இந்து தமிழ் திசை நாளிதழை அதன் காமெடி வால்யூவுக்காக மட்டுமே வாசிப்பதாக ஏற்கெனெவே சொல்லியிருந்தேன் இல்லையா? அது சரிதான் என்று இன்றைய செய்திகளில் சில மெய்ப்பிக்கின்றன! ஓவர் சவுண்டு பார்ட்டிகளாக இருந்த ஈவிகேஎஸ் இளங்கோவன் மற்றும் அவரது ஆதரவாளர் குசுபு அம்மையாருக்கு இந்த நாடாளுமன்றத் தேர்தலில் நிற்க வாய்ப்பு மறுக்கப்பட்டு, புதிதாய்க் கிளம்பியிருக்கும் இன்னொரு சவுண்டு பார்ட்டி ஜோதிமணிக்கு வாய்ப்பு வழங்கப்பட்டிருப்பதை இந்து தமிழ் திசை சொல்கிற விதமே அலாதி!
அனைத்தும் டெல்லி மேலிடம் ராகுலின் கட்டுப்பாட்டில் உள்ளது என தெரிவிக்கும் முக்கிய நிர்வாகிகள் ஈவிகேஎஸ் பழைய பந்தாவில் செய்த சில காரியங்கள் அவரை ராகுலிடமிருந்து தள்ளிவைத்தது, கடந்த தேர்தலில் காங்கிரஸ் தோற்றதும் தன்னிச்சையாக பதவியை ராஜினாமா செய்தது, திருநாவுக்கரசர் தலைமை ஏற்றவுடன் மோதல் போக்கில் ஈடுபட்டு அவர் மாவட்ட தலைவர்களை நியமித்தபோது தனது ஆதரவாளர்களுக்காக மோதியது போன்றவை அவருக்கு எதிராக திரும்பியுள்ளது என்கின்றனர். அதுதான் தற்போது எதிரொலிக்கிறது என்றனர். இதே நிலைதான் குஷ்புவுக்கும் என்கின்றனர். என்னதான் அகில இந்திய செய்தி தொடர்பாளராக இருந்தாலும் அவர் ஈவிகேஎஸ் இளங்கோவன் ஆதரவாளராக மாறி கோஷ்டி பூசலில் ஈடுபட்டதும், கட்சி அலுவலகத்திற்கு வருவதை நிறுத்தி செயல்பாடுகளை குறைத்துக்கொண்டதும் அவர் இளைய தலைமுறையாக(?!!) இருக்கிறார், கட்டாயம் அவருக்காக சீட்டு கிடைக்கும் என நினைத்த நேரத்தில் கிடைக்கவில்லை என்று தெரிவித்தனர்.
சிதம்பரத்தின் குடும்ப சொத்தா சிவகங்கை?- சுதர்சன நாச்சியப்பன் போர்க்கொடி என்கிறது இன்னொரு செய்தி!
மக்கள் நலன், மதச்சார்பின்மை, முற்போக்கு இவையெல்லாம் வெறும் வார்த்தை அலங்காரம் மட்டுமே என்று சொல்கிறது இன்றைய தினமலர் கார்டூன்.
வடக்கே தான் வாழ்வு! தி.மு.க., திசை மாறியது ஏன்?வெற்றி வாய்ப்பு குறைவாக உள்ள, மேற்கு மற்றும் தென் மாவட்டங்களில், பெரும்பாலான தொகுதிகளை, கூட்டணி கட்சிகளுக்கு ஒதுக்கி விட்டு, தனக்கு சாதகமான, எம்.எல்.ஏ.,க் கள் அதிகம் உள்ள, வட மாவட்டங்களில், தி.மு.க., அதிக தொகுதிகளில் களம் இறங்குகிறது என்பது தினமலர் அலசல்!
மே 23 வரப்போகும் ரிசல்ட்டுக்காக இப்போதே (மார்ச் 13, நாகர்கோவில்) கட்டிப் பிடித்து ஒப்பாரி வைக்கிறாரா வைகோ?
