#2021தேர்தல்களம் கிழக்கே மே.வங்கம்! தெற்கே தமிழ்நாடு! #அரசியல்இன்று

மேற்கு வங்க அரசியல்களம், தேர்தல்களம், உள்துறை அமைச்சர் அமித்ஷா இரண்டுநாள் விஜயமாக அங்கே போய்வந்த பிறகு, சூடு பிடித்திருக்கிறது என்று சொல்வதை விட ஆளும் திரிணாமூல் காங்கிரசுக்கு அதிக கிலி பிடிக்க ஆரம்பித்து விட்டதென்றே தெரிகிறது! அதுவும் போக மம்தா பானெர்ஜிக்கு image makeover மற்றும் தேர்தல் உத்தி வகுக்கப் போயிருக்கும் IPAC பிரசாந்த் கிஷோர் பிழைப்பிலும் மண்விழுந்துவிடும் போல இருக்கிறது!

முகநூலில் பானு கோம்ஸ் சரியாகத்தான் சொல்லி இருக்கிறார்:

Banu Gomes

7ம.நே  · 

ஆக .....வருகின்ற மேற்கு வங்காள சட்டசபை தேர்தலில்... பிஜேபி 99 தொகுதிகளில் உறுதியாக வெற்றி பெற்றுவிடும் என்று தன்னுடைய political strategist பணியின் மீது சத்தியம் செய்து கூறுகிறார் பிரஷாந்த் கிஷோர் !

எதிரியின் அளவீடே 99 எனும்போது...இரட்டை இலக்கத்தை தாண்டுகிற முயற்சியை ..அமித்ஷா & co சிறப்பாக செய்து கொண்டிருக்கிறார்கள் என்பதன் grudging acknowledgement இது என்றே புரிந்து கொள்ள வேண்டும் !

[ தற்போதைய West Bengal சட்டசபையில்... 16 பிஜேபி எம் எல் ஏக்கள் இருக்கிறார்கள்.]

924Arul Selva Perarasan S மற்றும் 923 பேர்

67 கருத்துக்கள்

149 பகிர்வுகள்

பிஜேபியை,   நரேந்திர மோடியைக் கடுமையாக விமரிசிக்கும் கார்ட்டூனிஸ்ட் சதீஷுக்கு பிரசாந்த் கிஷோர் சவால் விடுவதில் கொஞ்சம் கூட நம்பிக்கை இல்லை போல இருக்கிறது! பயத்தில் உளறுவதெல்லாம் சவாலாகி விடுமா சதீஷ்? 

இங்கே தமிழக அரசியல்களம் என்ன நிலையில் இருக்கிறது? 

எஸ்ரா சற்குணம் மாதிரி முழுநேர திமுக பாதிரிகளை வைத்துக் கொண்டு வேறென்ன எதிர்பார்க்க முடியும்?

Stanley Rajan

3ம.  · 

ஈரோட்டு ராம்சாமி மேல் ஆயிரம் விமர்சனம் இருந்தாலும், ராம்சாமி சொன்ன உருப்படியான விஷயம் நடிகர்கள் அரசியலுக்கு வரகூடாது என்பது

உண்மையில் அது நல்ல விஷயம், நடிகனுக்கு என்ன தெரியும் நடிக்கும் கூத்தாடி கூட்டத்துக்கு என்ன தெரியும் என்ற அந்த சாடல் ஒருவகையில் நியாயமானது

இங்கு சினிமாவினை அரசியலுக்கு இழுத்து வந்தது கருணாநிதி, ராம்சாமி பெயரை சொன்னால் 4 வோட்டு அல்ல ஒரு வோட்டும் விழாது, தன் பெயரை சொன்னால் அரை வோட்டும் விழாது என்பதை உணர்ந்த அண்ணாவும் கருணாநிதியும் ராம்சந்தரை முன்னிறுத்தி இங்கு நாசமாய் போன கலாச்சாரத்தை தொடங்கி வைத்தனர்

ராம்சந்திரன் காட்டிய மாயாஜாலத்தில் ஆளாளுக்கு சினிமா ஆசை வந்தாலும் ஜெயலலிதா இருந்தவரை கொஞ்சம் அடக்கி வைத்திருந்தார்

