ஈவெரா! துக்ளக் அம்பலப்படுத்திய உண்மைகளும் தொடர்ச்சியும்!

துக்ளக் 50வது ஆண்டு நிறைவு  நிகழ்ச்சியில் நடிகர் ரஜனிகாந்த் பேசிய ஒரு 13 நிமிடப்பேச்சு தமிழ்நாட்டில் மிகப்பெரிய அதிர்வலைகளை ஏற்படுத்தியதென்றே சொல்லவேண்டும்! எதையும் திரித்தும் மிகைப் படுத்தியுமே வெற்றுப்பரப்புரைகளிலே வளர்ந்த திராவிடங்கள் என்னமோ ஈவெரா மீது ரஜனிகாந்த் அவதூறு பரப்பிவிட்டதாக, மன்னிப்புக் கேட்க வேண்டும் என்று  கூக்குரல் எழுப்பியதில் கடந்த 21 ஆம் தேதி மன்னிப்போ வருத்தமோ தெரிவிக்க முடியாது என்று இரண்டே நிமிடப் பேட்டியில் ரஜனிகாந்த் தனது நிலையைத் தெளிவுபடுத்தி விட்டார். ஈவெரா  என்கிற பகுத்தறிவு பிம்பத்தைக் கட்டமைத்து, அதைவைத்தே பிழைப்பு நடத்திவரும் தீ'னா கழகமும், தேவைப்படுகிற நேரத்தில் மட்டும் ஈவெராவின் மகிமைகளைப் பயன் படுத்திக்கொள்கிற இதர கழகங்களும் லபோதிபோவென இன்னமும் கூக்குரல் எழுப்பி வருகின்றன. அதில் துக்ளக் இதழில் வெளியானதென்ன என்ற ஆதாரத்தைக் காட்டாமல் அவுட்லுக் இதழில் 2017 ஆம் ஆண்டு வெளியான கட்டுரையை ஆதாரம் காட்டுவானேன் என்கிற கூக்குரலும் ஒன்று!     

இது இன்று நியூஸ் 7 சேனல் செய்தி!

  

இன்றைக்கு வெளியான (28/1/20) துக்ளக் இதழில் 1971 ஆம் ஆண்டு துக்ளக் இதழில் வெளியான சேலம் திராவிடர் கழக ஊர்வலம் பற்றிய செய்திகள், படங்களை மறுபதிப்புச் செய்திருக்கிறார்கள். ஆக அன்றைக்கு கருணாநிதி துக்ளக் இதழைப் பறிமுதல் செய்து மார்கெட்டிங் ஆசாமிபோல உதவியதைப் போல கழகங்கள் மறுபடியும் துக்ளக் இதழுக்கு மார்கெட்டிங் வேலையைச் செய்திருக்கின்றன என்பது திராவிட மாயை வேகமாகக் கலைந்து வருவதற்கான அடையாளம்! தொடர்ந்து பொய்களின் மீதே கட்டப் பட்ட திராவிடப் பம்மாத்து என்ன செய்வது என்பதறியாமல் திகைத்து நிற்பதில், விஷயம் அவர்கள் கையை மீறிப்போய் விட்டதும் கூடப் புலப்படுகிறதோ!

திராவிட மாயை -- ஒரு பார்வை என்று மூன்று பகுதிகளாக புத்தகம் எழுதிய சுப்பு மணியன் முகநூலில் ஈவெரா பற்றிப்  பகிர்ந்திருந்த சுவாரசியமான இரு பகிர்வுகளை இங்கே தருகிறேன்.

Subbu Maniyan  26 ஜனவரி, பிற்பகல் 3:42

ஈ.வெ.ராவின் ரகசியம்

ராஜா சார் அண்ணாமலை செட்டியாருக்கு அறுவதாண்டு நிறைவுற்ற போது ஆயுஷ் ஹோமம், நவகிரக சாந்தி, பூஜைகள், வேத விற்பன்னர்களுக்கு தானம் ஆகியவை பெருமளவில் நடந்தன. இது குறித்த செய்திகள் அன்றைய அச்சு ஊடகங்களிலும் வெளி வந்தன.