தமிழக முதல்வர் எடப்பாடி பழனிச்சாமி சாதுரியமாகப் பேசவும் முடிவெடுக்கவும் வல்லவர் என்பதை சமீபகால நிகழ்வுகள் காட்டிக் கொண்டிருக்கின்றனவோ?
தேதிமுகவுடனான பேச்சுவார்த்தைகள், நெருடல்களை சாமர்த்தியமாகப் பதில் சொல்லிச் சமாளிக்கிறார். கள யதார்த்தம் புரிந்து பேசுகிற ஒருசில அரசியல்வாதிகளுள் எடப்பாடியும் இருக்கிறார் என்பது ஏன் இங்கே பரவலாகத் தெரியவில்லை?
தலைமை தேர்தல் ஆணையம் கமல் காசர் கட்சிக்கு பேட்டரி டார்ச் லைட் சின்னத்தை ஒதுக்கி அறிவித்து இருப்பதோடு விடுதலை சிறுத்தைகள் கட்சிக்கு மோதிரம் சின்னம் ஒதுக்கப்படவில்லை என்றும் செய்தி சொல்கிறது.
MNM thanks the Election commision for granting us the "Battery Torch" symbol for the forthcoming elections. So appropriate. @maiamofficial will endeavour to be the “Torch-Bearer” for a new era in TN and Indian politics.
9:46 AM - 10 Mar 2019 அந்த“Torch-Bearer” தமிழில் எப்படிச் சொல்வது? விளக்கு பிடிப்பவர் அல்லது விளக்கு ஏந்துபவர் என்றா? இப்படியெல்லாம் கேள்வி வரும் என்று அவர்களே தமிழிலும்! ஆனால் bearer இல்லை!
மக்கள் நீதி மய்யம் கட்சிக்கு “பேட்டரி டார்ச்” சின்னம் ஒதுக்கிய தேர்தல் ஆணையத்திற்கு நன்றி. பொருத்தமான சின்னம் தான். @maiamofficial தமிழ்நாட்டிற்கும் இந்திய அரசியலுக்கும் ஒளி தரும் புது விளக்காய் இன்று முதல் மிளிரும்.
எதிர்க்கட்சிகளுக்கும் தேடிவந்து தேர்தல் நிதி படியளக்கும் கார்ப்பரேட் முதலாளி முகேஷ் அம்பானி மகன் திருமண விழாவில் இசுடாலின் கலந்து கொண்டாராமா? இந்த வீடியோவில் அதிபிரபலங்கள் பெயர், முகம்தான் தெரிந்ததே தவிர இசுடாலின் போன்றவர்களைக் காணமுடியவில்லையே ஏன்?
நாடாளுமன்றத்தேர்தல்களோடு, 4 மாநில சட்டசபைத் தேர்தல்களுக்குமான தேதிகளை இன்று மாலை தேர்தல் ஆணையம் அறிவிக்கவிருக்கிறது. தேர்தல் திருவிழா அதிகாரபூர்வமாய் களைகட்டத் தொடங்கிவிடும்!
ஒதுங்கி நின்று வேடிக்கை பார்க்கவா இத்தனை எழுதுவது? விசிக, பாமக இடதுசாரிகள் மாதிரியான உதிரிகளை அவர்கள் எந்த அணியில் இருந்தாலும் முற்றொட்டாக நிராகரிப்பது என்பதில் இருந்து வாக்காளர்களுடைய சரியான அரசியல் செயல்பாடு தொடங்குகிறது!
கவனிப்பதற்கு நம்மைச் சுற்றி நிறைய விஷயங்கள், தகவல்கள் புதிது புதிதாகச் சேர்ந்து வருவதை, எப்போதாவது கவனித்திருக்கிறீர்களா? மாற்றங்கள் வேண்டுமென்கிற குரல்கள் ஒலிப்பது வாடிக்கைதான் என்றாலும், மாற்றத்துக்குத் தயார் செய்கிற தலைமை இல்லாமலும், மாறுவதற்குத் தயாராக இல்லாத ஜனங்களுமாக இருப்பதில் மந்தைத்தனத்தில் இருந்து விடுபடுவது எப்படி?
