எல்லை மீறும் கரு "நாடக" காங்கிரஸ் குழப்பங்கள்!

கர்நாடக சட்டப்பேரவையில் இன்று காலை முதல்வர் குமாரசாமி பேசுகையில் நம்பிக்கை வாக்கெடுப்பை இன்றே நடத்தவேண்டும் என்று வற்புறுத்தக்கூடாதென்று பேசியதும்,  தொடர்ந்து காங்கிரசின் சார்பில் சித்தராமையா ஒரு point of order பிரச்சினையைக் கிளப்பியதும் சேர்ந்து பிரச்சினையை முடிந்தவரை ஜவ்வாக இழுத்துக் கொண்டே போகிற காங்கிரசின் உள்நோக்கம் அம்பலமாகிவிட்டது.

ஒரு கட்சியின் சார்பில் ஒரு சிலரை  மட்டுமே விவாதத்தில் பேச அனுமதிப்பது என்கிற வழக்கமெல்லாம் காற்றில் பறக்க விடப்பட்டு காங்கிரஸ் உறுப்பினர்கள், சில  மந்திரிகளும் உள்ளிட்டு   பிஜேபி ஒழிக கோஷம் போட்டுக் கொண்டிருக்கிறார்கள். 

   

பிஜேபியினர் முறையீட்டைத் தொடர்ந்து மாநில ஆளுநர், ஒரு மாநில முதலமைச்சர் எல்லா நிலையிலும் சபையின்  ஆதரவுடன் இருக்கவேண்டும், அதனால் இன்று சபை நடவடிக்கைகள் முடிவதற்குள் நம்பிக்கை வாக்கெடுப்பை நடத்தவேண்டும் என்று சபாநாயகருக்கு ஒரு கடிதம் அனுப்பியதைத் தொடர்ந்து காங்கிரசுக்கு பித்தமும் வெறியும் தலைக்கேறி விட்டது போல!  

Siddaramaiah

@siddaramaiah

SC order has discussed about my rights as CLP leader to issue whip but I was not a respondent to present my concerns. As the outcome of anti-defection law has its implications on no-confidence motion, I would like to request to postpone the motion till we get clarification frm SC

2:18 PM · Jul 18, 2019 · Twitter for Android

இவ்வளவு நியாயம் பேசுகிற சித்தராமையாவோ, காங்கிரஸ் கட்சி சார்பில் டில்லியில் இதே மாதிரிப் பேசிக் கொண்டிருக்கிற ரந்தீப் சுர்ஜீவாலா உள்ளிட்ட எந்தக் காங்கிரஸ் ஆசாமியோ, பேசவேண்டிய இடமான உச்சநீதி மன்றத்தில் நேற்றோ இன்றைக்கோ எதுவும் பேசவில்லை என்பதில்  ஜனநாயகம் காப்போம் என்கிற காங்கிரஸ் பாவலா சுத்தமாக எடுபடவில்லை என்பதையே காட்டுகிறது. 

Congress media in-charge and spokesperson Randeep Singh Surjewala, in a series of tweets said, "Supreme Court's order nullifying the Whip and by extension, operation of Constitution's Xth Schedule to punish MLAs betraying the public mandate, sets a terrible judicial precedent! Blanket protection to MLA's, who are driven not by ideology but by far baser concerns, is unheard-of."

Questioning the Supreme Court ruling, the Congress leader said, "Does this mean Court can interfere with the working of the State Legislature by deciding when a Whip will be enforced? And abandonment of the Basic Structure doctrine of Separation of Powers?"  செய்திகள்.இப்படிச் சொன்னாலும் காங்கிரஸ் கட்சி கலகலத்துப் போயிருப்பது வெளிப்படையாகவே தெரிகிறது. சபாநாயகர் அதிருப்தி  MLA க்கள் 15 பேர் ராஜினாமா மீது முடிவெடுத்திருந்தால், இடைக்கால நிவாரணமாக, அவர்களை சபைக்கு வருமாறு கட்டாயப் படுத்தமுடியாது என்பது அளிக்கப்பட்டே இருக்காது என்பதை சௌகரியமாக மறைத்துப் பேசுவதில் என்ன லாபம்?

அதிருப்தி MLAக்களைத் தகுதி நீக்கம் என்ற பயமுறுத்தல் தற்காலிகமாக செல்லுபடியாகாது என்றாகியிருப்பதில் காங்கிரசின்  தவறே அதிகமாக இருக்கிறது. தான் இன்னமும் காங்கிரஸ்காரர்தான் என்று சபாநாயகரை அடையாளம் காட்ட வைத்ததைத் தவிர காங்கிரஸ் புத்திசாலிகள் சாதித்தது வேறொன்றுமில்லை!

ஆளுநருடைய கடிதத்தை உதாசீனப்படுத்திவிட்டு சபாநாயகர் சபையை நாளை காலை 11 மணிக்கு ஒத்தி வைத்து தன்னுடைய பங்கைச் செய்திருக்கிறார். பிஜேபியினர் தர்ணா நடத்திக் கொண்டிருக்கிறார்கள். நடத்தட்டுமே! நாளை வெள்ளிக் கிழமை ஒருநாள் இதே மாதிரித் தாட்டிவிட்டால் சனி, ஞாயிறு விடுமுறை! திங்கட்கிழமை, இதே மாதிரி வேறு ஜனநாயகக் கூத்தை அரங்கேற்ற வெட்கம் கெட்ட காங்கிரசுக்கா தெரியாது?

மீண்டும் சந்திப்போம்.