கொஞ்சம் பதில் சொல்லித்தான் ......பாருங்களேன்!

முந்தைய பதிவில் சேகர் குப்தா எப்படி முக்கியமான ஒரு கேள்வியை எடுத்துக்கொண்டு, விடையைத் தேட முடியாமல் தடுமாறிக்கொண்டிருந்தார் என்பதைக் கொஞ்சம் சொல்லியிருந்தேன். அத்துடன், டொனால்ட் ட்ரம்ப் மீதான தகுதிநீக்க விசாரணையின் மீதான வாக்கெடுப்பு அமெரிக்க செனேட் சபையில் நடந்து கொண்டிருப்பதன் நேரலை வீடியோவையும் பகிர்ந்து கொண்டிருந்தேன். கிட்டத்தட்ட எட்டுமணிநேர வீடியோ அது. யாரும் திறந்து பார்த்திருக்க மாட்டீர்களே! 😃😂

வீடியோ 17 நிமிடம் 

ஏற்கெனெவே தெரிந்ததுதான்! மூன்றில் இருபங்கு வாக்குகள் இல்லை என்பதால் மட்டுமே டொனால்ட் ட்ரம்ப் குற்றச்சாட்டுகளில் இருந்து விடுவிக்கப் பட்டிருக்கிறாரே தவிர, அவர் அந்தக் குற்றங்களைச் செய்யவே இல்லை, நிரபராதி என்பதால் அல்ல! 52 க்கு 48 என்ற வாக்குகளில் impeachment செய்யப்படுவதில் இருந்து டொனால்ட் ட்ரம்ப் விடுவிக்கப்பட்டிருக்கிறார்.

பில் க்ளின்டன், டொனால்ட் ட்ரம்ப் இருவருமே impeach செய்யப்பட்டவர்கள் தான்! இருவர் சுமக்கும் கறைகளே வேறுவேறுதான்! இந்தப்பதிவுக்கு வந்த பின்னூட்டங்கள் டொனால்ட் ட்ரம்ப் பற்றியே இருந்தது என்பதில் ஆச்சரியம் இல்லை.     

1. bandhuFebruary 6, 2020 at 2:05 AM

   ட்ரம்ப் வெளிப்படையாக மோசமானவர். அவ்வளவு தான். இவர் மோசம் என்பதால் மற்றவர் உத்தமர் என்பதல்ல. நான் இப்படித்தான் என்று அவர் இருப்பதால்தான் யாருமே அவரை எதிர்க்க முடியவில்லை. யாருக்குமே அவரை எப்படி எதிர்ப்பதென்று தெரியவில்லை. இன்றைய தேதியில், வரும் எலெக்ஷனில் அவர் வென்று வர மிக அதிக வாய்ப்பிருக்கிறது. டெமாக்ரட் எல்லோரும் கோமாளித்தனமாக உளறுகிறார்கள். ரிபப்லிக்கன் பார்ட்டியை பொறுத்தவரை, இவர் கண்டிப்பாக ஜெயிக்கக் கூடிய குதிரை. அதனால் கண்ணை மூடிக்கொண்டு இவர் பின்னால் இருக்கிறார்கள்.
   
   என்னை பொறுத்தவரை, ட்ரம்ப் பின் மிகப்பெரிய சாதனைகள் -- ப்ரெசிடெண்ட் என்பவரும் சாதாரண மனிதர் தான் என்று காட்டியதும் பொலிடிக்கலி கரெக்ட் என்ற hypocrisy -ஐ உடைத்ததும் தான்!

   ReplyDelete
   Replies

   
   ஜோதிஜிFebruary 6, 2020 at 8:21 AM
   ட்ரம்ப் பின் மிகப்பெரிய சாதனைகள் -- ப்ரெசிடெண்ட் என்பவரும் சாதாரண மனிதர் தான் என்று காட்டியதும் பொலிடிக்கலி கரெக்ட் என்ற hypocrisy -ஐ உடைத்ததும் தான்! super
   Delete
   
   கிருஷ்ண மூர்த்தி SFebruary 6, 2020 at 11:23 AM
   வாருங்கள் ஜோதி ஜி!
   
