(தேர்தல்) முறைகேடுகளும் பொதுத்துறை வங்கிகளும்!

பொதுத்துறை வங்கிகள் என்பது பெயரளவுக்குத்தான்! ஆனால் எந்தவொரு முறைகேடு நடந்தாலும், அரசியல்வாதிகளுக்குச் சளைக்காமல் வங்கி அதிகாரிகளும் சமயத்தில் ஊழியர்களும் சேர்ந்தே முறைகேடுகளில் இறங்குவது பொதுத்துறை வங்கிகள் என்று மட்டுமில்லை, தனியார் வங்கிகளிலும் சர்வசாதாரணமானதுதான்! இந்தச் செய்தி எத்தனைபேர் கண்களில் பட்டிருக்கும் என்பது தெரியாது! ஏற்கெனெவே அரசல்புரசலாக முகநூலிலும் வேறு சில சமூகவலைத்தளங்களிலும் வந்ததுதான் என்றபோதும் யாரும் பெரிதாக அலட்டிக் கொள்ளவில்லை.  

வேலூர் அருகில் திமுக பொருளாளரின்  இடத்தில் நடத்தப் பட்ட  வருமான வரிச் சோதனை எதிர்கட்சிகளைப் பழி வாங்கும் நடவடிக்கை என்ற செய்தி/ கருத்து வாக்குப் பதிவுக்கு முன்னரும் பின்னரும் பரப்பப்பட்டு வருகிறது. வேலூர் தொகுதி தேர்தல் ரத்துசெய்யப்பட்டது ஜனநாயகப் படுகொலை என்று கூவியவர்களும், ஊடகங்களும் பிடிபட்ட பணம் எங்கிருந்து வந்தது என்ன நடந்தது என்பதைப் பற்றிப் பேசுவதே இல்லை. காரணமென்ன என்பதை ஊகிப்பது ஒன்றும் கடினமானது இல்லை!
    

ஆனால் உண்மை என்னவெனில், அங்கு பணம் பதுக்கப் பட்டிருக்கிறது என்று வருமான வரித்துறைக்குத் தகவல் கொடுத்ததே துரைமுருகனின் உறவினர் ஒருவர்தான் எனச் சொல்கிறது டைம்ஸ் ஆஃப் இந்தியா.

துரைமுருகனின் இன்னொரு உறவினர் என்று கூறப்படும் கனரா வங்கியின் மண்டல அலுவலகத்தில் சீனியர் மானேஜராக இருக்கும் தயாநிதி என்ற அதிகாரிதான் ரூ11.48 கோடி அளவிற்கு இருந்த கரன்சிகளைச் சிறிய மதிப்பிலான கரன்சிகளாக மாற்றிக் கொடுத்தார் என்பது விசாரணையில் வெளியாகி இருக்கிறது.

// “It was a case of an enthusiastic relative who is a senior official with Canara Bank, Vellore, extending a helping hand, and another disgruntled relative leaking the information to the authorities,” said a source in the I-T department//

வேலூர் கனரா வங்கி கேஷ் செஸ்ட்டில் (ரிசர்வ் வங்கிக்காக வங்கிகள் ரொக்கத்தை பாதுகாத்து வைக்கும் இடம் ) பணி புரிந்த இரு அதிகாரிகள் திரு தயாநிதியின் வேண்டுகோளின் பேரில் பெரிய மதிப்புள்ள கரன்சிகளுக்கு பதிலாக ரூ 200 நோட்டுகள் வேண்டும் என்று விண்ணப்பித்து மூன்று நான்கு தவணைகளில் நோட்டை மாற்றிக் கொடுத்திருக்கிறார்கள்,

பணம் வங்கிக் கணக்கிலிருந்து வித்டிரா செய்யப்படவில்லை. ரொக்கமாக கொண்டுவரப்பட்டு சில்லறை நோட்டுக்களாக மாற்றப்பட்டிருப்பதாகத் தெரிகிறது

எப்படி நடந்தது? குட்டு எப்படி வெளிப்பட்டது? செய்தியின் இந்த infographic சொல்வதைக் கவனித்துப்பாருங்கள்.

  

ரெண்டுமுருகனின்  ஒரு உறவினர் தயாநிதி கனரா வங்கியின் மூத்த அதிகாரிதான் பெரியமதிப்பு நோட்டுக்களுக்கு 200 ரூ, நோட்டுக்களாக கரன்சி செஸ்ட் மானேஜர்கள் சிங்காரம் மற்றும் வினோத் கிருஷ்ணன் துணையோடு மாற்றித் தந்து இருக்கிறார். தயாநிதி அப்படிச் செய்வது சிசிடிவி காமெராவில் பதிவாகியிருக்கிறது. விசித்திரம் என்னவென்றால் அவர் ஒருவர் மட்டுமே பரிவர்த்தனையைக் கையாண்டதாக சிசிடிவியில் பதிவாகியிருப்பதுதான்! வங்கி நடைமுறைகளில் குறைந்தபட்சம் இருவராவது இருந்திருக்க வேண்டும். VVIP கஸ்டமருக்கு விதிகள் எல்லாம் வெறும் அப்பளம்!      

இந்தத்தகவலைப் போட்டுக் கொடுத்ததும் ரெண்டுமுருகனின் இன்னொரு சொந்தம் தான். தயாநிதி தற்சமயம் முதற்கட்ட விசாரணை முடிந்த பிறகு பணியிடைநீக்கம் செய்யப் பட்டிருக்கிறார். ஆனால் அவரது  கூட்டாளிகளை ஏன் விட்டு வைத்திருக்கிறது கனராவங்கி என்ற கேள்விக்கான விடை தெரியவில்லை.

Demonetisation தருணத்தில் பொதுத்துறை வங்கிகளும் சரி தனியார் வங்கிகளும் சரி எப்படிச் செயல்பட்டிருப்பார்கள்? சாமானிய ஜனங்களை  வரிசையில் காத்துக் கிடக்கவைத்து விட்டு, அரசியல் பிரமுகர்களுக்கும், சினிமா மற்றும் தொழில் பிரபலங்களுக்கும் முன்னுரிமை கொடுத்துக் கோடிக் கணகான  நோட்டுகளை எப்படி மாற்றிக் கொடுத்து இருப்பார்கள் என்பதற்கான ஒரு சின்ன சாம்பிள் இது. ஆனால் பழி சுமத்தப் பட்டதென்னவோ நரேந்திர மோடி மீதுதான்!  

வங்கி விதிகளில் சாமானிய கஸ்டமர் VVIP கஸ்டமர் என்று இரண்டுவிதமான treatment இல்லைதான்! ஆனால் பிசினெஸ் வேண்டும் என்ற போட்டியில், முதலில் காலாவதியாவது வங்கி விதிகள்தான்! விஜய் மல்லையாக்களும் நீரவ் மோடிகளும் ஏன், எப்படி வங்கிகளில் முன்னுரிமை பெறுகிறார்கள் என்பதற்கான சின்ன சாம்பிளாகக் கூட இதை எடுத்துக் கொள்ளலாம்!  ஆர்தர் ஹெய்லியின் The Money Changers நாவல் விமரிசனமாக இந்தப்பக்கங்களில் எழுதியிருந்தது நினைவு வருகிறதா?