இதில் கருணாநிதியின் கூட்டும் இருந்தது

இதில்தான் பாக்யராஜ், டி.ராஜேந்தர்,கார்த்திக், சரத்குமார் , விஜயகாந்த் என எல்லா சினிமாக்காரர்களும் தவிட்டு கடைக்கு தள்ளபட்டனர்

ஒரு சினிமாக்காரனால் கெட்ட தமிழகம் இன்னொரு சினிமாக்காரனை தாங்காது என இருவரும் முடிவோடு இருந்தாலும் அடுத்தது யார் என இருவருக்குமே சொல்ல தெரியவில்லை

இரு பிம்பங்களுமே அப்படியே இருந்து மறைந்தன‌

இப்பொழுது மறுபடி ஆட்டம் அதிகரிகின்றது, கமலஹாசர், ரஜினி என ஒரு பக்கமும் இன்னொரு பக்கம் விஜயண்ணாவுக்கு கொம்பு சீவும் காட்சியும் நடக்கின்றது

1960ல் இருந்து 2020 வரை அரசியலுக்கு வருபவர்களில் 99% சதவீதம் பேர் சினிமா கோஷ்டியே

சினிமாவினை அரசியலில் கலக்கவிட்ட பாவம் தன் மகனையே சுழற்றி அடிக்கும் என கருணாநிதி நினைத்திருக்கமாட்டார்

அவரின் திட்டம் எதுவுமே உருப்படியல்ல, சொந்த வீட்டுக்கு கூட நலம் கொடுக்காதது என்பது இப்பொழுதுதான் எல்லோருக்கும் புரிகின்றது, அவர் குடும்பத்தாருக்கும் புரிகின்றது

இதை அன்றே சொன்ன எம்.ஆர் ராதாவின் வார்த்தைகளோடு நினைவு கூறலாம்

"டேய் ராமசந்திரா? உனக்கெல்லாம் எதுக்கு அரசியல்?

உனக்கு என்ன தெரியும்னு நீயெல்லாம் அரசியல் பேசுற? அங்க காமராஜர் மாதிரி நல்லங்க இருக்காங்க, டெல்லில சாஸ்திரி மாதிரி தியாகிங்க இருக்காங்க‌

இந்த நாட்டுல சில பிணக்குகள் இருக்கலாம், எந்த நாட்டுல பிணக்கு இல்ல எல்லா நாட்டிலேயும் இருக்கு?

அத அரசியல் ஆக்காதே, அதுவும் நீ ஆக்காதே, அது பின்னாளையில பெரிய பிரச்சினையா மாறி மாநிலமே நாசமாகும்

ஒழுங்கா நடிச்சியா, நல்ல கருத்துக்கள சொன்னியான்னு இரு. அதுதான் இந்த நாட்டுக்கு பெரிய சேவை, அதைவிட நீ ஒண்ணும் அரசியல்ல போய் கிழிக்க போறதில்ல‌

சொன்னா கேளு, அரசியல் பேசாத, ஒழுங்கா நடிக்கிற வேலைய யாரு அதுதான் உனக்கும் நல்லது நாட்டுக்கும் ரொம்ப நல்லது"

217217

8 கருத்துக்கள்

37 பகிர்வுகள்

விரும்பு

கருத்துத் தெரிவி

பகிர்

இஸ்லாமியர்களுக்கு திமுகவை விட்டால் வேறு போக்கிடமே இல்லை என்ற நிலை மாற்ற அசாதுதீன் ஒவைசி தன்னுடைய AIMIM கட்சியுடன் (நயம் முஸ்லீம் கட்சி முத்திரையுடன்)  வருகிற சட்டசபைத் தேர்தலில் களம் இறங்குகிறாராம்! எஸ்ரா சற்குணம் திமுகவுக்கு கிறிஸ்தவ ஓட்டுக்களைச் சிந்தாமல் சிதறாமல் வாங்கித் தர முடியுமா என்பது சந்தேகம்தான்! ஆனால் ஒவைசி..? இங்கே யாருடன் கூட்டுச் சேரப்போகிறார்?

