செய்திகளில் கொஞ்சம் உலா! கொஞ்சம் விமரிசனம்!

இன்றைக்கு எங்குபார்த்தாலும் அத்திவரதர் பற்றிய செய்திகள் வீடியோ போட்டோக்கள் என்றிருப்பதில் நாம் மட்டும் பின்தங்கி விட முடியுமா? ஆனால் சேனலுக்கு சேனல் அத்திவரதர் தரிசனம் கிடந்த கோலத்தில் இத்தனைநாள் நின்ற கோலத்தில் இத்தனை நாள் என்பதில் மாற்றிமாற்றிக்  குழப்புகிறார்கள். இந்த இரண்டுநிமிட வீடியோவில் திருமுக தரிசனம் நன்றாகக் கிடைத்தது. திருவடிகளை பலமுறை உன்னிப்பாகக் கவனித்தபிறகே தரிசித்தேன்!   

இன்றைக்குப் பார்த்த மிக நல்ல வீடியோ இது.

மன்மோகன் சிங்குக்கு தமிழ்நாடு ராஜ்யசபா சீட்டா? காங்கிரசுக்கு திமுக மூக்கறுப்பு என்று ரிபப்ளிக் டிவி சொல்வதை நம்பமுடிகிறதோ இல்லையோ, எப்படியாவது ராஜ்யசபாவுக்குள் நுழைந்துவிட வேண்டும் என்ற  மன்மோகன் சிங் தவிப்பில் மண் விழுந்தது மட்டும் உண்மை. கடந்த முப்பதாண்டுகளில் இல்லாத அதிசயமாக முன்னாள் பிரதமர்கள் எவரும் மக்களவையிலோ ராஜ்யசபாவிலோ இல்லை!

ராகுல் காண்டி ராஜினாமா நாடகம் பல காமெடிகளை உள்ளடக்கிய மெகாசீரியலாகக் கூட ஆகலாம் போல! இங்கே காங்கிரஸ் தொண்டர்கள் சிலர் ராஜினாமா முடிவை வாபஸ் வாங்கவேண்டுமென்று உண்ணாவிரதம் இருக்கிறார்களாம்! காங்கிரஸ் முதல் அமைச்சர்களோடு இன்றைக்கு ராகுல் காண்டி ஆலோசனை என்கிறது செய்தி!. சின்ன மீன்களாக ஒரு 200 பேர் தோல்விக்குப் பொறுப்பேற்று ராஜினாமா செய்து விட்டார்களாம்!  இரன்டுநாட்களுக்கு முன்னால் ட்வீட்டரில் ராஜ்தீப்  சர்தேசாய் சொன்னதுதான் சூப்பர் பன்ச்!

ஜீவி சார்! ராஜ்தீப் சரியாத்தான் சொல்றாரோ? 

         

முசாபர்பூர் வட்டாரத்தில் AES Acute Encephalitic Syndrome என்கிற மூளைக்காய்ச்சல் நோய் தாக்கியதில் 24 ஜூன் நிலவரப்படி 152 குழந்தைகள் இறந்திருக்கிறார்கள். செயல்படாமல் சோம்பிக் கிடந்துவிட்டு  சட்டசபையில் தன்னுடைய அரசின் மீது எந்தத்தவறும் இல்லையென வாதாடிக் கொண்டிருக்கிறார் பிஹார் முதல்வர் நிதிஷ் குமார்! எதிர்க் காட்சிகள் எல்லாம் ஒன்று சேர்ந்து முதல்வர் பதவியிலிருந்து வெளியேறுங்கள் என்கிறார்களாம். 

சந்திரபாபு நாயுடு ஜனங்கள் ஆதரவை இழந்த மாதிரியே, நிதிஷ் குமாரும் அடுத்த விக்கெட்டாக விழுவார் என்றுதான் தோன்றுகிறது.

மீண்டும் சந்திப்போம்.