கொஞ்சம் தெரிந்து கொள்வோமே! மத்தியகிழக்கும் எண்ணெய் அரசியலும்!

திராவிடங்களுடைய அழுத்தத்தில் மதன் ரவிச்சந்திரன் வெளியேற்றப்பட்ட பிறகு காவேரி நியூஸ்  சேனல் எப்படி இருக்கிறது? யூட்யூப் சேனலில் இயங்குவது தெரியும், உங்கள் வீடுகளில் டிவியில் பார்க்க முடிகிறதா? ஆசிரியராக கார்த்திக் மாயக்குமார் உள்ளூர் திராவிடங்களோடு மோதல் வராதபடி என்ன என்னமோ செய்து சேனலை இன்னும் உயிரோடு வைத்திருக்கப் படாத பாடுபடுகிறார். ஒரு சாம்பிளுக்கு ஒரு 27 நிமிட வீடியோ என்று அங்கே நேற்றைக்கு எழுதிய பதிவுக்கு எந்தவொரு எதிர்வினையும் வராததில் எனக்கு எந்த ஆச்சரியமும் இல்லை!

இந்த 10நிமிட வீடியோ  NewsX சேனலில் அக்டோபர் 29 அன்றே ஒளிபரப்பான ரிஷப் குலாடியின் அலசல், காவேரி நியூஸ் சேனலில் கார்த்திக் மாயக்குமார் உளறிக் கொட்டிய மாதிரி பெட்ரோலியத்துறையே என்னமோ அம்பானிகளுக்கு தாரை வார்க்கப் பட  இருக்கிறமாதிரியான தனியார்மயப் பூச்சாண்டி அல்ல. அல்லது சவூதிகள் இந்தியாவையே வாரி விழுங்கி விடப்போகிற மாதிரியானதும் அல்ல.

சவூதி அரேபியாவைப் பற்றி, அதன் வஹாபி அரசியல் பற்றி எந்த அளவுக்குத் தெரிந்து வை த்திருக்கிறோம்?
அங்கே உள்நாட்டு அரசியலில் என்னென்ன மாறுதல்கள் நடந்து கொண்டிருக்கின்றன? இந்த முகநூல் பகிர்வு கொஞ்சம் உதவியாக இருக்கலாம்!  

Narenthiran PS

1 நவம்பர், முற்பகல் 1:51 · 

சமிபத்தில் கையெழுத்தான, நூறு பில்லியன் டாலர் மதிப்பிலான சவூதி அரேபிய–இந்திய முதலீட்டு ஒப்பந்தங்களை மூன்று காரணங்களுக்காக மிக முக்கியமானவையாக நான் நினைக்கிறேன்.

முதலாவது காரணம், இந்த முதலீடுகள் வளர்ந்துவரும் இந்தியப் பொருளாதாரத்திற்கு மிக உதவியாக இருக்கும். இது அனைவரும் அறிந்ததுதான்.

இரண்டாவது, பாகிஸ்தானிகளையும் அவர்களுக்குப் பணம் கொடுக்கும் சவூதி அரேபிய வஹாபியர்களையும் கட்டுக்குள் வைக்க உதவி செய்யும். உலகமெங்கும் பரவி அச்சுறுத்திக் கொண்டிருக்கும் வஹாபிய பயங்கரவாதத்திற்கும் காரணமானவர்கள் இந்த இரு தரப்பினரும்தான்.

மூன்றாவது முக்கிய காரணம் ஏழாம் நூற்றாண்டுப் பிற்போக்குச் சிந்தனையுடனிருக்கும் சவூதி அரேபியாவை நவீனப் படுத்தும் எண்ணமுடைய, அதற்கான நடவடிக்கைகளை பலத்த எதிர்ப்புகளுக்கு இடையேயும் எடுக்க முயன்று கொண்டிருப்பவரான, MBS என்று அறியப்படுகிற இளவரசர் மொஹம்மத்-பின் சல்மானின் கரங்களை இந்திய உறவு பலப்படுத்தும் என்பதில் சந்தேகமில்லை.

சவூதி அரேபியா ஏழாம் நூற்றாண்டைச் சேர்ந்த, பிற்போக்குச் சிந்தனையுடைய இஸ்லாமிய ஷரியாச் சட்டங்களை கண்மூடித்தனமாகப் பின்பற்றும் ஒரு நாடு. சவூதி அரெபியப் பெண்கள் எந்தவிதமான சுதந்திரமுமின்றி அடிமை வாழ்க்கை வாழ்கிறார்கள் என்பதினை உலகறியும். கடுமையான குரானிய தண்டனைகள் மூலம் அடக்கி ஆளப்படும் குடிமக்களைக் கொண்டதொரு நாடு. குறிப்பாக ஷியா முஸ்லிம்களின் நரகம் என சவூதி அரேபியாவைச் சொல்லலாம். சவூதியின் அதிகாரம் முழுவதும், வஹாபிய அடிப்படைவாதிகளிடமும் முத்தவாக்கள் என்றறியப்படும் இஸ்லாமிய மதகுருக்களிடமும் இருக்கிறது. அவர்களை எதிர்த்து எவராலும் சவூதியில் ஆட்சி செய்வது என்பது கனவில் கூட நினைத்துப் பார்க்க இயலாத ஒன்று.