   அமெரிக்க ஜனநாயக நடைமுறைகள் கொஞ்சம் வித்தியாசமானவை. பிரச்சினைகளை அவர்கள் அணுகும் முறையே வேறு, முடிவு செய்யும் விதமும் வேறு! அங்கே அதிபரை தனிநபராகப் பார்ப்பதில்லை. Embodiment of Law என்று மட்டுமே பார்க்கிறார்கள். சட்டத்தின்படி நடக்கிற சட்டப்படியே எல்லாம் நடந்தாக வேண்டுமென்பதன் அடையாளமாகவே அமெரிக்க அதிபர் முழு அதிகாரம் பெற்றவராக இருக்கிறார். அதுவே கேள்விக்குள்ளாக்கும் போது என்ன செய்வது? தகுதிநீக்கம் எப்படிச் செய்யப் படுகிறது?
   
   இர்விங் வாலஸ் எழுதிய The Man நாவல் பற்றிய சிறு அறிமுகம் இந்தப்பக்கங்களிலேயே இருக்கிறது முடிந்தால் புத்தகத்தைப் படித்துப் பாருங்கள்! எழுபதுகளில் எழுதப்பட்ட இந்த நாவலில் நிறையவிஷயங்களைப் புரிந்துகொள்ள முடியும்.
   
   2016 அதிபர் தேர்தலில் இருபெரிய கட்சிகளுமே மிக மோசமான வேட்பாளர்களைத்தான் அதிபர் பதவிக்கு நிறுத்தினார்கள் என்பதில் இருப்பதில் எது ஆகக் குறைந்த மோசம் என்று பார்த்துத் தேர்ந்தெடுக்கிற வாய்ப்பு மட்டுமே அமெரிக்க வாக்காளர்களுக்கு இருந்தது. டெமாக்ரட் வேட்பாளர் ஹிலாரி க்ளின்டன் ஆகப்படுமோசமான நம்பகத்தன்மையற்றவர் என்பதாலேயே டொனால்ட் ட்ரம்ப் ஜெயிக்க முடிந்தது. தேர்ந்தெடுத்த தருணத்தில் ட்ரம்ப் மீதான நம்பிக்கை விகிதம் மிகக் குறைவாகவே இருந்தது.
   
   இருநாடுகளுமே ஜனநாயக முறைப்படி தேர்தல், வாக்குச்சீட்டு மூலமாகத் தேர்ந்தெடுக்கின்றன என்ற ஒருவிஷயத்தைமட்டும் வைத்து இந்தியச்சூழ்நிலையோடு ஒப்பிட்டுப்பார்க்க முடியாது.
   
   Delete
   
   கிருஷ்ண மூர்த்தி SFebruary 6, 2020 at 12:15 PM
   வாருங்கள் பந்து!
   
   அமெரிக்க மண்ணில் இருந்துகொண்டு நீங்கள் எழுதியிருப்பதை ஜோதிஜி எப்படிப் புரிந்து கொண்டு எதனால் super என்று சொன்னார் என்பது எனக்குப் புரியவில்லை. அதனால் அவர் சொன்னதற்கே பதில் சொன்ன மாதிரி இருந்தாலும், உங்களுடைய வாதத்துக்கும் அதிலேயே பதில் இருக்கிறதென்றே நினைக்கிறேன்.
   Delete
   Reply
2. 
   கிருஷ்ண மூர்த்தி SFebruary 6, 2020 at 12:19 PM

   இப்போது சேகர் குப்தா 17 நிமிட வீடியோவில் என்ன முடிவாகச் சொல்ல முடிந்தது என்பதைக் கவனியுங்கள்! இங்கே நரேந்திர மோடி என்கிற தனிநபர் மீது, (பிஜேபி என்ற கட்சி மீதல்ல) இந்தியவாக்காளர்கள் நம்பிக்கை வைத்திருப்பது 2024 தேர்தலிலும் தொடரும் என்பதான நிலைமை எதனால்?
   
