைநகர் டில்லிக்குப் போனதைக் கொஞ்சம் பார்த்தோம். கூடவே போனவர்கள் யார், என்ன செய்தார்கள் என்பது லைம்லைட்டுக்கு வரவே இல்லையே என்ற மனக்குறையை இன்றைய செய்திகள் தீர்த்து வைத்திருக்கின்றன. திமுகவின் சீனியர் அமைச்சர் துரைமுருகன் முதல்வருடன் கூடவே டில்லிக்குப் போனதாக செய்திகள் சொன்னாலும் பிரதமரைச் சந்தித்த போதும் சரி, மறுநாள் சோனியாவை சந்தித்தபோதும் சரி துரைமுருகனைக் காணவே இல்லை. எங்கே போனாராம்?

டெல்லியில் இந்திய கிரிக்கெட் அணியின் முன்னாள் கேப்டன் மகேந்திர சிங் தோனியை திமுக பொதுச் செயலாளரும் நீர்வளத் துறை அமைச்சருமான துரைமுருகன் மற்றும் வேலூர் நாடாளுமன்ற உறுப்பினர் கதிர் ஆனந்தும் நேரில் சென்று சந்தித்துள்ளனர். அப்போது அவர்கள் எடுத்துக்கொண்ட புகைப்படங்கள் தற்போது சமூக வலைதளங்களில் வைரலாகி வருகிறது. தோனியின் தீவிர ரசிகரான அமைச்சர் துரைமுருகன் ஏற்கனவே,  கடந்த 2018ம் ஆண்டு ஐபிஎல் போட்டிக்காக சென்னை வந்திருந்த தோனியை, நேரில் சந்தித்தார். அப்போது, ஐபிஎல் இறுதிப் போட்டியில், சன்ரைசர்ஸ் ஹைதராபாத் அணியை வீழ்த்தியதற்காக தோனிக்கு துரைமுருகன் வாழ்த்து தெரிவித்ததாக News 18 தமிழ்நாடு செய்தி சொல்கிறது. அப்படியானால் தனி விமானம் மூலம் டெல்லி சென்ற முதலமைச்சர் மு.க. ஸ்டாலினை தி.மு.க எம்.பி.க்கள் டி.ஆர்.பாலு, கனிமொழி, தமிழக நீர்வளத்துறை அமைச்சர் துரைமுருகன், அவர் மகன் கதிர் ஆனந்த் MP  மற்றும் டெல்லி பிரதிநிதி ஏ.கே.எஸ். விஜயன் உள்ளிட்டோர் வரவேற்றதாக இதே செய்தியின் துவக்கம் சொல்வதில் வரவேற்பளிப்பதற்காக மட்டுமே துரை முருகன் டில்லிக்குப் போனார் என்றாகிறதே! ஆக, பொழுது போகாமல்தான் தந்தையும் மகனும் தோனியைச் சந்தித்தார்கள் போல!

இந்த 5 நிமிட வீடியோவில் விகடன் சொல்வது என்ன? மேற்கு வங்க முதல்வர் மம்தா பாணி வேண்டாம் என ஸ்டாலின் உருமாறி இருப்பதாக சொன்னதைக் கூட சகித்துக் கொண்டுவிடலாம். ஆனால் ஒரிசா முதல்வர் நவீன் பட்நாயக் மாதிரி நிதானமான அணுகுமுறைக்கு மாறிவருகிறார் என்கிறார்களே, அது சரிதானா?

.

நீட் தேர்வை ரத்து செய்! இது எதிர்க்கட்சித்தலைவராக இருந்தபோது. பிரதமரைச் சந்தித்துவிட்டு வெளியேவந்து பத்திரிகையாளர்களிடம் பேசும்போது நீட் உட்படப் பல்வேறு கோரிக்கைகளை மெமோரண்டமாக அளித்து இருக்கிறோம் என்று சில கோரிக்கைகளைப் பட்டியல் இட்டுச் சொல்லியிருக்கிறார் 

நீட் தேர்வு ரத்து மாதிரியே கச்சத்தீவை மீட்பதும் அந்தக் கோரிக்கைகளில் சேர்ந்திருக்கிறது GST வரிவசூலில் தமிழகத்துக்கு நிலுவை இருப்பதை வழங்க வேண்டும் என்று கோரிக்கை வைத்திருப்பதில் ரூ. 4321 கோடி என்று குறிப்பிட்டுப் போதிய விவரங்களுடன் கேட்டமாதிரித் தெரியவில்லை.  பிரதமருடனான சந்திப்பில் என்னதான் நடந்திருக்கும்? முகநூலில் ஒரு கற்பனை உரையாடல்.

சிரிப்பதற்காக மட்டும்.  