இன்னொருபுறம் அங்கிங்கெனாதபடி நிறைந்திருக்குன் சவூதி இளவரசர்கள். சவூதி அரசகுடும்பம் எந்த பழங்குடிக் குடும்பத்துடன் மண உறவு கொண்டாலும் அந்த பழங்குடியில் இருக்கிறவர்கள் அத்தனைபேர்களும் இளவரசர்களாக அறியப்படுவார்கள். அவர்களால் ஆட்சிக்கு வர இயலாது எனினும், அவர்களுக்கு சாதாரண சவூதி குடிமகனைவிடவும் அதிக அதிகாரமும், பணமும் கிடைக்கும். இப்படியாகப் பட்ட சவூதி இளவரசர்கள் ஏறக்குறைய முப்பதினாயிரம்பேர்களுக்கு மேலே சவூதி அரேபியாவில் இருக்கிறார்கள். அவர்கள் நலனுக்காக பில்லியன் கணக்கிலான அமெரிக்க டாலர்கள் ஒவ்வொரு வருடமும் செலவாகிறது.

மேற்படி “இளவரசர்கள்” வேலை எதுவும் செய்வதில்லை. ஆனால் ராஜபோக வாழ்க்கை வாழ்கிறார்கள். புதிதாக ஆட்சிக்கு வருகிற அரசருக்கு ஆதரவாக இருப்பதற்காக அவர்களுக்க்குப் பணம் வாறி இறைக்கப்படுகிறது என்றாலும் எதிர்ப்புகள் இல்லாமலில்லை. அவ்வப்போது சவூதி இளவரசர்கள் சண்டையிட்டுக் கொள்ளும் செய்தி காதோடு காதாக உங்களை வந்து எட்டும். அவர்களை அடக்கி வைப்பது ஒவ்வொரு சவூதி அரசருக்கும் பெரும்பாடுதான். இல்லாவிட்டால் ஒருவனை ஒருவன் கொன்று கொள்வான். இது ஒரு மிகப்பெரிய பிரச்சினை என்பதில் சந்தேகமில்லை.

இரண்டாவது மிகப் பெரிய பிரச்சினை வஹாபிய பிற்போக்கு மத அடிப்படைவாதிகளும், முத்தவாக்களும்தான். அவர்கள் நினைத்தால் சவூதி அரேபியாவை ரத்தக்களறியாக்க முடியும் என்பதால் ஒவ்வொரு சவூதி அரசரும் அவர்களுக்கு எதிராக நடவடிக்கை எடுப்பதற்கு அஞ்சுவார்கள். எனவே முடிந்தவரை அவர்களின் அடாவடித்தனங்களில் தலையிடாமல் விலகியிருக்கவே விரும்புவார்கள். இஸ்லாமிய அடிப்படைவாதிகளின் பேச்சைக் கேட்காமல் சவூதி அரேபியாவை நவீனப்படுத்த முயன்ற சவூதி அரசர்கள் நித்திய கண்டம் பூரண ஆயுசாகத்தான் வாழ இயலும்.

1970களில் சவூதி அரேபியாவை ஆண்ட ஃபைசல் (ஃபைசல்-பின் முசாயித்) சவூதி அரசர்களிலேயே மெத்தப் படித்தவர். அறிவும், திறமையும் கொண்ட ஃபைசல் சவூதி அரேபியாவை ஒரு சுதந்திர நாடாக, ஆணும் பெண்ணும் சம உரிமை கொண்ட ஒரு நாடாக, கல்வி அறிவு உள்ள ஒரு நாடாக ஆக்குவதற்கு முயற்சி எடுத்தவர். அதில் ஏறக்குறைய வெற்றி அடைகிற நேரத்தில் அமெரிக்கர்களைப் பகைத்துக் கொண்டார்.