   வெறும் வலதுசாரி தேசியவாதம் என்று வார்த்தைகளால் மட்டுமே விளக்கக் கூடிய விஷயமா இது?

   ReplyDelete

  

உங்களுக்கு என்ன தோன்றுகிறது? கொஞ்சம் பதில் சொல்லத்தான் முயற்சித்துப்பாருங்களேன்!

மீண்டும் சந்திப்போம் 

தொடர்புடைய பதிவுகள்:

தேசியவாதம் பேசும் வலதுசாரிகள் ஏன் ஜெயிக்கிறார்கள்?

தி மேன்....! இர்விங் வாலஸ்!

   

தேசியவாதம் பேசும் வலதுசாரிகள் ஏன் ஜெயிக்கிறார்கள்?

#NationFirst என்று முன்னெடுக்கிற வலதுசாரிகள் இங்கே இந்தியாவில் மட்டுமல்ல, உலகநாடுகள் பலவற்றிலும் தொடர்ந்து ஜெயித்து வருகிறார்கள். ஜெர்மனியில் ஏஞ்செலா மெர்க்கல் கை மிகவும் தாழ்ந்து போயிருக்கிறது. சர்வதேசியம் பேசித்திரிந்த இடதுசாரிகள் மிகவும் புதைந்து போனார்கள் என்பதையும் தாண்டி, தேசிய உணர்வு பலநாடுகளிலும் தலைதூக்கிவருகிறதே! என்ன காரணத்தால் என்பதை எப்போதாவது யோசித்துப் பார்த்திருக்கிறோமா?
 

  

The Print தளத்தின் சேகர் குப்தா இந்தக் கேள்விகளை எடுத்துக் கொண்டு மிகவும் செலெக்டிவாக விடையைத் தேட  முயற்சிக்கிறார். வீடியோ 17 நிமிடம். உண்மை என்னவென்று தேட சேகர் குப்தாக்களையும், அவர்கள் அரைகுறையாக சொல்வதையும் கேட்பது என்ற வழக்கத்தைப் பழகிக் கொண்டுவிட்டேன்.

அமெரிக்க செனேட் சபையில் டொனால்ட் ட்ரம்ப்பை தகுதிநீக்கம் செய்கிற விசாரணையின் இறுதிக்கட்டம்  கடந்த 2 மணிநேரமாக நடந்து கொண்டு இருக்கிறது. அதிகாலை 4.30 மணிவாக்கில் வாக்கெடுப்பு நடக்கும் என்று தெரிகிறது. ஆனால் என்ன மாதிரி யூடிவிருக்கும் என்பது ஏற்கெனெவே தெரிந்த விஷயமாக இருப்பதால், சுவாரசியம் எதுவும் இருக்கப் போவதில்லை. டொனால்ட் ட்ரம்ப் இதுவரை இருந்த அமெரிக்க அதிபர்களிலேயே மிகமிக  மோசமானவர் என்ற கறைபடிந்த புதிய வரலாறு படைக்கப் போகிறார். 

குடியரசுக் கட்சி வருகிற நவம்பரில் மீண்டும் டொனால்ட் ட்ரம்ப்பையே தனது அதிபர் வேட்பாளராக அறிவித்தால், சுத்தம்! விதி வலியது என்று அமெரிக்கா மட்டுமல்ல உலகமே அனுபவித்துத் தீர்க்க வேண்டியது தான் என்று எங்கேபோய் முட்டிக்கொள்வது?

மீண்டும் சந்திப்போம்.                

சின்னச் சின்னதாய் சில சங்கதிகள்!