திமுகஆட்சிக்கும் மின்வெட்டுக்கும் அப்படி பொருத்தம்! அந்தநாளைய ஆற்காடு வீராசாமி போலத்  தடுமாறாமல் அமைச்சர் செந்தில் பாலாஜி அசால்டாக ஒரேபோடு போட்டதில் ஆறுமாத வாய்தா! அப்புறம்? இன்னொரு வாய்தா வாங்கத்தெரியாதா என்ன? !! ஜனங்கள் பாடு தான் எப்போதும் போலத் திண்டாட்டம்.....😕😔 

சுண்டெலிகளுக்குக் குளிர்விட்டுப்போய் விட்டது போல!  அதற்காக பிறந்தநாள் வாழ்த்தாக இப்படியா? திமுக சங்கர மடம் இல்லைதான்! ஆனால் வாரிசு இல்லாத கட்சி ஒன்றுமில்லையே! 

மீண்டும் சந்திப்போம். 

   

சொல்லாதே யாரும் கேட்டால்! சொன்னாலே தாங்க மாட்டார்!

சொல்லாதே யாரும் கேட்டால்! சொன்னாலே தாங்க மாட்டார்! இப்படி ஒரு பழைய திரைப்படப்பாடல் இந்தத் திருட்டுச் செய்தியைப் படித்தபோது பின்னணியில் ஒலிக்கிற மாதிரியே இருந்ததென்றால் நம்புவீர்களா?

கிஸ்லே பாண்டே! ட்வீட்டரில் தன்னை சுப்ரீம் கோர்ட் சொலிசிட்டர் என்று சொல்லிக்கொள்பவராம்! உத்தரப் பிரதேச  போலீசோ இந்தமனிதர் சட்டப்படிப்பெல்லாம் போலி என்கிறது.இப்போது சொன்னால் தாங்க முடியாதென்று சொன்னது இவர் நிஜவக்கீலா போலி வக்கீலா என்பதல்ல! கிரேட்டர் நொய்டாவில் இவர் வாடகைக்கு எடுத்திருக்கிற flat இல் இருந்து திருடுபோன 13 கிலோ தங்கம், ரொக்கம் பிடிபட்டிருப்பதுதான் விஷயம். இது வரை பதிவுசெய்யப்பட்ட  திருட்டு வழக்குகளிலேயே சுமார் 7 கோடி ரூபாய் மதிப்பிலான தங்கம், ரொக்கமாக 57 லட்சரூபாய் என்றிருந்தால் யாரால் தான் தாங்க முடியுமாம்? சொல்லுங்களேன்!

இத்தனைக்கும் இந்த வீடு இந்த போலி வக்கீல் பெயரில் இல்லை. ஏகப்பட்ட மோசடிப்புகார்கள் இவர்மீது இருப்பதாக போலீஸ் சொல்கிறது. அதெல்லாம் 18, 19 வருடங்களுக்கு முந்தையவை என்று லாயர் அசால்டாகச் சொல்கிறார்.

 

எப்படி இதுமாதிரி மோசடிப்பேர்வழிகள் எல்லாம் உலக மகாடாக்டர் ரேஞ்சிலேயே இருக்கிறார்கள் என்பதை இந்தச் செய்தியைப் படித்தபோது முதலில் அதிர்ச்சி அடுத்து ஆச்சரியம் என்று டாஸ்மாக் பக்கம் போகாமலே மயக்கம் வந்துவிட்டது .

மீண்டும் சந்திப்போம். 

கொஞ்சம் கொறிக்க! கொஞ்சம் சிரிக்க! செய்திகளின் அரசியல்!

சிங்காரச் சென்னை வெர்ஷன் 2.0 வரப்போகிறது என்பது கொஞ்சம் பழசு! இப்போது சென்னையில் கோழிதிருடக் கூடக் காரில் வந்திறங்குகிறார்கள் என்கிறது நியூ இந்தியன் எக்ஸ்பிரஸ். கொரட்டூர் காவல்துறை 10 நாட்டுக் கோழிகளைத் திருடிச்சென்றவர்களைத் தேடுகிறார்கள் என்று விவரிக்கிறது. 

இது வேறுவிதமான சோஷலிசக் கொடும் காமெடி! 

இது  ஒன்றியக் காமெடி! ஓவராயிடுச்சுன்ன உடனேயே சுருதியைக் குறைத்துக்கொண்டது பெரும் காமெடி. 

GST கவுன்சிலின் 44வது கூட்டம் இன்றைக்கு நிதி அமைச்சர் திருமதி நிர்மலா சீதாராமன் தலைமையில் நடைபெற்றது. போன கூட்டத்தில் 21 பக்கம் எழுதி வைத்து ரவுசுகாட்டிய DWD இந்தக்கூட்டத்தில் பேச்சு மூச்சே காணோம்!  

டிஸ்கி: தமிழக நிதியமைச்சர் தன் எதிர்ப்பைச் சொன்னதாக, அரசு செய்திக்குறிப்பு ஒன்று சொல்கிறது.  கவுன்சில் கூட்டத்தின் ஒன்றரை மணிநேர வீடியோவில் மட்டுமல்ல கூகிள் செய்தித் தேடலிலும்  அதைக் காணோம்.  

