இரண்டாவது முறையாகவும் மத்தியில் ஆட்சியமைத்த நரேந்திர மோடி அரசு தனது முதல் நூறு நாட்களைக் கடந்திருக்கிறது. இந்த நூறு நாட்களில் என்னென்ன சாதித்திருக்கிறோம் என்பதை இன்று சென்னையில் பத்திரிகையாளர்களை சந்தித்து, நிதியமைச்சர் நிர்மலா சீதாராமன் உரையாடியதன் வீடியோ தொகுப்பு
அமைச்சர் விலாவாரியாகச் சொல்லிக்கொள்ளா விட்டாலும், ஆட்சியமைத்த முதல் நாடாளுமன்றக் கூட்டத்தொடரிலேயே இரு அவைகளிலும் மிக முக்கியமான மசோதாக்களை நிறை வேற்றியிருப்பது, நூறுநாள் சாதனைகளில் மிகவும் முக்கியமான ஒன்று! அதுவும் ராஜ்யசபாவில் போதிய பலம் இல்லாத நிலையிலேயே, அருமையான floor management இல் முந்தைய ஐந்தாண்டுகளில் நிறைவேற்றமுடியாமல் கிடந்த பல மசோதாக்களை நிறைவேற்றியிருப்பதைச் சொல்லலாம். ஆர்டிகிள் 370 abrogate செய்யப்பட்டவிதம் கூட மிக அருமை.
பிஜேபிகாரங்க ஆட்சியின் நூறுநாள் சாதனைன்னு பேசினாக்க காங்கிரஸ் பதிலுக்குத் தன்னுடைய வேதனையை இப்படித் தான் வெளிப்படுத்தியாகணும்! ஆனால் திமுக கதை வேறுமாதிரியாக அல்லவா இருக்கிறது?
ரெண்டு முருகன் சமாசாரம் பார்த்து நாளாகிவிட்டதில்லையா? ஆனந்தவிகடன் தளத்தில் ஒரு சமாசாரத்தைக் கொளுத்திப் போட்டிருக்கிறார்கள்!
ஆகஸ்ட் மாதம் நடைபெற்று முடிந்த வேலூர் நாடாளுமன்றத் தேர்தலில் தி.மு.க சார்பில் போட்டியிட்டார், துரைமுருகன் மகன் கதிர்ஆனந்த். தேர்தல் முடிவிலும் பலத்த இழுபறிக்கிடையே வெற்றியும் பெற்றார். அவர் வெற்றிபெற்று இதுவரை நாடாளுமன்றத்திற்குச் செல்லவில்லை. நாடாளுமன்றத்தில் இன்னும் பதவியேற்பும் செய்து கொள்ளவில்லை. ஆனால், அதற்குள் முக்கியப் பதவி ஒன்றைக் கைப்பற்றிவிட்டார், கதிர்ஆனந்த். தென்னக ரயில்வேயின் சென்னைக் கோட்டத்துக்கான நாடாளுமன்றக் குழுத் தலைவர் என்கிற பதவியை தற்போது பெற்றுள்ளார், கதிர்ஆனந்த். கருணாநிதி கூடவே நீண்டகாலம் ஒட்டிக்கொண்டு இருந்த துரைமுருகனுக்கு இந்த சாமர்த்தியம் கூட இல்லையென்றால் எப்பூடி? !!
படித்ததில் பிடித்தது இது!
இஸ்ரோ தலைவர் டாக்டர் சிவன் ...சன் நியூஸ் க்கு ஒரு பேட்டி அளித்திருக்கிறார்.
அதில்..அவரை தமிழன் என்று அடையாளப்படுத்தி... தமிழக மக்களுக்கு நீங்கள் சொல்ல விரும்புவது என்ன? என்று வழக்கமான வலையுடன் கேள்வி வீசப்படுகிறது.
அதற்கு...
'' முதலில் ஒன்று சொல்ல வேண்டும். நான் இஸ்ரோவில் பணியில் சேரும்போது ஒரு இந்தியனாக தான் சேர்ந்தேன். இஸ்ரோவில் அனைத்து மொழிபேசும் மக்களும் பணிபுரிகிறார்கள். ஒரு குறிப்பிட்ட மொழியை பேசும் மக்களோ ஒரு பகுதியை சேர்ந்த மக்களோ மட்டும் அங்கு இல்லை. நான் ..தமிழக பகுதியிலிருந்து இங்கு வந்து பணி செய்யும் ஒரு இந்தியன். அவ்வளவுதான். இதற்கு எந்த ஒரு தனி நிறம், மொழி, இனம் என்றெல்லாம் கலர் கொடுப்பதில் எனக்கு உடன்பாடு இல்லை.''
விஷமத்தனமான & அரசியல்தனமான கேள்விக்கு ..உரிய இடத்தை காட்டிய சிறப்பான பளிச் பதில்.
Good !
மீண்டும் சந்திப்போம்.