சவூதி அரேபியாவில் முதல் முதலில் பெட்ரோலைக் கண்டுபிடித்தவர்கள் அமெரிக்கர்கள். அதைக் கண்டுபிடித்த நாளிலிருந்து மொத்த பெட்ரோலிய உற்பத்தியும் அவர்களின் கையில்தான் இருந்தது. Aramco என்கிற அந்த அமெரிக்க நிறுவனத்தில் சவூதிகளுக்கு உரிமை எதுவுமில்லை. அமெரிக்கர்கள் கொடுக்கிற பணத்தை வாய்மூடி வாங்கிக் கொள்ள வேண்டிய நிலைமை. ஃபைசல் இதனை மாற்றுவதற்கு முயற்சி செய்து Aramcoவை நாட்டுடமை ஆக்கினார். இது நடந்த கொஞ்ச நாட்களுக்குள் சவூதி இளவரசன் ஒருவன் ஃபைசலின் தலையில் துப்பாக்கியால் சுட்டு அவரது மூளையைச் சிதறடித்துவிட்டான். அதன் பின்னனியில் அமெரிக்கா இருந்ததா இல்லையா என்பது எனக்குத் தெரியாது எனச் சொல்லிக் கொள்கிறேன்.

இப்படியாக சவூதி நவீனமயமாக்கல் முற்றிலுமாக ஒழித்துக் கட்டப்பட்டது. ஃபைசலுக்குப் பின் வந்த சவூதி அரசர்கள் நாட்டின் தினப்படி நிர்வாகத்தை சவூதி மதகுருக்களிடம் விட்டுவிட்டார்கள். மறந்தும் கூட அவர்களின் விஷயத்தில் சவூதி அரசர்கள் தலையிடவில்லை.

ஆனால் இளைஞரான சவூதி பட்டத்து இளவரசர் மொஹம்மத்-பின் சல்மான் இன்றைக்கு அதனைக் கையில் எடுத்திருக்கிறார். பெண்களுக்கு எந்த அதிகாரமும் இல்லாமல் வீட்டோடு அடைத்து வைக்ப்பட்டு வாழ்ந்த சவூதி அரேபியாவில் முத்தவாக்களின் பலத்த எதிர்ப்புகளையும் மீறி அவர்கள் தனியாக காரோட்டலாம் என்கிற நிலமை அவரால்தான் இன்றைக்கு உருவாகியிருக்கிறது. அதனையும் தாண்டி மேலும் பல மாற்றங்களைக் கொண்டுவர நினைக்கும் அவருக்கு வஹாபிய அடிப்படைவாதிகளிடமிருந்து அச்சுறுத்தல் பலமாக உருவாகியிருக்கிறது.

கடந்த நாற்பது வருடங்களுக்கும் மேலாக சவூதி அரேபியாவின் பாதுகாப்பு பாகிஸ்தானிகளின் கையில் ஒப்படைக்கப்பட்டிருக்கிறது. ஏறத்தாழ எழுபதினாயிரத்திற்கும் மேற்பட்ட பாகிஸ்தானிய ராணுவத்தினர் இன்றைக்கு சவூதி அரேபியாவில் இருக்கிறார்கள். சவூதி அரசர்களையும் அவர்களது உறவினர்களையும் பாதுகாக்கும் பொறுப்பிலும் பாகிஸ்தானிய ராணுவமே இருக்கிறது. ஏமனில் நடக்கும் போரை நடத்துபவர்களும் பாகிஸ்தானிகள்தான். இதற்கென சவூதி அரேபியா பாகிஸ்தானுக்கு பல பில்லியன் டாலர்களை வருடாவருடம் கொடுத்து வருகிறது. அதனுடன் ஒவ்வோரு வருடமும் ஏறக்குறைய இரண்டு பில்லியன் டாலர் மதிப்பிலான பெட்ரோலை பாகிஸ்தானுக்கு இலவசமாகக் கொடுக்கிறது சவூதி அரேபியா.

பாகிஸ்தான் கேட்கும் போதெல்லாம் சவூதி அரேபியா பணம் கொடுப்பதற்கான காரணமும் இதுதான். இன்னொருபுறம் வஹாபிக்கள் பாகிஸ்தானுக்கு பணத்தை அள்ளிக் கொடுக்கிறார்கள். பாகிஸ்தானிய இஸ்லாமிய தீவிரவாதத்திற்கு அடிப்படையே சவூதி அரேபிய வஹாபி மூடர்கள்தான். சீர்திருத்தவாதியான மொஹம்மத்-பின் -சல்மான் இதையெல்லாம் ஒழிக்க வேண்டும் என நினைப்பது பாகிஸ்தானிகளுக்கு, குறிப்பாக பாகிஸ்தானிய ராணுவத்தினருக்குப் பிடிக்கவேயில்லை. எனவே இளவரசர் சல்மான் எப்படியாவது அங்கிருந்து ஒழிக்கப்பட வேண்டும் என்கிற எண்ணத்துடன் பாகிஸ்தானிகள் இருக்கிறார்கள் என்பதில் சந்தேகமில்லை.