என்ன இது பிரிட்டிஷ் ராணி எலிசபெத்துக்கு வந்த சோதனை? உள்ளூர்ப் பல்கலைக்கழகத்திலேயே படம் வைக்கத்தடையா? 

மீண்டும் சந்திப்போம். 

சின்னச் சின்னதாய்க் கொஞ்சம் #செய்திகளின்அரசியல் !

தினசரி ஏதாவது ஒரு ஆடியோவை வெளியிட்டு, யாரைக் குழப்புகிறார் சசிகலா? புதிய தறுதலை அறிவாளிகளே குழம்புகிறார்கள் என்றால் நாமெல்லாம் எந்த மூலைக்கு? 

தேர்தல் தோல்விக்குப்பின்னால் அதிமுக கொஞ்சம் துவண்டுபோய்த்தான் கிடக்கிறது.O பன்னீர் செல்வம் பழைய பன்னீர்செல்வமாக இருக்கிறாரா அல்லது புதிதாக தர்மயுத்தம் 2 என ஆரம்பிப்பாரா? சசிகலா அதிமுகவுக்குள் குட்டையைக் குழப்பிப் பார்க்கிறார் என்பது ஒருபக்கம், OPS என்னசெய்வாரோ  என்று இன்னொரு பக்கமுமாக கண்ணாமூச்சி ஆட்டம் நடந்து கொண்டிருக்கிறது.  இதில் திமுகவே ஒதுங்கிநின்று வேடிக்கை பார்க்கிறதென்றால் .........!

கமல் காசருடைய #மநீம கட்சி என்ன நிலைமையில் இருக்கிறது? மக்கள் நீதி மையத்தின் ஆலோசனை கூட்டம் இணையம் ஊடாக நடந்தது.கமலஹாசன் தானே பேசி தானே ஆலோசனை செய்திருக்கலாம் அல்லது தசவாதாரம் போல பல வேடங்களில் அவரே வந்து பேசியிருக்கலாம் என்று முகநூலில் ஸ்டேன்லி ராஜன் நேற்று முன்தினம் நையாண்டி செய்திருப்பது போலத் தானா? ஆனால் இரண்டு நாட்களாக பொள்ளாச்சி Dr. மகேந்திரன் திமுகவில் இணையப்போவதாக, பெரிய போஸ்டிங் காத்திருப்பதாக செய்திகள் கசிந்துகொண்டே இருந்தன.மு க அழகிரி - இசுடாலின் சந்திப்பு மாதிரியே அதுவும் வரும் ஆனா வராது ரகமாகிப்போய்விட்டது.

கமல் மாதிரியே, நிறைய பன்ச் டயலாகெல்லாம் பேசித் தன்னுடைய அரசியல் ஞானத்தை வெளிப் படுத்தியவர் விஜய் சேதுபதி. தேர்தல் ரிசல்ட்டுக்குப்பிறகு அரசியல் பன்ச் பேசினால் என்னவாகும் என்பது தெரிந்தவராக, சங்கடமான பன்ச்சை விட்டு சமையல் நிகழ்ச்சியில் சங்கீதம் பாடப்போறேன் என்று ஒதுங்கிவிட்டார். யார் சேனலில் என்று கூடத்தெரியாத அப்பாவியாக இருக்க மாட்டீர்கள் என்று நம்புகிறேன்.

என்ன தயா இதெல்லாம் என்று ஆதங்கப்பட வேண்டாம்! சமூக இடைவெளி, கொரோனா கட்டுப்பாடுகள், ஆட்டோவில் இருவர் மட்டுமே பயணிக்கலாம் இவை சட்டமே நாங்கள்தானடா திமுக அமைச்சர்களுக்குப் பொருந்தாது என்பது உங்களுக்குப் புரிந்திருக்க வேண்டுமே!

சோனியாவின் தவப்புதல்வன் ராகுல் காண்டிக்கு ட்வீட்டரில் மட்டுமே அரசியல் பேசத்தெரியும். அதையும் யார் எழுதிக்கொடுக்கிறார்கள் என்பது காங்கிகளின் பரமரகசியம். பப்பு ஒரு கீச்சைப் போட்டவுடன் நாலா பக்கங்களிலிருந்தும் வந்து எப்படிக் கிழிக்கிறார்கள் பாருங்கள்! இந்த லட்சணத்தில் நரேந்திர மோடிக்கு எதிராக அரசியல் களத்தில் நிற்கக்கூடியவர் என்று ராகுலுக்கு முட்டுக்கு கொடுக்கிறார்களே. அது எப்படி?

இங்கே இசுடாலினுக்கு ஊடகங்கள் முட்டுக்கொடுக்க ஆரம்பித்து சில வருடங்கள் தான் ஆகியிருக்கும்! ஆனால் ராகுலுக்கு 2004 இலிருந்தே முன்களப்பிணியாளர்கள் முட்டுக் கொடுத்துவருகிறார்கள். முட்டுக்கொடுத்துக் கொடுத்தே இந்த நிலைமைக்குக் கொண்டுவந்து விட்டார்கள் என்பதையும் சேர்த்தே பாருங்களேன்!