விடைகாண முடியாமல் தமிழக அரசியல் களம் வெகுவாக இப்போதே குழம்ப ஆரம்பித்து விட்டது.

மீண்டும் சந்திப்போம்       

மம்தா பானெர்ஜியின் அதிரடி! இடது -காங்கிரசுக்கு உதறல் ஏன்?

மேற்குவங்க முதல்வர் மம்தா பானெர்ஜியிடம் நிறைய மாறுதல்கள் தெரிவதாக ஊடகச் செய்திகள் சொல்வது நிஜம்தானா? பிரசாந்த் கிஷோர் வகுத்துக் கொடுத்த தேர்தல் உத்திகளின் வெளிப்பாடா? காங்கிரஸ் கட்சிக்கு யோசிப்பதற்கெல்லாம் துப்பில்லை. என்னோடு சேரவில்லையா? நீயும் என் எதிரியே! நீயும் மோடியின் அடிமைதான் என்று கொஞ்சம் கூடத் தயங்காமல் பேசிய வினோதமும் நேற்று நிகழ்ந்தது. காங்கிரஸ் தான் உளறுவாயர்களுடைய கட்சியென்று சொல்வீர்களே, இப்போது காங்கிரஸ் சொல்வதற்கு முக்கியத்துவம் கொடுக்கலாமா என்று கேட்கிறீர்களா?

நேற்று பிரதமர் மோடியுடன் அரசு நிகழ்ச்சியில் கலந்து கொண்ட கையோடு மம்தா பானெர்ஜி திரிணாமுல் காங்கிரஸ் நடத்திக் கொண்டிருந்த CAA  NRCக்கு எதிரான தர்ணாவுக்குத் திரும்பிவிட்டார். இடதுசாரி மாணவர்கள் மம்தாவுக்கு எதிராக ஆசாதி. சீ சீ (வெட்கம் வெட்கம் என்று அர்த்தமாம்) கோஷங்கள் எழுப்பி ரகளை செய்தனர். அவர்களை சமாதானப் படுத்த மம்தா சொன்னதை அவர்கள் காதில் வாங்கிக் கொள்ளவில்லை. மோடியை இப்போது எதற்காக சந்திக்கப் போகவேண்டும் என்பது அவர்களுடைய கேள்வி. மம்தா கட்சியினர் தர்ணா நடத்திக் கொண்டிருந்த இடத்துக்கு எதிரிலேயே போட்டி தர்ணா நடத்த அமர்ந்துவிட்டனர் என்கிறது செய்தி.

Mamata Banerjee has done the unpredictable once again. What may have appeared like a political flip more than a decade ago has now taken the character of a wise, prudent manoeuvre என்று இதை சிலாகிப்பது வங்கிகளிடம் கடன் வாங்கித் திருப்பித்தராமல் 8000 கோடி ரூபாய்களை ஏமாற்றிக் கொண்டிருக்கிற Deccan Herald நாளிதழ் தான் என்றால் கொஞ்சம் ஆச்சரியமாகத் தான் இருக்கும்!  மேலே என்ன சொல்கிறார்கள்?

கேரளாவில் இடதுசாரிகளும் காங்கிரசும் சேர்ந்து CAA வைத் திரும்பப்பெறவேண்டும் என்ற கோரிக்கையை மம்தா ஏற்க மறுத்துவிட்டார். போதாக்குறைக்கு ஜனவரி 8 அன்று காங்கிரசும் கூட்டாளிகளும் CAA வுக்கு எதிராக பாரத் பந்த் நடத்தியதில் கலந்துகொள்ளவும் மறுத்து விட்டார். ஜனங்கள் பொருளாதாரம் பாதிக்கப் படுவதை ஏற்க முடியாது என்பது மம்தா சொன்னது அதற்கும் மேலாக சோனியா காண்டி CAAவுக்கு எதிராகக் கூட்டிய எதிர்க்கட்சிகள் கூட்டத்தில் கலந்து கொள்ளவும் மறுத்துவிட்டார் .CAA வை வைத்து காங்கிரஸ் அசிங்கமான அரசியல் செய்கிறது என்று வேறு சொல்லிவிட்டாரா!? காங்கிரசுக்கும் இடதுகளுக்கும் அப்படி ஒரு எரிச்சல்! காய்கிறார்கள்! ஒப்பாரி வைக்காதகுறையாக மம்தா மீது சந்தேகமாக இருக்கிறது என்கிறார்கள்! Peeved by her stand, both the Congress and the Left chose the disturbed Murshidabad district to incite passion against the central and state governments. At Sujapur, in the same district, people set a police vehicle on fire, pelted stones at the police. மாநிலமெங்கும் வன்முறையைப் கட்டவிழ்த்து விட்டு இடதுசாரிகளும் காங்கிரசும் ஓய்ந்தார்கள். அப்போது மம்தா பானெர்ஜி சொன்னதுதான் உச்சம் It was in these circumstances that Mamata Banerjee accused the Congress-Left combine — ‘two dead forces’,  in her words —  of resorting to vandalism. 