கமல் காசர் கட்சியின் செயற்குழு உறுப்பினர், தொழிலதிபர் CK குமரவேல், இங்கே கடலூரில் போட்டியிடுகிற ஆசையோடு இருப்பதொன்றும் ஆச்சரியம் தருகிற செய்தியல்ல. இங்கே மதுரையில் அங்கிங்கெனாதபடி ஆட்டோ சங்கம் முதல் ரஜினி முதலான நடிகர்கள் ரசிகர் மன்றம், லோக்கல் மாரியம்மன் கோவில் நிர்வாகம் வரை எல்லா இடங்களிலும் கழகக் கண்மணிகள் ஆக்கிரமித்துக் கொண்டிருந்த நேரம், விஜயகாந்த் கட்சியை ஆரம்பித்தார்! கொஞ்சம் கூடத் தாமதிக்காமல் லோகல் திமுக உபிக்களின் உறவுகள் தேதிமுகவுக்குப் பாய்ந்தோடினர்! அதில் ஒரு நபர் என்னிடம் சொன்னது, திமுகவிலேயே இருந்தால் ஜாதி/சொந்தக்கார வட்ட பிரதிநிதிகளுக்கு பின்னணி வாசிப்பதைத் தவிர மேலே வரவே முடியாது. புதுக்கட்சி என்றால் விறுவிறுவென மேலே வந்துவிடலாம்! சொன்னவர் ஒரு ஆட்டோக்காரர்! சொன்ன மாதிரியே மாநகராட்சி தேர்தலில் மனைவிக்கு வேட்பாளராக இடமும் பிடித்து விட்டார்! குமரவேல் மாதிரி பெரிய கோடீஸ்வர தொழிலதிபர்கள் அப்படியெல்லாம் இருப்பார்களா? மாட்டாரென்று ஒரு மய்ய உறுப்பினர் என்னிடம் கொஞ்சம் ஆவேசமாக மறுத்துப் பேசியதையும் இங்கே பதிவு செய்து விடுகிறேன்!
மாற்று அரசியல்! இந்த வார்த்தையை காங்கிரஸ்காரன் சோஷலிசம் பேசிய கதையைப் போலவே இங்கு தவறாகவே புரிந்துகொண்டிருக்கிறோம் என்பதை அந்த இளைஞனிடம் சொல்வதற்கு அவகாசமே கொடுக்கவில்லை! கமல் காசர் ஒரு மாற்று அரசியலை முன்னெடுக்கிறார் என்று நிஜமாகவே நம்புகிறவர்கள் இங்கே வந்து காரணகாரியத்தோடு சொன்னால் கேட்டுக்கொள்கிறேன்!
பாட்டாளி மக்கள் கட்சியைத் திருமாவளவன் தொடர்ந்து காய்ச்சி எடுப்பதில் ஏதாவது அர்த்தம் இருக்கிறதா? இதைத் தவிர விசிகவுக்கு வேறு அஜெண்டாவே இல்லையா? அரை சதவீதம், முக்கால் சதவீதம் வாக்குவங்கிக்கே இத்தனை அலட்டலா?
2016 இல் அன்புமணி ராமதாஸ் மாற்றம் முன்னேற்றம் அன்புமணி என்று ஒரு வித்தியாசமான அரசியல் அணுகுமுறையோடு எல்லா சமூகத்தினருக்கும் இடம் கொடுத்து தமிழகமெங்கும் ஜனங்களை அணுகியதைப் பொய் என்று தள்ளிவிட முடியாது! கூட்டம் சேர்ந்தது. ஆனால் அது வாக்குகளாகவோ, வன்னியர் பெல்ட்டைத் தாண்டி கட்சி வளர்ந்ததாகவோ ஆகவில்லை. அதில் ஏற்பட்ட ஏமாற்றம் அவர்களைப் பழையபடி வன்னியர் கட்சியாகவே ஆக்கிவிட்டது என்பதில் ஒரு நல்ல தலைமை வெளிப்படவில்லை என்பது எவ்வளவு உண்மையோ, அதே அளவுக்கு ஜனங்களும் அன்புமணியின் மாற்று அரசியலுக்கு பாராமுகமாக அல்லது நம்பிக்கையில்லாமல் இருந்ததும்!