மொஹம்மத்-பின் சல்மான் இரண்டு பெரும் தவறுகளை இதுவரை செய்திருக்கிறார். முதலாவது ஏமனின் மீது போர் தொடுத்தது. இரண்டாவது பத்திரிகையாளரும் சக சவூதியுமான பத்திரிகையாளர் கஸோகியை துருக்கியில் வைத்துக் கொன்றது. இரண்டுமே சல்மானுக்கு மிகுந்த கெட்ட பெயரை வாங்கித் தந்திருக்கின்றன. ஏமனில் பல்லாயிரக்கணக்கானவர்கள் இறந்திருக்கிறார்கள். இன்னும் இறந்து கொண்டிருக்கிறார்கள். ஆட்சி அனுபவமற்ற இளைஞரான சல்மானின் இந்தப் போர் தேவையற்றது என்பதுபோலவே கஸோகியின் கொலையும் தேவையற்றதுதான்.

அதிலும் கஸோகியின் கொலை ரத்தத்தை உறைய வைப்பது. துருக்கியிலிருந்த சவூதி தூதரகத்துக்கு அவரை வரவழைத்து அவரை உயிருடன் துண்டு, துண்டாக வெட்டிக் கொன்றார்கள். கொல்லப் படுகையில் கஸோகி செல்ஃபோனை ஆன் செய்து வைத்திருந்ததால் இந்தக் குலை நடுங்கும் படுகொலை வெளியுலகிற்குத் தெரியவந்தது.

அதேசமயம் கஸோகி ஒரு வஹாபிய அடிப்படைவாதம் கொண்ட பிற்போக்குத்தனமான ஆசாமி என்பதினையும் நாம் நினைவில் கொள்ளவேண்டும். இந்த இரண்டு காரணங்களும் மொஹம்மத் பின் சல்மானுக்கு எதிரானவை என்றாலும் ஒரு சீர்திருத்தவாதி என்கிற முறையில் அவரை நாம், குறிப்பாக இந்தியர்கள், ஆதரித்தே ஆகவேண்டும். அவரது கரத்தை வலுப்படுத்த இந்த முதலீடுகள் உதவக்கூடும்.

சவூதி அரேபியாவிலிருந்து பாகிஸ்தானிய ராணுவத்தை வெளியேற்றுவது அத்தனை எளிதான விஷயமல்ல. அப்படியே வெளியேறினாலும் அவர்களுக்கு ஒரு “காஃபிர்” ராணுவம், அதாகப்பட்டது இந்திய ராணுவம், பாதுகாப்பளிக்க அங்குள்ள முத்தவாக்கள் ஒப்புக் கொள்ளமாட்டார்கள். எனவே இந்தியா இதற்கானதொரு தீர்வைக் கண்டடைந்து மொஹம்மத்-பின் சல்மானுக்கு பாதுகாப்பளிக்க முயலவேண்டும். அது அத்தனை எளிதான ஒன்றல்ல என்றாலும் கூட மாற்றுப்பாதைகளைக் கண்டடைவது அவசியம்.

இப்போதைக்கு இத்துடன் நிறுத்திக் கொள்கிறேன்.

நூற்றுக்கு நூறு இந்தப்பகிர்வுடன் ஒத்துப்போகிறேன் என்றல்ல, 3

60 டிகிரியிலிருந்தும் செய்திகளைத் தேடிப் படித்து விஷயத்தைப் புரிந்துகொள்ள ஒரு முயற்சி!  

எல்லாவற்றையும் விட நரேந்திர மோடி பிரதமரான பிறகு மத்தியகிழக்கு நாடுகள் மீதான பார்வை, வெளியுறவுக் கொள்கையில் ஏற்பட்டிருக்கும் அணுகுமுறை மாற்றம் இவைதான்  கவனிக்கப் படவேண்டிய விஷயம் என்கிறது எகனாமிக் டைம்ஸ்.

But the visit turned out to be about much more. There is a substantive shift happening in India’s approach to the Middle East policy and this visit further reinforced those trends. Since coming to office in 2014, Modi has pushed an aggressive strategy of partnering with key regional powers like Saudi Arabia, the United Arab Emirates and Israel in a bid to attract investments and forge deeper security partnerships. In doing so, he has largely ignored Iran and broken with India’s Cold War-era legacy in the region of merely “balancing” between key actors.Despite the complexity of governing a country the size of India and navigating its dizzying domestic politics, Modi has managed to visit eight Middle Eastern countries and territories since 2014, more than his four predecessors combined. As so often is the case in the Middle East, the big driver is oil. முழுச் செய்தியும் இங்கே.  

கொஞ்சம் தெரிந்து கொள்வோமே! மீண்டும் சந்திப்போம்.