மீண்டும் சந்திப்போம்.

வெளியேறும் நிர்வாகிகள்! கரைகிறதா கமல் காசர் கட்சி?

BIGG BOSS அலட்டல் புகழ் கமல் காசரை எல்லாம் ஒரு பொருட்டாக எடுத்துக் கொண்டு அரசியல் பேச வேண்டி வரும் என்பதைக் கனவிலும் நான் நினைத்துப் பார்த்ததே இல்லை! கமல் காசர் யாருடைய B டீம்? யாருடைய வெற்றி வாய்ப்பைத் தட்டிப் பறிப்பார்? யாருடைய வாக்குகளைப் பிரிப்பார்? இத்தனை கேள்விகளுக்கும் கமல் காசர் கட்சிக்குள் இன்று நடந்து கொண்டிருக்கும் நிகழ்வுகளே விடை சொல்லிக் கொண்டிருக்கின்றன.  

ரங்கராஜ் பாண்டே இந்த 22 நிமிட வீடியோவில் கமல் காசர் கட்சிக்குள் நடப்பதென்ன, கரைசேருவாரா என்று கொஞ்சம் சொல்கிறார். வெறும் மூன்றே மூன்று நபர்கள் தானே விலகியிருக்கிறார்கள்? அதற்குள்ளாகவே  கட்சி கலகலத்துவிட்டதாக, கரைந்து விட்டதாக எல்லோருமே இத்தனை பரபரப்பாகப் பேசுவானேன்? சமீபத்தில் விலகிய நிர்வாகி சந்தோஷ்குமார் தொகுதிப்பக்கம் அதிகமாகத் தலைகாட்டாமல் 22000+ வாக்குகள் வாங்கினாரே! விலகிய அந்த மதுரவாயல் வேட்பாளர் 33000+ வாக்குகள் வாங்கினாரே! அதெல்லாம் சொல்வது என்ன? கமல் கட்சிக்கு மவுசு இருக்கிறது என்பதையா?  

சவுக்கு சங்கர், ரெட் பிக்ஸ் Felix  இவர்களைக்கூட நான் சட்டை செய்வதில்லைதான்! அதற்காக இந்த 26 நிமிட காமெடியை  ரசிக்காமல் இருக்க முடியுமா? சவுக்கு சங்கர் அவிழ்த்து  விடுவதெல்லாம் உண்மையல்ல என்பதை இங்கே அழுத்தமாகப்பதிவு செய்கிறேன்.   

 ரங்கராஜ் பாண்டேவும் சவுக்கு சங்கரும் தலா இருபது  நிமிடத்துக்கும் மேலாகப்பேசியும்  முடிவுக்கு வரமுடியாத விஷயத்தை வெறும் ஒருநிமிட வாசிப்பிலேயே இங்கே சொல்லி விடுகிறார் என்றால் ........

Stanley Rajan

நேற்று, முற்பகல் 6:44  · 

கமலஹாசனின் கட்சி கரைவது ஒன்றும் ஆச்சரியமல்ல‌

அக்காலத்தில் பெரும்படை நடத்தும் அரசர்கள் துணைபடை ஒன்றை உருவாக்கி இன்னொரு முனையில் இருந்து தாக்குவார்கள், யுத்தம் முடிந்ததும் அதை கலைப்பார்கள்

அரசியலில் இதெல்லாம் ஒருவகை தந்திரம், இனி திமுகவுக்கு நெருக்கடி வரும்பொழுது மட்டும் கமல் அரசியலுக்கு வருவார்

இப்பொழுது அவர்களுக்கு சிக்கல் இல்லை என்பதால் கமல் கட்சி நடத்தவேண்டிய அவசியமில்லை

869869

38 கருத்துகள்

195 பகிர்வுகள்

விரும்பு

கருத்துத் தெரிவி

பகிர்

ஆக, பஞ்சாயத்து கலைகிறது அல்லது கரைகிறது என்று தனியாகவும் சொல்ல வேண்டுமா?😍😎  

மீண்டும் சந்திப்போம்.

K R கௌரி அம்மா! இடதுசாரி அரசியலில் ஒரே பெண் சிங்கம்!