மறுபடியும் கமல் காசர் முன்னெடுப்பது என்னமாதிரி அரசியல் என்ற கேள்வியும், கூடவே மாற்று என்பதை எப்படிப் புரிந்து கொண்டிருக்கிறோம் என்ற கேள்வியும் தொடர்ந்து எழுகின்றன.
குஷ்பூ பேசுகிற சிறுபிள்ளைத்தனமான அரசியலுக்கும் காங்கிரஸ் கட்சித்தலைவர் ராவுல் பாபா 15 வருடமாக அரசியலில் குப்பை கொட்டிப் பேசிக்கொண்டிருக்கிற சிறுபிள்ளைத்தனத்துக்கும் வித்தியாசம் எதுவுமில்லை. காங்கிரஸ் கட்சிக்கு இந்த தேசத்தை, தலைமையேற்று வழிநடத்த பலமுறை வாய்ப்பளித்தாகிவிட்டது. இன்னும் ஒரு வாய்ப்பு கேட்பதோ கொடுப்பதோ எந்தவகையில் சரியாக இருக்கும்? சொல்லுங்களேன்!
கொள்கை முடிவுகளை எந்தவித சமரசத்துக்கும் இடம் கொடுக்காத, வலிமையான மத்திய அரசை நிறுவுவதில், வாய்ப்பிருந்துமே கூடக் கோட்டை விட்டவர், இப்போதைய மாநிலக்கட்சிகளின் கூக்குரல்களுக்குக் காரணமாக இருந்தவர் தாத்தன் நேரு என்பதைக் கசப்போடு நினைவு படுத்திக் கொள்ள வேண்டியிருக்கிறது!
1971 போரில் கிடைத்த வாய்ப்பைக் கொஞ்சம் கூடப் பயன்படுத்திக் கொள்ளாமல் ஒன்றுக்கு இரண்டாக பாகிஸ்தான் தலைவலியை நிரந்தரம் தானோ என்ற அளவுக்கு வளர்த்துவிட்டவர் இந்திரா.
வாஜ்பாய் கூடக் கிடைத்த வாய்ப்பை, ஓரளவுக்கு மட்டுமே பயன்படுத்திக் கொள்ள முடிந்தது.
இந்தப் பின்னணியில், நரேந்திரமோடியின் முதல் ஐந்தாண்டுகளை எடைபோட வேண்டியிருக்கிறது. ஆனால் மோடிக்கெதிரான கூக்குரல்களில் எதை எடைபோட்டு, எது முக்கியமானது என்று சொல்ல முடிகிறது?
நேரு, இந்திரா, ராஜீவ் மூவருக்கும் மெஜாரிடியுடன் வலுவான மத்திய அரசை நிர்வகிக்கக் கூடிய வாய்ப்பும் கிடைத்தது. என்ன நடந்தது? தெளிவான பார்வை, இலக்கு எதுவுமில்லாமல் தாங்களும் கெட்டு, தேசத்தையும் பாழடித்தார்கள். 2004 முதல் 2014 வரை Defacto பிரதமராகப் பின்னிருந்து இயக்கிய சோனியா அண்ட் கோ பத்தாண்டுகளில் சாதித்தது வரிசையாக வெடித்துக் கிளம்பிய ஊழல்கள் மட்டுமே!
அரசியல் மாற்று, மாற்று அரசியல் எதுவானாலும் காங்கிரஸ் கட்சியையும் அதன் கூட்டாளிகளையும் முழுமையாக நிராகரிப்பதில் இருந்து ஆரம்பிக்கிறது!