இதையெல்லாம் படித்த ஈ.வெ.ராவுக்கு சூடு அதிகமாகி விட்டது. அண்ணாமலை செட்டியாருக்கு எதிராக போராட்டத்தை அறிவித்தார்.

ஈ.வெ.ராவின் போராட்டம் என்ற செய்தி வந்தவுடன் செட்டியாரை சுற்றியிருந்தவர்களுக்குக் கவலை. "பெரியாரை நான் பார்த்துக்கொள்கிறேன்" என்று அவர்களை சமாதானப்படுத்திவிட்டு செட்டியார் ஈ.வெ.ராவுக்கு ஒரு தபால் அனுப்பினார்.

தபாலைப் பார்த்தவுடன் ஈ.வெ.ராவின் போராட்ட அறிவிப்பு முடிவுக்கு வந்தது. அந்த தபாலிலிருந்தது ஆயிரம் ரூபாய்க்கான காசோலை. இதுதான் ஈ.வெ.ராவின் ரகசியம்.

திராவிடப் பொய்யும் புரட்டும் ஒன்றா இரண்டா?  

   

Subbu Maniyan  நேற்று, பிற்பகல் 2:47 · 

திராவிடப் பொய்.

"1971 சேலம் ஊர்வலத்தில் ஹிந்து கடவுளை இழிவுபடுத்தினோம் . அதனால் தி மு க அதிக இடங்களில் ஜெயித்தது" என்று பெரியாரிஸ்டுகள் இப்போது சொல்கிறாரகள்.

1. அந்தத் தேர்தல் பிரசாரத்தில் தி மு கவோ அதன் கூட்டணிக் கட்சியான இந்திரா காங்கிரசோ இதைச் சொல்லி ஓட்டுக் கேட்க வில்லை. அதற்குப்பிறகு எந்தத் தேர்தலிலும் இதைச் சொல்லி ஓட்டுக் கேட்க வில்லை. தி்முக தரப்பில் அப்போது முக்கியமாகப் பேசப்பட்டது பிரதமர் இந்திராகாந்தியால் முன்னிறுத்தப்பட்டு ராஜ்யசபாவில் தோற்கடிக்கப்பட்ட 'மன்னர் மானிய ஓழிப்பு' மசோதாதான். தி மு க உறுப்பினர் எஸ் எஸ் ராஜேந்திரன் ராஜ்யசபா வாக்கெடுப்பின்போது கக்கூசுக்குப் போய் விட்டார். மசோதா தோற்றது. ஆளும் கட்சி மசோதா தோற்றுவிட்டதால் இந்திரா மந்திரி சபை ராஜினாமா செய்து தேர்தல் வந்தது. இந்திராவுக்கு இந்தியா பூராவும் வெற்றி. இந்திரா தயவில் திமுக விற்கும் வெற்றி.

மன்னர் மானியம் நீடிக்கவேண்டும் என்றார் காமராஜர். தி மு க வினர் காமராஜரை " ராஜாவின் கூஜா" என்று போஸ்டர் போட்டார்கள். காமராஜர் இருந்தது வாடகை வீடு. அது சொந்த வீடு என்று பொய் பிரச்சாரம் செய்தார்கள். "சோலை நடுவே வாழும் சோசலிசப் பிதா" என்று எழுதினார்கள்.

2. அன்றைய திமுக வின் ஸ்டார் பேச்சாளர் எம் ஜி ஆர். அவர் சேலம் ஊர்வலத்தை ஆதரித்துப் பேசவில்லை.

3.அன்றைய முதல்வர் மு கருணாநிதி தேர்தல் பிரசாரத்தில் ஊர்வலத்தைக் கண்டித்துப் பேசினார்.

4. ஊர்வலம் நடந்தது 24.01.1971. ஊர்வலத்தின் படங்கள் துக்ளக் 14.02.1971 இதழில் வெளிவந்தது .
அதுவரை சேலத்தில் நடந்த அயோக்கியத்தனம் ஊடகங்களில் வெளிவராமல் கருணாநிதி அரசு பார்த்துக்கொண்டது.

