சாட்டர்டே போஸ்ட் : ஒன்றா? இரண்டா? எடுத்துச் சொல்ல!

ஒன்றா? இரண்டா? எடுத்துச் சொல்ல! மக்களவைத் தேர்தலில் திமுக செய்த தவறுகள் என்ன என்னவென்று கேட்டால் இப்படிப் பாட்டாகவே பாடிவிடலாம் தான்! நாம் பாடவேண்டிய அவசியமே இல்லாமல் இந்தக் கேள்விக்கு ரங்கராஜ் பாண்டே இன்று ஒரு வீடியோப் பதிவில் பதில் சொல்லி இருக்கிறார்.  

கூடாநட்பு கேடாய் முடிந்தது என்று கருணாநிதியாலேயே வர்ணிக்கப்பட்ட காங்கிரசோடு கூட்டணி வைத்ததும், முந்திக் கொண்டு 10 சீட்டுக்களை ஒதுக்கியதே மோசமான ஓப்பனிங் என்றால்  ராகுல் தான் அடுத்த பிரதமர் என்று இசுடாலின் இன்றுவரை தொடர்ந்து சொல்லிவருவது திமுக தலீவருடைய அரசியல் ஞானமும் எதிர்காலமும் எப்படிப்பட்டது என்பதைக் காட்டுவதாகவே இருக்கிறது.

2016 சட்டசபைத் தேர்தலில் தலா முக்கால் சதவீதத்துக்கும் குறைவாகவே ஓட்டு  வாங்கிய விசிக,  மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சிகளுக்கு இரண்டு  சீட்டுகளும் மதிமுகவுக்கு 1+1 கொடுத்திருப்பதும் இந்தத் தேர்தலை திமுக சீரியசாகத்தான் எடுத்துக்கொண்டு போட்டியிடுகிறார்களா என்ற கேள்வியை எழுப்பியிருக்கிறது. இவர்கள் கதை இப்படியென்றால் இவர்கள் மலைபோல நம்பி இருக்கிற காங்கிரசின் கதை என்னவாம்?  

காங்கிரசின் விவசாயக்கடன்கள் அடியோடு ரத்து வாக்குறுதி பொய்யாகிப்போன கதையை ஏற்கெனெவே பானாசீனா வாக்குமூலத்தைத் தொட்டுச் சொல்லியிருந்தேன். இங்கே அருண் ஜெயிட்லி  ராகுல் காண்டிக்கு ஆயுதபேரங்களில் தொடர்பு இருந்ததை   அம்பலப்படுத்தி கிழிகிழியென்று கிழிக்கிறார். 

கூடாநட்புடன் கூட்டணி வைத்த நேரம் சரியில்லை! அவ்வளவு தான்!

மீண்டும் சந்திப்போம்.