கேரள அரசியலில் மிக நீண்டகாலம் பயணித்த இடதுசாரி திருமதி கே ஆர் கௌரி அம்மா தனது 102 வது வயதில் முதுமை காரணமாக நேற்றைக்கு காலமானார் என்ற செய்தியைப் படித்த போது நிறைய விஷயங்கள் நினைவில் வந்துபோயின. கொஞ்சம் கூட சமரசம் செய்து கொள்ளாத கொள்கைப்பிடிப்புடன் கடைசி வரை வாழ்ந்த சிங்கப்பெண் என்றால் அது கௌரி அம்மா மட்டும் தான்! எமெர்ஜென்சி தருணத்தில் சிறையில் அடைக்கப் பட்ட கௌரி அம்மா போலீஸ் சித்திரவதை பற்றிச் சொன்னது கேரளத்தில் மிகவும் பிரசித்தம்! "அந்த லத்திகளுக்கு மட்டும் வீரியம் இருந்திருக்குமானால் ஆயிரக்கணக்கில் லத்திகளைப் பிரசவித்திருப்பேன்"  

இந்த நேர்காணலில் நெறியாளர் கரயாத்த கௌரி தளராத்த கௌரி கலிகொண்டு நிந்நால் அவள் பத்ரகாளி இதுகேட்டு கொண்டே செறுபால்யமெல்லாம் பதிவாயி ஞங்ஙள் பயமாற்றி வந்நு என்ற பாலசந்திரன் சுள்ளிக்காடு கவிதை வரிகளைச் சொல்லி ஆரம்பிக்கிறார். 1987 இல் இடது சாரி அரசின் முதல்வராக  வருவார் என்று பெரிதும் எதிர்பார்க்கப்பட்ட நிலையில், மார்க்சிஸ்ட் கட்சிக்குள் நடந்த உள்ளடி வேலைகளால் E K  நாயனார் முதல்வர் ஆனார். 1994 இல் கட்சிவிரோத செயல்பாடுகளுக்காக என குற்றம் சாட்டப்பட்டு மார்க்சிஸ்ட் கம்யூனிஸ்ட்  கட்சியிலிருந்து நீக்கப்பட்டார்.அந்தத்  தருணத்தில் எழுதப் பட்ட கவிதை அது. 4 வருடங்களுக்கு முன்னால் எடுக்கப்பட்ட இந்த நேர்காணலில் நெறியாளர் நினைவு படுத்திச் சொல்கிற அளவுக்கு அது பிரபலமான பாடலாக இருந்திருக்கிறது. அதுமட்டுமல்ல 2019 இல் கௌரி அம்மாவின் 101வது பிறந்தநாளின் போது கேரள முதல்வர் பினரயி விஜயனே அந்தப்பாட்டை முழுதுமாகச் சொல்லிப் புளகாங்கிதம்  அடைந்ததாக செய்திகளும் உண்டு. 

1994 இல் கட்சியை விட்டு வெளியேற்றப் பட்ட கௌரி அம்மா தனியாக ஜனாதிபத்ய  சம்ரக்ஷண சமிதி JSS என்ற அமைப்பைத் தொடங்கி காங்கிரஸ் தலைமையிலான UDF உடன் கூட்டணி வைத்து அரசியல் பயணத்தைக் தொடர்ந்ததில் 2001 A K அந்தோணியின் அமைச்சரவையிலும் இடம்பெற்றாலும், 2011 தேர்தல் தோல்விக்குப் பிறகு மார்க்சிஸ்ட் கட்சிக்கே வீடு திரும்ப நினைத்தார். ஆனாலும் CPIM - JSS இணைப்பு நடக்கவே இல்லை. ஆனால் இடதுமுன்னணியுடன் கூட்டணி மட்டும் வைத்துக் கொள்ளப் பட்டது.

கௌரி அம்மாவின் திருமண வாழ்க்கையும் அப்படிச் சொல்லிக் கொள்கிற மாதிரி அமையவில்லை. T V தாமஸ் என்கிற சக அமைச்சரைத் திருமணம் செய்து  கொண்டதிலும் கட்சி வாழ்க்கை குறுக்கே வந்தது. கம்யூனிஸ்ட் கட்சி CPI, CPI M என்று உடைந்ததில் கணவர் முன்னதிலும் மனைவி பின்னதிலுமாக. அதிகாரப் பூர்வமாக பிரியவில்லை என்றாலும் கடைசி வரை ஒட்டவே இல்லை என்பது இன்னொரு சோகம்.       

Rakesh Thiyyan

2ம.  · 

CPM: Most casteist party of India

Kerala's Iron Lady KR Gowri Amma passed away Monday. She was a different breed of communist - totally incorruptible and loaded with self respect. Below is a translation of the words in the image.

//At CPM meetings instead of using the word Saghav (Comrade), she used to address party leader EMS Namboodiripad as Mr EMS. This style of addressing pissed of Namboodiripad's son EM Sreedharan so much that he got up from his seat and shouted a caste slur at Gowri: "Gowri Chothy, sit down right there."

Even the great VS Achudanandan (future Chief Minister and an Ezhava) who was present in the meeting remained silent.

At that cursed moment, Gowri Amma would have understood how Draupadi was treated and humiliated in the Kaurava Sabha.//

For those not in the loop, Chovan is a caste slur used by some people in Kerala to mock the majority Ezhavas/Thiyyas. Chothy is the female equivalent.