அக்கம் பக்கம்! என்ன சேதி! தளத்துக்காக சீனா எழுபது! சிலகுறிப்புக்கள்! என்று எழுத ஆரம்பித்தபோது ரொம்பவும் விரிவாக எழுத வேண்டாமே என்று தயங்கிக் கொண்டேதான் எழுத ஆரம்பித்தேன். காரணம் வரலாறு என்றாலேயே நமக்கு அவ்வளவு கசக்குமே, யார் வந்து படிப்பார்கள் என்ற தயக்கம் தான்! ஆனால் அதுதொடர்பாக நிறையவிஷயங்களைத் தேடிப் படிக்க வேண்டிவந்ததும், வாசிக்கிற வழக்கம் பழைய நாட்கள் போலவே கொஞ்சம் கூடிக் கொண்டே வந்ததில் அந்தத் தயக்கம் நிறையவே உடைக்கப்பட்டது! வாசிப்பு அனுபவத்தின் சுகம் அப்படி என்று மீண்டும் உணர்ந்த தருணம்!

அதற்காக இந்தப்பாட்டில் வருகிற மாதிரி, அக்கம் பக்கம் யாருமில்லா பூலோகம் வேண்டும் என்றெல்லாம் சோலோவாகத் திரிகிற ஐடியா எல்லாம் எனக்கிருந்ததில்லை!

கிராமசபைக் கூட்டங்களை கமல் காசராவது நடத்தி வருகிறாரே, அதுவே நல்லவிஷயம்தானே என்கிறீர்களா? கமல் காசருக்கு, அவர் பேசுவதை ஜனங்கள் கேட்பது மட்டும்தான் பிடிக்கும்! அவரிடம் யாரும் கேள்விகள் கேட்டுவிடக் கூடாது  வாதம் செய்யக்கூடாது!  கிராம சபை கூட்டத்தில் ஏற்பட்ட சலசலப்பால் மக்கள் நீதி மய்ய தலைவர் கமல் பாதியில் வெளியேறினார்.காந்தி ஜெயந்தியை முன்னிட்டு ஊராட்சிகளில் நேற்று கிராம சபை கூட்டங்கள் நடந்தன. திருவள்ளூர் மாவட்டம் பழவேற்காடு லைட்அவுஸ் குப்பம் ஊராட்சியில் நடந்த கூட்டத்தில் கமல் பங்கேற்றார். கூட்டத்தில், துறைமுக விரிவாக்கப் பணியால் 50 ஆயிரம் மீனவர்களின் வாழ்வாதாரம் பாதிக்கப்படுவதாக சிலர் முறையிட்டனர். அப்போது அ.தி.மு.க., முன்னாள் ஒன்றிய கவுன்சிலர் சுமித்ரா குமார் பல்வேறு கருத்துக்களை கூறினார். இதில் கடும் வாக்குவாதம் ஏற்பட்டது. நீண்ட நேரமாகியும் சலசலப்பு ஓயாததால் கூட்டத்தில் இருந்து கமல் வெளியேறினார்.என்று விஷயத்தைப் போட்டுடைக்கிறது தினமலர்.  

  

ரேபரேலி சதர் தொகுதி காங்கிரஸ்  MLA மீண்டும் ஒரு பரபரப்புச் செய்தியாகி இருக்கிறார். கட்சி புறக்கணிக்கச் சொல்லியும் கூட உபி சட்டமன்றத் சிறப்புக் கூட்டத்தில் கலந்து கொண்டதுமல்லாமல் தொகுதியில் ப்ரியங்கா வாத்ரா நடத்திய பாதயாத்திரையில் கலந்து கொள்ளவில்லை என்பது பழைய செய்தி. இவருக்கு Y பிரிவு பாதுகாப்பை உபி அரசு வழங்கி உத்தரவு பிறப்பித்திருப்பது மீண்டும் ஒரு பரபரப்புச் செய்தியாக!  பரபரப்புச் செய்திகளுக்காக நாமெல்லாம் எவ்வளவு காய்ந்து போய்க் கிடக்கிறோம் என்று ஊடகங்கள் உருவாக்கும் பரபரப்பு தான் இது!

