நம்மூர் மீடியாக்களின் உண்மை முகம் என்ன?

இங்கே மெயின்ஸ்ட்ரீம் மீடியாக்கள்,செய்திகளை வெளியிடுவதன் யோக்கியதை என்ன? உள்நோக்கம் என்ன? ரங்கராஜ் பாண்டே சொல்கிற மாதிரி, பொய்ச் செய்திகளை எப்படி செய்திகளின் வேரைத்தேடிப் பார்த்து ஒதுக்குவது?

கும்பகோணம் அருகே திருபுவனத்தில் பாமக நிர்வாகி ராமலிங்கம் கொலையாகி ஒருவாரமாகிவிட்டது. எட்டு நபர்கள் இந்தக் கொலை விவகாரத்தில் இதுவரை, கைது செய்யப்பட்டிருக்கிறார்கள். நீதிமன்றத்தில் எப்படி நிரூபிக்கிறார்கள் அல்லது சொதப்புகிறார்கள் என்பதைப் பொறுத்திருந்துதான் பார்க்கவேண்டும். முன் கூட்டிய முடிவுகளோடு நான் எந்தச் செய்தியையும் அணுகுவதில்லை! அதேநேரம், இதற்கு முன்னால் என்ன நடந்தது என்பதையும் சேர்த்தே செய்தி எப்படிப்பட்டது என்று பார்க்கவேண்டாமா?  

IPC section 120Bயின் கீழ்  கூட்டுச்சதி என்றும் வழக்குப் பதிந்திருப்பதாக பாண்டே சொல்கிறார். இந்தக் குற்றச்சாட்டை ஸ்பெக்ட்ரம் வழக்கில் எப்படி நிரூபித்தார்கள், நீதிமன்றம் எப்படி எடுத்துக்கொண்டது  என்பதை நினைவுபடுத்திக்கொள்ள வேண்டியிருக்கிறது. 

.

மருத்துவர் ராமதாஸ் இரண்டு பக்கமும் கூட்டணி ஆப்ஷன்களை வைத்துக்கொண்டு கண்ணாம்மூச்சி ரே ரே ஆடிக் கொண்டிருக்கிறார்! பலமான கூட்டணி, கருத்துக்கணிப்புகளில் ஏறுமுகம் என்று தம்பட்டம் அடித்துக்  கொள்கிற தி மு கழகம் இன்னமும் யாரோடு கூட்டணி என்று இறுதிமுடிவெடுக்கவில்லை. துரை முருகன் வேறு, கடைசிநிமிடத்தில் கூட புதிய கட்சிகள் கூட்டணிக்குள் வரலாமென்று பொடிவைத்துப் பேசிக் கொண்டிருக்கிறார்! உண்மையென்ன? சும்மா ஒரு விளம்பரம் என்பதற்குமேல் வேறு ஏதாவது இருக்குமா?

அட! தம்பிதுரை இன்னும்கூட வீராவேசமாகப் பேசிக் கொண்டிருக்கிறாரே என்று ஆச்சரியமா? எனக்கும்தான்! வாந்தியெடுத்ததை மறுபடி வாய்க்குள் எப்போது விழுங்குவார் என்ற கேள்விமட்டும்தான்! அவர் பேசுவதை யாராவது சீரியசாக இங்கே எடுத்துக் கொள்கிறார்களா என்ன? !!