Now think how many Ezhavas are having their moment of schadenfreude. I don't know if EM Sreedharan is alive but he must have watched in agony as first VS Achudanandan and now Pinarayi Vijayan are ruling Kerala, the land his family ruled for centuries.

In fact, Pinarayi might rule for another 10 years. He may be a remorseless killer but many people don't care. You see, this is why he wins. As long as there are people like EM Sreedharan in Kerala, there will be Pinarayi Vijayans too.

As long as Namboodiripad lived, no Ezhava leader could become the Chief Minister of Kerala despite Ezhavas being close to a third of the population of the state. In the 1987 elections, he pitched Gowri as the CM candidate and after winning he made EK Nayanar, a retired communist, as CM. Namboodiripad also ensured the defeat of Achudanandan so that the party could easily select Nayanar.

Moral of the story is Ezhavas are the biggest losers by supporting the CPM. Today, they have 27 MLAs in a house of 140, but both the Education and Finance portfolios are with Christians and Muslims. Despite so many MLAs the community gets zilch gains.

CPM's Hindu MLAs anyway do nothing for Hindus, let alone for their own castes.

Nairs, the second largest Hindu caste, are in a similar situation. After supporting Christians for decades, all that they got was extension of the charitable status of their association, the Nair Service Society. They had a caste based party named Nair Democratic Party but it's dissolved now because Christians no longer need Nair votes.

Christians and Muslims are very smart in creating or being part of political alliances in which they corner all the benefits - jobs, land, ministries.

On the other hand, Hindus in Kerala have been totally duped. Once Ezhavas are down to 15% and Nairs to 8%, their fate will be the same as that of the Hindus of Bengal under TMC.

The only Hindu caste that has always been with the RSS is the Arayan (fisherman) community. They are around 6%. They are in truth the only brave community of Kerala. Harmfuls really fear them. 

அந்தநாட்களில் தயிர்வடையைச் சாப்பிட்டுக் கொண்டே தோழர் வரதராஜன் சொல்வார் --ஒரு CPI மாவட்டச் செயலாளர் சொன்னதாக:: "கம்யூனிஸ்ட் கட்சிக்குள் வந்ததே தப்பு. கட்சியை விட்டு வெளியே போவது அதைவிடப் பெரிய தப்பு" 

லட்சியவாதம் பேசிக்கூட வீணாய்ப்போக முடியும் என்பதற்கு தோழர் கௌரி அம்மா வாழ்க்கையும்  ஒரு நல்ல உதாரணம்.   

டிஸ்கி: 

எழுத்தாளர் ஜெயமோகன் எழுதிய அஞ்சலிப்பதிவை இப்போதுதான் வாசித்தேன். 

மீண்டும் சீனாதானா உளறலும் கொரோனா பரவலும்!

தமிழகத்தில் பிஜேபியின் கால்நகம் கூடப் பதிய  விட மாட்டோமென்று பானாசீனா காரைக்குடியில் பேசி ஐந்துநாட்கள் கூட ஆகவில்லை. வெட்டிப்பேச்சுக்குப் பெயர்போன சீனாதானா செட்டியார் அடுத்த உளறலை வாந்தியெடுக்க ஆரம்பித்திருக்கிறார்."எந்தவிதமான முன்பதிவும் இன்றி அனைத்து வயதினருக்கும் இலவசமாகத் தடுப்பூசி செலுத்த வேண்டிய அவசியமான நேரம இது. அறிவியல்பூர்வமற்ற மற்றும் பிடிவாதமான நிலைப்பாடு காரணமாக, ஒவ்வொரு நாளும் பல்வேறு நோய்த் தொற்று உருவாக மத்திய அரசு அனுமதித்து வருகிறது. மிகப்பெரிய பேரழிவு நாட்டை எதிர்நோக்கிக் காத்திருக்கிறது" என்று இந்த எல்லாம் தெரிந்த ஏகாம்பரம் நேற்றைக்கு உளறிவைத்திருப்பது இங்கே செய்தியல்ல.உலகத்தின் பலநாடுகளில் 2வது, 3வது அலையாக கொரோனா நோய்த்தொற்று அடுத்த கட்டத்துக்கு நகர்ந்து கொண்டிருக்கையில் இந்தியாவில் கடந்த ஆறேழு மாதங்களாகக் கட்டுக்குள் இருந்த கொரோனா நோய்த்தொற்று கடந்த இரண்டு மூன்று தினங்களாக ஒவ்வொருநாளும் புதிதாக ஒருலட்சம் பேருக்கு மேல் என்று கவலையளிக்கும் விதத்தில் அதிகரித்து வருகிறது.