      

திமுகவிடம் கம்யூனிஸ்ட் கட்சிகள் வாங்கிய 25 கோடி ரூபாய் விவகாரத்தில் வலது கம்யூனிஸ்ட் கட்சி முத்தரசன் ஆமாய்யா காசு வாங்கினோம் அதுக்கு இப்ப இன்னாங்கிறே என்று தட்டி விட்டுப் போய்விட்டார். மார்க்சிஸ்ட் கம்யூனிஸ்ட் கட்சி மட்டும் அதற்கு சப்பைக்கட்டுக் கட்டப்படாத பாடுபட்டுக் கொண்டிருக்கிறது. மாரிதாஸ் வேறு இந்த 17 நிமிட வீடியோவில் கேள்விமேல் கேள்வி கேட்டுப் படுத்துகிறார்! CPIM பாவம்ல! விட்ருங்கய்யா!😃😄😅  

நியாயமான கவலைதான் தோழர்களே! 

சதீஷ் ஆசார்யா கார்டூனில் என்ன சொல்ல வருகிறார் என்பது அவர் ஒருவருக்காவது புரிந்திருந்தால் சரி என்பதற்கு மேல் வேறு கமென்ட் எழுத வேண்டுமா என்ன? !!

மீண்டும் சந்திப்போம்.         

ஆர்டிகிள் 370 abrogation : இன்றைய செய்திகள் சொல்வதென்ன?

இந்தப்பக்கங்களுக்கு வரும் நண்பர்களுக்கு முன்பே பலமுறை சொன்னமாதிரி, எந்த ஒரு அரசியல் செய்தியையும் இங்கே எடுத்துப் போடுவதற்கு முன்னால், அதை அரசை அல்லது பிஜேபியை ஆதரிக்காத தரப்பிலிருந்து என்ன சொல்கிறார்கள் என்பதைத் தான் சிந்திப்பதற்காக எடுத்துக் கொளகிறேன். என் கருத்தை உருவாக்கிக் கொள்வதற்கு, இரண்டுதரப்பையும் கவனித்து அதன் பிறகே முடிவு செய்கிறேன்.  

Another Pakistan's most loyal media channel after the wire and the quint. என்று இந்த வீடியோவைப்பற்றி ஒரேவரியில் முடித்துக் கொள்கிறார் ஆகாஷ் ஸ்ரீவத்சவா! நான் பார்த்தவரையிலும் பாகிஸ்தானுக்கு விசுவாசிகள் என்பதை விட , காசுக்குத்தான் விசுவாசம், காங்கிரசுக்கு அந்தநாட்களிலிருந்தே விசுவாசம் என்பது எனது கருத்தாக கிருந்தாலும், இந்த 9 நிமிட வீடியோ ஒரு முக்கியமான செய்தியை விவாதிக்கிறது. ஆர்டிகிள் 370 abrogate செய்யப்பட்டதை வைத்து காஷ்மீர் பிரச்சினையை சர்வதேசப்பிரச்சினையாக்க முயலும்  பாகிஸ்தான்  கோரிக்கையை  ஐநா பாதுகாப்புசபை  நிராகரித்துவிட்டாலும், P 5 நாடுகளில் ஒன்றான சீனா காஷ்மீர் விவகாரத்தைப் பாதுகாப்பு சபை விவாதத்துக்கு எடுத்துக் கொள்ள வேண்டும் என்றதை, பாதுகாப்புசபையின் நிரந்தர உறுப்பினர்களான இதர 4 நாடுகள் ஏற்றுக்கொள்ள சம்மதிக்காத நிலையில், நிரந்தர உறுப்பினர் நாடுகளின் ரகசியக்கூட்டத்தில் விவாதிக்கப்பட இருக்கிறது. ஐயையோ, இதைத்தானே உலக அரசியல் எல்லாம் தெரிந்த மேதை வைகோ அன்றைக்கே ராஜ்யசபாவில் எச்சரித்தார் என்று கொடியைத் தூக்கிக் கொண்டு வராதீர்கள்! P5 நாடுகளின் InCamera கூட்டத்தில் முடிவு செய்யப்பட இருப்பது, இதைப்  பொதுவெளியில் விவாதத்துக்கு எடுத்துக் கொள்ளலாமா வேண்டாமா என்பது மட்டும் தான்! அதுதொடர்பான செய்தியைத்தான் மேலே 9 நிமிட வீடியோவில் ஒரு கோடி காட்டுகிறார்கள், அவ்வளவுதான்!

