பித்தம் தலைக்கேறினால் என்ன செய்வாராம் #சேகர்குப்தா ?

ThePrint தளத்தின் சேகர் குப்தா நடத்தும்  செய்தி அரவை ஆலை சமீப நாட்களில் ஓவர்டைம் வேலை செய்கிறதே, நண்பர்கள் யாராவது கவனிக்கிறீர்களா? சற்றுமுன்னர் தான் இன்றைக்கு வலையேற்றப்பட்ட இந்த 18 நிமிட வீடியோவைப் பார்த்து முடித்தேன். அப்படியே பிரின்ட் தளத்தில் இன்று வெளியான அவருடைய செய்திக் கட்டுரையையும் படித்துப் பார்த்தாயிற்று.

பிஜேபி தலைமையில் இருக்கும் தேசிய ஜனநாயகக் கூட்டணியில் அங்கம் வகிக்கும் கட்சிகளை நரேந்திர மோடி அமித்ஷா இரட்டையர்கள் #பலிகடாக்கள் போல ஆக்கி விட்டார்களாம்! அந்தவகையில் மோடி - ஷா ஜோடி அரசியலில் விதிகளையே மாற்றி எழுதிக் கொண்டிருப்பதாக சேகர் குப்தா இந்த 18 நிமிட வீடியோவில் ஒரே புலம்பல்! யாருக்காக இந்தப்புலம்பல்?

#nationalinterest என்ற தலைப்பில் இந்த வீடியோவை வகைப் படுத்தியிருந்தாலும், சேகர் குப்தா காங்கிரசுக்கு நேரடியாக வக்காலத்து வாங்க முடியாத சமயங்களில் இந்த மாதிரி வாஜ்பாயி, LK அத்வானி காலத்தைய கூட்டணிக் கணக்குகளை வைத்து (இன்றைய நிலவரம் எப்படி வெகுவாக மாறியிருக்கிறது என்பதைக் கணக்கில் எடுத்துக்கொள்ளாமலேயே) பிஜேபியைக் குற்றம் சொல்லி  இருப்பது சேகர் குப்தா தெரிந்தே செய்திருக்கிற பாவம்!  அவர் சொல்கிற கால கட்டத்தில் பிஜேபி பரவலாக வளராமல் இருந்ததென்பது ஒருபுறம்! மாநிலக்கட்சிகளின் ஆதிக்கம் அன்று அதிகமாக இருந்தது என்பது இன்னொரு புறம்! அப்படிப்பட்ட சூழலில் எடுத்த அரசியல் முடிவுகளையே இன்றைக்கும் எடுத்தே ஆக வேண்டுமென்று விமரிசித்திருப்பது என்னவகையிலான ஜார்னலிசம்? 

By the fall of 2020 now, Narendra Modi and Amit Shah’s BJP has finished the NDA and written new rules and equations in national politics. Advani’s NDA is over, used and discarded. You might wish to compare this with the Ashwamedha Yagna of our Vedic tradition. Once your sovereignty is established with the display of an unstoppable horse across the nation, what do you do? Sacrifice that blessed horse. The NDA was that sacrificial horse. And we say it with no sense of judgement.

It is still called an NDA government but, at this point, its 53-member strong Union council of ministers has only one coalition partner. Don’t be embarrassed if you can’t recall who it is. I am also saving you the trouble of googling. It is Ramdas Athawale, of the Republican Party of India (RPI) faction named after himself, of course. He’s the solitary reminder of this being an NDA coalition government, a little bit like the Muslim driver of Advani’s ‘rath’ proving his secular commitment during his 1990 yatra. இது பிரின்ட் தளத்தில் சேகர் குப்தா எழுதியிருப்பது.

ஒரு கூட்டணி எப்போது அவசியமாகிறது? கூட்டணி அரசியல் என்பதே குழப்பங்களுக்கு உறுதியான தீர்வு காணமுடியாமல் எடுக்கப்படுகிற தற்காலிகமான சமரசம் தான் என்பதைப் புரிந்துகொள்ள முடியுமானால் சேகர் குப்தாவின் விமரிசனம் எவ்வளவு முட்டாள் தனமானது என்பதையும் ஓடனடியாகப் புரிந்துகொண்டு விடமுடியும்? #கூட்டணிஆட்சி என்பது மாநில அளவிலோ மத்திய அரசு அமைப்பதிலோ ஒரு ஸ்திரத் தன்மையுடன் இந்தியச் சூழ்நிலையில் எப்போதுமே இருந்ததில்லை. கடந்தகால கூட்டணிக் குழப்பங்களைக் கொஞ்சம் நினைவுபடுத்திக் கொண்டால், கூட்டணி, #கூட்டணிதர்மம் என்பதெல்லாம் எவ்வளவு அர்த்தம் இல்லாதவை என்பதும் கண்முன்னே வந்து போகும்! நினைவு படுத்திக் கொள்ள முடியவில்லையா? அதனால் ஒன்றுமில்லை! 2004 இல் அமைக்கப்பட்ட ஐக்கிய முன்னணிக்கு கூட்டணிக்கு குழப்பம் வெர்ஷன் 1.0 இல் வெறும் 18 எம்பிக்களை மட்டுமே வைத்திருந்த #திமுக எப்படி நாயின் வால் நாயையே ஆட்டிப்படைக்க முடிந்தது என்ற கதையை இணையத்தில் தேடி ஞாபகப் படுத்திக் கொண்டாலே போதுமானது.

மாநிலப்பிரச்சினைகளுக்கு மத்திய அரசு போதுமான கவனம் செலுத்தவில்லை என்ற காரணத்தால் மாநிலக் கட்சிகள் நேரு காலத்திலிருந்தே கொஞ்சம் கொஞ்சமாக வளர்ந்தன. மாநிலத்தில் ஆட்சியைப் பிடித்தபின்னால் பிரச்சினைகளுக்குத் தீர்வு வந்ததா என்றால் அதுவும் இல்லை! காங்கிரஸ் மாதிரியே ஊழல் செய்வதில் மட்டும் மாநிலக்கட்சிகள் தடம்புரண்டு போயின இயல்பாகவே பெரும்பாலான மாநிலக் கட்சிகளின் வீச்சும் செல்வாக்கும் தேய்ந்து கொண்டே வருவதில் உடைந்து சிதறிப்போனதைத் தவிர வேறொரு முன்னேற்றமும் இல்லை. தேசியக் கட்சியாகச் சொல்லிக் கொள்ளும் காங்கிரசே பெரும்பாலான மாநிலங்களில் கழுதை தேய்ந்து தேய்ந்து சித்தெறும்பாக குறுகிக் கிடக்கிறது. இந்த லட்சணத்தில் சேகர் குப்தாவின் புலம்பலை என்னவகைப் படுத்திப் புரிந்து கொள்வதாம்?

உங்களுக்கு ஏதாவது புரிகிறதா? கொஞ்சம் வந்து சொல்லுங்களேன்!

மீண்டும் சந்திப்போம்