இனிமேற்கொண்டு CAA, NRC இவைகளுக்கெதிராக தனியாகத்தான் போராட்டம் என்று மம்தா பானெர்ஜி தெளிவாக அறிவிக்கவும் செய்துவிட்டார். ஆக எதிர்க்கட்சிகளின் ஒற்றுமை என்கிற ஆக்சிஜன் வென்டிலேட்டர் சப்போர்ட் போச்சே என்று காங்கிரஸ் கதறுவதன் காரணம் புரிகிறதா? இடதுசாரிகளும் சேர்ந்து ஊளையிடுவது இந்தவாரம் நடந்து கொண்டு இருக்கும் ஆகப்பெரிய அரசியல் காமெடி! 

Mamata Got Orders From Above, We Know From Whom: Cong Accuses WB CM For Skipping Oppn Meet என்று இத்தனை அட்சர சுத்தமான உளறலைக் காங்கிரஸ்காரனால் மட்டுமே செய்யமுடியும் என்பதில் இன்னும் கூட சந்தேகமா?ஜனவரி 13 சோனியா கூட்டத்திற்கும் எதிர்க்கட்சிகள் கூட்டத்தில் கலந்துகொள்ளப் போவதில்லை என்று மம்தா பானெர்ஜி அறிவித்தால் காங்கிரஸ்காரன் உளறாமல்  இருந்தால் மட்டுமே ஆச்சரியம்! 

மீண்டும் சந்திப்போம். 

சாரதா மோசடி! மம்தாவின் மமதை!

மாலன் நாராயணன், 4 பிப்ரவரி, பிற்பகல் 1:24 ·முகநூலில்  எழுதியது  

சாரதையின் தந்திரமும் மமதையும்! பத்திரிகையாளர் மாலன் நாராயணன் விவரிக்கிறார்: 

“மொத்த மார்க்கெட்டும் புயலால் தாக்கப்பட்டதைப் போலிருந்தது. ஒவ்வொரு வீட்டிலும் பணத்தைப் பறி கொடுத்த ஒரு முதலீட்டாளர் இருந்தனர். ஒரு காலத்தில் நண்பர்களாக இருந்தவர்கள் இப்போது எதிரிகளாகி விட்டனர். சந்தோஷமாக இருந்த குடும்பங்கள் துயரத்தில் மூழ்கின. குழந்தைகள் பள்ளிக்குச் செல்லவில்லை. வணிகர்கள் கடைகளைத் திறக்கவில்லை. ஒரு காலத்தில் அன்பு பரவிக் கிடந்த இடத்தில் இப்போது துரோகம் வியாபித்திருக்கிறது “ (டைம்ஸ் ஆப் இந்தியா 23 ஏப்ரல் 2013)

சுமார் 210 பேர் – ஏஜெண்ட்கள், முதலீட்டாளர்கள், அதிகாரிகள், கம்பெனிகளின் இயக்குநர்கள்- தற்கொலை செய்து கொண்டார்கள் 

(ஹிந்துஸ்தான் டைம்ஸ் 13 மே 2014)

இவற்றுக்கெல்லாம் காரணம் சாரதா நிதி மோசடி

சாரதா நிதி மோசடி என்றால் என்ன?