இந்தியா அணு ஆயுதம் வைத்திருந்தாலும் அதை முதலில் உபயோகம் செய்யாது என்று முடிவெடுத்தது நாம் தான்! ஆனால் சூழ்நிலைகள்  மாறும்போது அதேதான் இப்போதும் எங்கள் நிலை என்றே இருக்க முடியுமா? இன்றைக்கு நமது பாதுகாப்புத் துறை அமைச்சர் ராஜ்நாத் சிங் பொக்ரானில் அதைத்தான் தெளிவாகச் சொல்லியிருக்கிறார். பாகிஸ்தானுக்கு மட்டும் விடுக்கப்பட்ட  எச்சரிக்கை தானா இது? பாகிஸ்தானைத் தனது கருவியாகப் பயன்படுத்திக் கொள்ளும் சீனாவுக்கும் சேர்த்துத்  தான் என்று எடுத்துக் கொள்ள முடியாதா? இது 2019! 1962 அல்லது 1965 இல்லை என்று சொல்கிற மாதிரித்தான் எடுத்துக் கொள்ள முடியும். வாஜ்பாய் மறைந்து ஓராண்டாகிற இன்றைக்கு, அணு ஆயுதத்தை இந்தியா முதலில் பயன்படுத்தாது என்று சுயகட்டுப்பாடு விதித்துக் கொண்ட அவரது பெருந்தன்மை இப்போதும் பொருந்துமா என்று கொஞ்சம் யோசித்துப் பாருங்கள்!

      

   

பொதுவாக குடியரசுத்தலைவராக இருப்பவர், இருந்தவர் எவரையும் பொதுவெளியில் சர்ச்சைக்குள்ளாகிற விதத்தில் பேசக்கூடாது எழுதக்கூடாது என்பது           நான் கடைப்பிடிக்கும் ஒரு மரபு. அதனால் பிரணாப் முகர்ஜி குடியரசுத்தலைவராகப் போட்டியிட்ட தருணத்தில் எழுதிய இந்தப் பதிவை ஒருதரம் வாசித்துவிடுங்கள்! சோனியா அந்த நாளிலிருந்து இன்றுவரை அவரை ஏன்நம்பியதே இல்லை என்பதற்கு இந்திராவைப்போலவே மருமகளுக்கும் இருந்த insecurities ஒரு காரணமாக இருக்கலாம்!  இந்திராவுக்கு மிக விசுவாசமாக இருந்த ஒருவருக்கும் சோனியா மற்றும் வாரிசுகளுக்கும் இடையிலான உறவு அந்த அவநம்பிக்கையினால் முற்றிலும் அறுந்துவிட்டது என்கிறது dailyO தளச் செய்தி.   The rumouredly cracked relationship between Pranab Mukherjee and the Gandhis, that was concealed under the paint of niceties, finally came to an end this week, in the dazzling hall of Rashtrapati Bhawan, when Pranab babu received the Bharat Ratna for his contribution to India, courtesy the Modi sarkar.

A relationship that was always apparently plagued with insecurities saw a trust deficit grow when Narendra Modi took over as the Prime Minister of India in May 2014.  கொஞ்சம் இணைப்பில் படித்துப் பார்க்க வேண்டிய செய்தியாக.

மீண்டும் சந்திப்போம்.
  

இன்றைய செய்தி விசேஷம்! அபிநந்தன்! மின்டி அகர்வால்!