சீனாதானா செட்டியார் போன்ற ஊழல் அரசியல் வாதிக்கு வேண்டுமானால்  இதுமாதிரி நோய்த்தொற்றும் உயிரிழப்பும், அரசியல் செய்யக் கிடைத்த இன்னுமொரு கல்லெறிதல் தான்!  ஆனால் ஜனங்களாகிய நமக்கு? இந்த 4 நிமிடப் பாடலைக் கொஞ்சம் காதுகொடுத்துக் கேளுங்கள்! மாஸ்க் அணிவது, கைகளை அடிக்கடி சுத்தம் செய்துகொள்வது, அனாவசியமாகக் கூட்டம் எதிலும் கலந்துகொள்ளாமல் தவிர்ப்பது, மருத்துவர்கள் ஆலோசனைகளைப்பின்பற்றுவது என ஜனங்கள் செய்யக் கற்றுக்கொள்ளவேண்டியது நிறையவே இருக்கிறது.    

Prema S

· 

42 நி  

உச்சக்கட்ட கேவலமான அரசு எது என்றால் மஹராஷ்டிராவின் மஹாவிகாஸ் அகாடி நடத்தும் அரசுதான். அங்கு வாழும் மக்களின் உயிர்களோடு அந்த அரசு விளையாடுகிறது.

எங்குமே வாக்ஸின் குறைவாக இல்லை. பொய்யை வாந்தியெடுத்து மக்கள் மனதில் பயத்தை ஏற்படுத்தி அரசியல் செய்கிறது அந்த அரசு. இப்படி அரசியல் செய்து மத்திய அரசின் மேல் வெறுப்பை உருவாக்க முயல்கிறார்களாம் இந்த எலெக்ட்ரானிக்ஸ் யுகத்தில். இந்த ஐடியாவை காங்கிரஸில் இருக்கும் ஏதோ ஒரு கிழ அரசியல்வாதிதான் சொல்லிக் கொடுத்திருக்க வேண்டும். சிறையில் 106 நாட்கள் இருந்து ஜாமீனில் வெளி வந்திருக்கும் அந்த திருட்டு கிழ நரிதான் டிவிட்டரில் வாய்க்கு வந்தபடி பொய்யை பரப்பிக் கொண்டிருக்கிறார்.

08/04/2021 பகல் 12:30 வரை 15 லட்சம் யூனிட் வாக்ஸின் இருப்பில் இருக்கிறது என்று தெரிகிறது. ஆனால்.. கோவிட் 19 வாக்ஸினை பல மருத்துவமனைகளில் நிறுத்திவிட்டு குறைவாக ஸ்டாக் உள்ளதாக மஹராஷ்டிரா அரசு பொய் சொல்கிறது. மஹா விகாஸ் அகாடியின் 100 கோடி கமிஷன் கதை வெளியில் வந்ததும் அதை மடை மாற்ற நடத்தப்படும் நாடகமே இது..!  என்று முகநூலில் அம்பலப்படுத்தி இருக்கிறார்கள்.

சீனாதானாக்கள் மட்டுமல்ல அவர்கள் சங்காத்தம் வைத்திருப்பவர்கள் எவராக இருந்தாலும் நாட்டுக்குக் கேடு நினைப்பவர்களே! நோய்த்தொற்று வராமல் எப்படி நம்மைப்பாதுகாத்துக் கொள்வது மிக அவசியமோ அதேபோல சீனாதானா மாதிரியான கெடுமதியாளர்களை ஒதுக்கி வைப்பதும் மிகமிக அவசியம்.

மீண்டும் சந்திப்போம்

#தமிழகதேர்தல்களம் யாருக்கு வாக்களிக்கக் கூடாது என்கிற தெளிவுடன் ஆரம்பமாகட்டுமே!

அண்ணாதுரை முதல் ஆபாசராசா வரை திமுகவின் வரலாறே ஆபாசமும், கட்டப்பஞ்சாயத்து முதல் ரவுடியிசமும் தான்! திமுகவை எந்தக்கொம்பனாலும் அழிக்க முடியாது என்று இசுடாலின் பேசுவது வெறும் வாய்ச சவடால்தான்!

   

Gnanasekaran Veeriahraju

2ம.  · 

ஒரு பாம்பு வளைந்து நெளிந்து தரையில் ஊர்ந்து கொண்டிருந்தது. அதைப் பார்த்த ஒரு குட்டிக் குரங்குக்கு வேடிக்கையாக இருந்தது.மெதுவாகப் போய் அந்தப் பாம்பைக் கையில் பிடித்து விட்டது.

பாம்பும் குரங்கின் கையை இறுக்கமாகச் சுற்றிக் கொண்டது. விஷப் பல்லைக் காட்டி சீறியது .குரங்குக்குக் கொஞ்சம் பயம் வந்து விட்டது.கொஞ்ச நேரத்திலேயே அதன் கூட்டமெல்லாம் கூடி வந்து விட்டன.

ஆனாலும் யாருமே குட்டிக் குரங்குக்கு உதவ முன்வரவில்லை. "ஐயய்யோ. இது பயங்கரமான விஷமுள்ள பாம்பு . இது கொத்துனா உடனே மரணந்தான்.குரங்கு பிடியை விட்டதுமே பாம்பு இவனப் போட்டுடும். இவன் தப்பிக்கவே முடியாது" என்று குட்டிக் குரங்கின் காதுபடவே பேசிவிட்டு ஒவ்வொன்றாகக் கலைந்து சென்று விட்டன .