சாரதா குரூப் என்பது 200 தனியார் நிறுவனங்கள் சேர்ந்த ஒரு குழுமம். அவர்கள் ஒரு நிதித் திட்டத்தை நடத்தி வந்தார்கள். அதில் சேருகிறவர்களுக்கு சேர்ந்த சில காலத்திற்குப் பிறகு அவர்கள் முதலீடு செய்த தொகையைப் போல பல மடங்கு லாபமாகத் திருப்பிக் கொடுக்கப்பட்டது. அந்தக் குழுமத்தில் உள்ள நிறுவனங்கள் ஈட்டிய லாபத்திலிருந்து இது கொடுக்கப்படுவதாகச் சொல்லப்பட்டது. இதன் மீது நம்பகத்தன்மையை உருவாக்க, வங்கமொழித் திரைப்படத் துறை, ஊடகங்கள், டூரிசம், மோட்டர் சைக்கிள் தயாரிப்பு, தேக்கு மர வளர்ப்பு, கால்பந்து குழுக்கள் போன்ற மக்கள் கண்களுக்குத் தெரியும் துறைகளைச் சார்ந்த நிறுவனங்கள் தொடங்கப்பட்டன.
ஆனால் நிறுவனங்களின் லாபத்திலிருந்து அல்ல, புதிதாக சேருகிறவர்களின் முதலீட்டிலிருந்து பணம் எடுத்து முன்பு முதலீடு செய்தவர்களுக்குக் கொடுக்கப் பட்டது அதாவது உங்கள் பையிலிருந்த பணத்தை எடுத்து இன்னொருவருக்குக் கொடுப்பது. இன்னொருவர் பையில் உள்ளதை எடுத்து மற்றவருக்குக் கொடுப்பது. மற்றவர் பையிலிருந்து உங்களுக்கு இப்படி ஆட்டைத் தூக்கி குட்டியில் போடும் கோல்மால் வேலை. குறுகிய காலத்தில் நிறையப் பணம் கிடைக்கும் என்ற ஆசையில் பொது மக்கள் திமுதிமுவென் போய் விழுந்தார்கள்.அவர்கள் கனவுகள் ஒருநாள் முறிந்தன. தற்கொலை செய்து கொண்டார்கள்.

சாரதா என்பது யார்?

ராமகிருஷ்ண பரமஹம்சரின் துணைவியார். அவர் பெயரை நிறுவனத்திற்கு வைத்தால் யோக்கியர்கள் என மக்கள், குறிப்பாகப் பெண்கள், எளிதாக நம்பிவிடுவார்கள் என்பதால் அந்தப் பெயரை கம்பெனி வைத்துக் கொண்டது,.

இது எவ்வளவு பெரிய ஊழல்?

17 லட்சம் முதலீட்டாளர்களிடமிருந்து சாரதா குழுமம் திரட்டிய தொகை 30 ஆயிரம் கோடி

இப்போதுதான் இந்த ஊழல் கண்டுபிடிக்கப்பட்டதா?

இல்லை 2013லேயே ஊழல் வெளிச்சத்திற்கு வந்துவிட்டது. இந்த விவகாரத்தை முதலில் கையில் எடுத்தது செபி. பிராஸ்பெக்டஸ் என்னும் செயல் திட்டமில்லாமல் ஒரு நிறுவனம் 50 பேர் வரை பங்கிற்கான முதலீடுகளைப் பெறலாம். சாரதா இந்த ஓட்டையைப் பயன்படுத்தி பல நிறுவனங்களைப் போலியாகத் தொடங்கியது. விஷயம் அறிந்ததும் செபி விசாரணையைத் தொடங்கியது. செபி விசாரணையைத் தொடர்ந்து ரிசர்வ் வங்கி ஆளுநர் சுப்பாராவ் மாநில அரசின் கவனத்திற்கு விஷயத்தைக் கொண்டு சென்று எச்சரிக்கை செய்தார். இதற்கிடையில் 2013 ஜனவரியில், நிறுவனம் கொடுக்க வேண்டிய பணம் நிறுவனத்திற்கு வந்து கொண்டிருந்த பணத்தை விட அதிகமாக இருந்ததால் இந்த சீட்டுக் கட்டு கோபுரம் சாய்ந்தது

2013 ஏப்ரல் 6ஆம் தேதி சாரதா குழுமத்தின் தலைவர் சுதீப்தோ சென், சிபிஐக்கு 18 பக்க கடிதம் ஒன்றை அனுப்பினார். அதில் பல அரசியல்வாதிகளுக்குப் பணம் கொடுக்கப்பட்ட விவரத்தை எழுதியிருந்தார்.