5. துக்ளக் இதழ் வெளிவந்து, தடைசெய்யப்பட்டு முழுவதுமாகச் செய்தி தமிழக வாக்காளர்களுக்கு போய் சேருவதற்குள் தேர்தல் பிரசாரம் முடிந்து விட்டது ( 25.02.1971).

1971 தேர்தல் முடிவுகளுக்கு திக ஊர்வலம் தான் காரணம் என்பது திராவிடப் பொய்.   

ஆக, கடவுள் பொய், புராணம் பொய், பண்பாட்டு விழுமியங்கள் எல்லாமே பொய் என்று வெற்றுக் கூச்சல் போடும் திராவிடங்கள் சொல்வதென்னவோ பொய் மட்டும் தான்!    

மீண்டும் சந்திப்போம்.

தொடர்புடைய பதிவு :

அரசியல் இன்று! தகர்க்கப்படும் பிம்பங்கள்! ஈவெரா!

அக்கப்போர்களில் சிறந்து விளங்கும் தமிழ்நாடு!

அதென்னவோ தமிழகத்தில் திராவிடங்கள் கழகங்களாய் அரசியலில் வளர்ந்த பிறகு வெட்டி அக்கப்போர்களிலேயே தமிழ்நாட்டு அரசியலும் இலக்கிய சர்ச்சைகளும் மூழ்கிக் குப்பை அள்ளுவதாகவே ஆகிப்போய் விட்டது என்று சொன்னால் நண்பர்கள் உண்மையைக் காணக் கூசி முகம் சுளிக்கிறார்கள்!

பெயரென்னவோ இந்துசமய அறநிலையத்துறைதான்! ஆனால், அறவுணர்வோ அறிவோ இல்லாதவர்கள் கைகளில் போகுமானால் என்ன நடக்கும்? கொஞ்சம் ரங்கராஜன் நரசிம்மன் சொல்வதைக் கேட்டுத்தான் பாருங்களேன்! வீடியோ 27 நிமிடம் ஸ்ரீரங்கம் கோவிலில் இந்துசமய அறநிலையத்துறை மோசடிகள் குறித்து இன்னொரு வீடியோ இங்கே 32 நிமிடம்   

சிறீலங்கா தேர்தல் முடிவுகள் அங்குள்ள தமிழர்களுக்கு  சாதகமா? பாதகமா? இதை     இங்கே விவாதிப்பதில் இங்குள்ள தமிழர்களுக்கு என்ன உபயோகம்? இங்கே ஈழத்தமிழ் ஆதரவு வியாபாரம் செய்பவர்களுக்கு பாதிப்பு இருக்கலாம்! அவர்களும் கூடக் கூவி முடித்து விட்டார்களே!

அடுத்தவர்கள் மீது நரகலை வீசுவதில் வல்லவர்கள் கழக உடன்பிறப்புக்கள் என்பது தெரிந்த கதைதான்! ஆனால் சேறு வீசுவது அவர்கள் தலீவர்  பக்கமே சமீப காலமாகத் திரும்பி அடிப்பது  இசுடாலின் வகையறாவுக்கு சங்கடத்தை தோற்றுவித்திருக்கிறது. ஊடகங்களை விலைக்கு வாங்கியிருக்கலாம்! சமூக வலைத்தளங்களில் கிழிகிழியென்று கிழிக்கப் படுவதை நிறுத்திவிட முடியுமா? 

முத்தமிழ்னு சொல்லியே விக்கிற சாமர்த்தியம் 

இருந்த கலீஞனின் மகனா இப்படி? 

வருகிற தைப் பொங்கலோடு 50வது ஆண்டில் துக்ளக். அதையொட்டி வருகிற ஞாயிறு திருச்சியில் ஒரு சிறப்புக் கூட்டம். வாய்ப்புள்ளவர்கள் கலந்து கொள்ளலாமே!

மீண்டும் சந்திப்போம்.    

      

செய்திகளோடு கொஞ்சம் விமரிசன உலா!

