நிர்மலா சீதாராமன்! தமிழக முதல்வரானால் எப்படி இருக்கும்? !!

சில விவாதங்களின் காணொளிகள் திரும்பத்திரும்பப் பார்க்கிறமாதிரி இருக்கும். சிக்க மாட்டாரா என்ற எதிர் பார்ப்பிலேயே கேள்விகளாய்க் கேட்டாலும் கொஞ்சம் கூடத் தயங்காமல் தெளிவான பதில்களைச் சொல்லும் திருமதி நிர்மலா சீதாராமன்!இந்தியா டுடே South Conclave விவாதங்களில் ராகுல் கன்வலுடன் நடத்திய இந்த 46 நிமிட விவாதத்தில் தமிழக அரசியல் களத்தில், திமுக, காங்கிரஸ் கட்சிகளுடைய முகத்திரையைக் கிழித்து எறிந்திருக்கிறார்.

சொல்வதற்கும் செய்வதற்கும் கொஞ்சம் கூடப் பொருத்தமே இல்லாதவை திமுக, காங்கிரஸ்  கட்சிகள் என்பதை சுற்றிவளைக்காமல், வார்த்தைகளை விரையம் செய்யாமல் சொல்லியிருப்பது சிறப்பு. இந்த விவாதம் தெற்கே பிஜேபி காலூன்றுமா என்ற தலைப்பில் இருந்தாலும், அதையும் தாண்டி முதலில் பாதுகாப்பு அமைச்சராக இருந்து இப்போது நிதியமைச்சராகவும் இருப்பதால், இரண்டுதுறைகளைக் குறித்தும் கேள்விகள் கேட்கப்பட்டபோது அத்தனைக்கும் பொறுமையாகவும் புரிகிற மாதிரியும் பதில் சொன்னவிதம் அருமை! பேட்டியின் முடிவில் தமிழிலும் கேட்கச்சொல்லி பதிலும் சொன்னது மனதின் அடி ஆழத்திலிருந்து வந்ததாகவே கருதுகிறேன்.

இந்தியா டுடே நிகழ்ச்சிக்கு முன்னாடியே முகநூலில் நண்பர் இப்படிச் சொல்லியிருந்ததும் நினைவுக்கு வந்தது. வீடியோவைக் கொஞ்சம் பொறுமையாகப் பார்த்து விட்டு பாலாஜி சார் சொல்வது ஏற்புடையது தானா என்று கொஞ்சம் சொல்லுங்களேன்!

மீண்டும் சந்திப்போம்.