அவர்கள் திருணாமூல் கடசியினரா?

திருணாமூல் கட்சியின் எம்பிகள் பெயரைக் குறிப்பிட்டிருந்தார். குணால் கோஷ் என்ற திருணாமூல் மாநிலங்களவை உறுப்பினர்தான் சாரதா ஊடகக் குழுமத்தின் செயல் தலைவர் (CEO) அவருக்கு மாதத்திற்குப் பதினாறு லட்சம் ரூபாய் சம்பளம். இன்னொரு எம்.பி. ஸ்ரீநிஜ்ஞாய்யும் சாரதா நிறுவனத்திடம் ஊதியம் பெற்று வந்தார். திருணாமூல் எம்பியும் நடிகருமான மிதுன் சக்ரவர்த்தி, திருணாமூல் எம்பியும் வங்க திரைப்பட நடிகையுமான சதாப்தி ராய் ஆகியோர் பிராண்ட் அம்பாசிடர்களாக இருந்தார்கள். மதன் மித்ரா என்ற போக்குவரத்து துறை அமைச்சர் கால்பந்து குழுக்களின் நிர்வாகத்தில் பங்கு பெற்றிருந்தார் . ஜவுளித்துறை அமைச்சர் ஷ்யாமபாதா முகர்ஜி யின் குடும்பத்திற்குச் சொந்தமான லேண்ட்மார்க் சிமிண்டஸ் என்ற ஆலையை சாரதா நிறுவனம் வாங்கிக் கொண்டிருந்தது

வங்கத்திற்கு வெளியில் உள்ள மாநிலங்களைச் சேர்ந்த சில அரசியல்வாதிகளுக்கும் அரசியல் குடும்பங்களுக்கும் பணம் கொடுக்கப்பட்டிருந்தது
எல்லாவற்றிற்கும் மேலாக மம்தா பானர்ஜியின் ஓவியங்களை 1.8. கோடி கொடுத்து சாரதா நிறுவன தலைவர் சென் வாங்கியதாக குற்றச்சாட்டு எழுந்தது

அதிர்ச்சியாக இருக்கிறதே?

இதை விட திகைப்புக்குரிய செய்திகள் உண்டு. 2014ஆம் ஆண்டு செப்டம்பர் மாதம் ஆனந்தபஜார் பத்திரிகா அயல்நாட்டு உளவுத்துறை அறிக்கைகளை ஆதாரமாகக் கொண்டு ஒரு தொடர் வெளியிட்டது. அதில் சாரதா குழுமம், திருணாமூல் எம்பியும், சிமி அமைப்பின் நிறுவன உறுப்பினருமான அஹமது ஹசன் இம்ரான் மூலமாக ஜமாத் ஏ இஸ்லாமி என்ற வங்கதேச தீவிரவாத அமைப்பை, பணத்தை அயல்நாடுகளுக்கு அனுப்ப ஏற்பாடு செய்தது என்று அந்தத் தொடரில் எழுதியது. ஜமாத் ஏ இஸ்லாமி இதன் மூலம் கிடைத்த கமிஷன் பணத்தை அங்கிருந்த அரசுக்கு எதிராக வன்முறைச் சம்பவங்களை அரங்கேற்றப் பயன்படுத்தியது. வங்கதேச மனித உரிமை ஆர்வலர் ஷாரியார் கபீர் அல்கய்தாவிற்கும் பணம் போயிருக்கிறது எனக் குற்றம் சாட்டுகிறார்

தனது கட்சிக்காரர்கள் சம்பந்தப்பட்டிருப்பதால் தான் மம்தா சிபிஐ விசாரணையை எதிர்க்கிறாரா?
சாரதா ஊழல் பற்றிய விசாரணைகளை அவர் தொடக்கத்திலிருந்தே எதிர்த்து வருகிறார். வங்க தேச விவகாரம் வெளியானதும் ஷேக ஹசீனா அரசு அதைக் குறித்து ஒரு விசாரணைக் கமிஷன் அமைத்தது. மம்தா வங்கதேச தூதரை அழைத்துக் கண்டனம் தெரிவித்தார்