சுதந்திரதினக் கொண்டாட்டங்களை ஒட்டி வீரச் செயல் புரிந்ததற்காக 132 பெயர்கள் விருதுகளுக்காகப் பரிந்துரை செய்யப் பட்டு ஜனாதிபதி மாளிகை அறிவித்திருப்பதில், நமக்கு மிகவும் பரிச்சயமான பெயர் விங் கமாண்டர் அபி நந்தன்! தமிழகத்தைச் சேர்ந்த அபிநந்தனுக்கு வீர் சக்ரா விருது அறிவிக்கப்பட்டிருக்கிறது. கார்டூனிஸ்ட் சதீஷ் ஆசார்யா ஒரு அற்புதமான கார்டூனில் விங் கமாண்டர் அபிநந்தனை வாழ்த்தியிருக்கிறார். நம்முடைய பங்குக்கு நாமும் அவரை வாழ்த்துவோம்!

அபிநந்தனோடு சேர்ந்து கவனிக்கப்படவேண்டிய இன்னொரு சாதனையாளர்,

ஸ்க்வாட்ரன் லீடர் மின்டி அகர்வால்! Flight Controller ஆகப் பணி புரியும் இந்த வீராங்கனை, அபிநந்தன் உள்ளிட்ட நம்முடைய விமானிகளை வழிநடத்திய அந்த உன்னதமான தருணத்துக்காக யுத்த சேவா மெடலைப் பெற்றிருக்கிறார். அபிநந்தன் பாகிஸ்தானில் சிறைப்பட்டு மூன்றே நாட்களில் விடுவிக்கப்பட்டு நாடுதிரும்பிய பரபரப்பான சமயத்தில் இவரைப்பற்றிய செய்திகள் வந்தாலும் எல்லோருடைய கவனமும் அபிநந்தன் மீது மட்டுமே இருந்ததால் அப்போது பெரிதாகக் கவனிக்கப்படவில்லை.

நாம் கவனிக்கவில்லை என்றாலும் மத்திய அரசு அவரது சேவையைக் கவனித்ததோடு விருதும் வழங்கி கௌரவப் படுத்தியிருக்கிறது. The IAF received a total of 13 awards including five Yudh Seva Medals and seven Vayu Sena Medal. At least five IAF pilots who were part of the mission to strike a Jaish-e-Mohammad camp inside Pakistan, and Minty Agarwal, a lady officer who played a key role as flight controller during the Pakistani retaliation, were also among the military awardees.

The Vayu Sena medal award winners are Group Captain Saumitra Tamaskar, Wing Commander Pranav Raj, Wing Commander Amit Ranjan, Sq Ldr Rahul Basoya, Sq Ldr Pankaj Arvind Bhujade , Sq Ldr B Karthik Narayan Reddy, Sq Ldr Shashank Singh. Besides Minty Agarwal, the Yudh Sena medal winners are Air Commodore Sunil Kashinath Vidhate, Group Captain Yeshpal Singh Negi, Goup Captain Hemant Kumar, Group Captain Hansel Joseph Seqeira.என்கிறது செய்திக்குறிப்பு. 13 விருதுகள் என்று செய்தி சொல்கிறதே , இங்கே 12 பெயர்கள் மட்டும் தானே இருக்கிறது என்று குழம்பமாட்டீர்கள் என நம்புகிறேன். முதல் பெயராக அபிநந்தன் என்று சேர்த்துப் பார்த்தால் கணக்கு சரியாகவரும்!

வீரர்களில் விருது பெற்றவர்கள் மட்டும்  தான் கவனிக்கப்பட வேண்டியவர்கள் என்றில்லை! ஒரு குழு உணர்வு Team Spirit உடன் செயல்படுகிறவர்கள் நம்முடைய முப்படையினர். இதைப் புரிந்துகொண்டால் நம்முடைய வீரர்கள் ஒவ்வொருவரையும் இந்த சுதந்திரத்திருநாளில் அரசு கௌரவத்திருக்கிறது என்றே எடுத்துக்கொள்ளவேண்டும்.

நம்முடைய வீரர்களுக்கு வணக்கங்களும் வாழ்த்துக்களும்!     

    
மீண்டும் சந்திப்போம்  ஜெய் ஹிந்த்.