தன்னுடைய கூட்டமே தன்னைக் கைவிட்டு விட்ட சூழ்நிலையின் வேதனை....எந்த நேரமும் கொத்திக் குதறத் தயாராக இருக்கும் நச்சுப் பாம்பு.... மரண பயம் எல்லாம் சேர்ந்து குரங்கை வாட்டி வதைத்தன.

"ஐயோ. புத்தி கெட்டுப் போய் நானே வலிய வந்து இந்த

மரண வலைக்குள் மாட்டிக் கிட்டேனே". குரங்கு பெரிதாய்க் குரலெழுப்பி ஓலமிட்டது. நேரம் ஓடிக் கொண்டே இருந்தது . உணவும் , நீரும் இல்லாமல் உடல் சோர்ந்து போய்விட்டது.கிட்டத்தட்ட மயங்கி சரியும் நிலைக்கு வந்து விட்டது. கண் இருளத் தொடங்கியது.

அந்த நேரத்தில் ஞானி ஒருவர் அந்த வழியே வந்தார். குரங்கு இருந்த நிலைமையைப் பார்த்ததும் நடந்ததை உணர்ந்து கொண்டார். குரங்கை நெருங்கி வந்தார்.

சொந்தங்களெல்லாம் கைவிட்டுவிட்ட நிலையில் , தன்னை நோக்கி காவி வஸ்திரம் தரித்த மனிதர் ஒருவர் வருவதைக் கண்ட குட்டிக் குரங்கிற்கு கொஞ்சம் நம்பிக்கை வந்தது. அவர் நெருங்கி வந்து சொன்னார்,

"எவ்வளவு நேரந்தான் பாம்பைக் கையிலேயே பிடிச்சிக்கிட்டு கஷ்டப்படப் போற? அதைக் கீழே போடு" என்றார்.குரங்கோ ,"ஐயய்யோ , பாம்பை நான் விட்டுட்டா அது என்னக் கொன்னுடும் " என்றது.

அவர் மீண்டும் சொன்னார் ," பாம்பு செத்து ரொம்ப நேரமாச்சு. அதைக் கீழே வீசு". அவர் வார்த்தயைக் கேட்ட குரங்கு பயத்துடனே பிடியைத் தளர்த்திப் பாம்பைக் கீழே போட்டது.

அட....ஆமாம்!நிஜமாகவே பாம்பு ஏற்கனவே குரங்குப் பிடியில் செத்துதான் போயிருந்தது. அப்பாடா.....குரங்குக்கு உயிர் வந்தது . அவரை நன்றியுடன் பார்த்தது.

"இனிமேல் இந்த முட்டாள் தனம் பண்ணாதே " என்றபடி காவி வஸ்திரம் தரித்த ஞானி கடந்து போனார். தமிழகத்தில் எத்தனையோ பேர் இப்படித்தான் திமுகவை கையில் பிடித்துக் கொண்டு விட முடியாமல், அறியாமையில் கதறிக் கொண்டிருக்கிறார்கள்!!!!! அறிந்தவர்கள், ஏற்கனவே சில நாலாந்தர பெரிய-கட்சி-நிர்வாகிகள் பேச்சின் காரணமாக, உள்ளிருந்து ஞானம் பெற்று தெளிந்து விட்டார்கள். முகநூலில் இப்படி ஒரு உருவகக் கதை சொல்லி வழக்கொழிந்து செத்துப்போன திராவிடத்தைப் பிடித்துக்கொண்டு மறுகாதே! தூக்கிக் கிடாசிவிட்டு வேறு வழியைத் தேடப்பார் என்று வழியும் சொல்கிற மாதிரி இருக்கிறதே!

திராவிட கழகமோ , திமு கழகமோ இப்படிக் கழகங்கள் எதுவானாலும், இந்த மாநிலத்துக்கு கேடுதான்! திமுக முற்றிலும் நிராகரிக்கப்பட வேண்டிய கட்சிதான் என்பதற்கு அதன் கடந்தகாலச் செயல்பாடுகளே போதுமான காரணமாக இருக்கிறது

யாருக்கு வாக்களிப்பது என்பதைத் தீர்மானிக்க, யார் யாருக்கு வாக்களிக்கக் கூடாது என்பதில் தெளிவாய் இருக்க வேண்டும் திமுக மற்றும் அதன் கூட்டாளிகளான காங்கிரஸ், கம்யூஜிஸ்டுகள், விசிக, மதிமுக போன்ற உதிரிகளை முற்றொட்டாக நிராகரிப்பதில் இருந்து ,அடுத்து யாரைத் தேர்ந்தெடுப்பது என்கிற தேடலும் ஆரம்பிக்கிறது.

மீண்டும் சந்திப்போம்..