சிதம்பரம் நிதி அமைச்சராக இருந்த போது அமலாக்கத்துறை மூலம் விசாரணைக்கு உத்திரவிட்டார். 2014 மக்களவைத் தேர்தலை மனதில் கொண்டு சிதம்பரம் இந்த நடவடிக்கை எடுக்கிறார் என்று மம்தா ஆவேசமாக குற்றம் சாட்டினார் அவரது மனைவி அதில் சம்பந்தப்பட்டிருக்கிறார் தெரியுமா? என மேடைகளில் பேசினார். 

வங்க சட்ட அமைச்சர் சந்திரிமா பட்டாச்சாரியா தலைமையில் திரூணாமூல் கட்சியின் மகளிர் அணியினர் சிபிஐ அலுவலகம் முன்பு தர்ணாவில் அமர்ந்தனர்.

இன்று சட்டமன்றத்தில் பட்ஜெட் தாக்கல் செய்ய வேண்டிய வேளையில் அதை விட்டுவிட்டு சாலையில் அமர்ந்திருக்கிறார் மமதா

வங்கத்தில் பல கட்சிக் கூட்டம் நடத்தியதால்தான் பாஜக இந்த நடவடிக்கை எடுத்தது என்கிறார்களே?

விசாரணையை சிபிஐ மேற்கொள்ள வேண்டும் என்று உத்தரவிட்டது உச்ச நீதி மன்றம்.மே 9 2014 அன்று நீதிபதிகள் தாக்கூர், நாகப்பன் ஆகியோர் கொண்ட பெஞ்ச் இந்த ஆணையைப் பிறப்பித்தது. அப்போது பாஜக அரசு பதவியேற்றிருக்கவில்லை. 2014 தேர்தல் முடிவுகள் மே 16 அன்றுதான் வெளியாகின.

இந்த ஊழலை சிபிஐ விசாரிக்க வேண்டும் என்ற கோரிக்கையை திரிபுரா அரசும் எனக் கோரியிருந்தது.

தேசம் காப்போம் என எதிர்கட்சிகள் முழங்குகின்றனவே நீங்கள் என்ன நினைக்கிறீர்கள்?

தங்களுக்க்கு நெருக்கடி ஏற்படும் போதெல்லாம் தேசம் காப்போம், அரசமைப்புச் சட்டத்தைக் காப்போம் என்று எதிர்கட்சிகள் சீறி எழுகிறார்கள். இவர்களில் சிலர் அரசமைப்புச் சட்டம் நிறுத்தி வைக்கப்பட்ட எமர்ஜென்சியின் போது எந்தத் தரப்பில் இருந்தார்கள் என்பதை நாடறியும். தேசம் காக்கப்படத்தான் வேண்டும். யாரிடமிருந்து என்பதுதான் கேள்வி.

இயன்றவர்கள் பகிர்க என்று பகிர்வை முடித்திருக்கிறார் மாலன். இதிலும் வழக்கம் போல மாலனுடைய அரசியல் நிலை கேள்விக்குள்ளாக்கப் படும் என்பதும் தெரிந்ததுதான்! LIC ராமன் பொங்கி முடித்துவிட்டார். மாலன் சொன்ன விஷயங்களில் தவறு இருக்கிறதா, அல்லது சரியாகத்தான் சொன்னாரா என்று சுயமாக யோசிக்க நம்மால் முடியாதா?

ஒண்ணுமே புரியலை என்று இந்த மோசடியை செய்த மம்தா பானெர்ஜி, ஊழலோடு ஊழல் சேர்கிற கதையாக ஓடிச்சென்று ஆதரவளித்தவர்களை விட்டு விடப்போகிறோமா? இவர்களை நம்பி ஆட்சிப் பொறுப்பைத் தந்துவிட முடியுமா?

நம்முடைய கண்களை, அறிவை மறைப்பது எது?