வருகிற ஞாயிற்றுக்கிழமை மஹாராஷ்டிரா, ஹரியானா இருமாநிலங்களிலும் சட்டமன்றத் தேர்தல்கள் நடக்க இருக்கின்றன.ஆனால் பிஜேபிக்கு எதிராகக் கோதாவில் இறங்கி tough fight கொடுப்பதற்குத் தான் யாரையுமே காணோம் என்று The Print தளத்தில் இன்றைக்கு ஹேமந்த் தேசாய் மிகவும் குறைப்பாட்டுக் கொண்டு எழுதியிருந்த செய்திக் கட்டுரையை இப்போது வாசித்தேன்! காங்கிரஸ் NCP கூட்டணி என்னவோ தேர்தல் வந்துவிட்டால் பெயரளவுக்காவது போட்டியிட்டாக வேண்டுமே என்ற சலிப்புடன் வேட்பாளர்களை நிறுத்தியிருக்கிற மாதிரித்தான் தெரிகிறது!  

   

காங்கிரஸ் NCP கூட்டணிதான் இப்படி என்றால் பிஜேபியுடன் முரண்டு பிடித்துக் கொண்டே கூட்டணி வைத்திருக்கும் சிவசேனா கதை இன்னும் பரிதாபம்! புலி என்று தங்களைக் குறித்துப் பீற்றிக்கொள்கிறவர்கள் எல்லோருமே  காகிதப்புலி தான் என்பது மஹாராஷ்டிர அரசியலிலும் கூட மெய்ப்பிக்கப் பட்டிருக்கிறது.மஹாராஷ்ட்ரா அரசியலில் அசைக்க முடியாத வலுவான சக்தியாக முதலமைச்சர் தேவேந்திர ஃபட்னவிஸ் வளர்ந்திருப்பதில் காங்கிரசுக்கு மட்டுமல்ல சிவசேனாவுக்கும் கூட உள்ளூரப் பொருமத்தான் முடிகிறது.

   

Devendra Fadnavis is so strong in Maharashtra that he is ready to wrestle, but ring is empty இது ஹேமந்த் தேசாய் எழுதிய செய்திக் கட்டுரையின் தலைப்பு! Chief Minister Devendra Fadnavis was recently asked on the Zee 24 Taas show whether he considers himself the Narendra Modi of Maharashtra. He replied: “There can be only and one only Narendra Modi in the world. I am satisfied to remain as Devendra Fadnavis of Maharashtra”. இந்த ஒரு பதிலிலேயே ஏன் அமித் ஷா, ஃபட்னவிஸ்  தான் மாநிலத்தின் முதல்வர் வேட்பாளர் என்று அறிவித்ததற்கான காரணமும் இருக்கிறதோ? மராத்தா+OBC  வாக்குகளில் ஜெயித்துவந்த காங்கிரஸ் NCP கூட்டணி இப்போது இரண்டையும் இழந்து நிற்பது காலம் செய்திருக்கிற அலங்கோலம்! ஹரியானாவில் நிலைமை இன்னமும் மோசம்.

சீனாதானாவிடம்  நீதிமன்றங்கள், அதிகாரிகள் எல்லோருமே பயந்து கொண்டிருந்த காலம் மலையேறிவிட்டது. அவ்வளவு ஆட்டங்களுக்கும் பதில்சொல்ல வேண்டிய நேரம் நெருங்கிக் கொண்டிருக்கிற மாதிரித்தான் எனக்குத்  தோன்றுகிறது. பொறுத்திருந்து பார்க்கவேண்டிய சப்ஜெக்ட் இது.  

    

இது இன்றைய துக்ளக் இதழின் அட்டைப்பட நையாண்டி! தமிழக பிஜேபி தலைமையைக் கூண்டோடு கலைத்தாக வேண்டும் என்று முகநூலில் பல பிஜேபி ஆதரவாளர்கள் ஏன் குரல் கொடுத்துக் கொண்டிருக்கிறார்கள் என்பதற்கான காரணத்தை ஒரு அட்டைப்படக் கார்டூனிலேயே சொல்லியாகி விட்டது!

மீண்டும் சந்திப்போம்.