ஆளப்பிறந்தவர்களே மண்ணைக் கவ்வினார்கள்! தமிழக பிஜேபி மட்டும் ...!

1998 தவிர அமேதி பெரோஸ் காண்டி சஞ்சய் காண்டி ராஜீவ் காண்டி அப்புறம் கடந்த 15 வருடங்களாக இந்த டூப்ளிகேட் காண்டிகளின் கோட்டையாகவே கருதப் பட்ட இழிநிலை இந்தத் தேர்தலில் துடைத்தெறியப் பட்டிருக்கிறது. தன்னுடைய இடைவிடாத முயற்சி, உழைப்பினால் கடந்த ஐந்தே ஆண்டுகளில் இதைச் சாதித்திருக்கும் திருமதி ஸ்ம்ருதி ஈரானி அவர்களுக்கு எனது வாழ்த்துகளையும், பாராட்டுக்களையும் தெரிவித்துக் கொள்வதில் மகிழ்ச்சி அடைகிறேன்.

ஊழல் வருமானத்தை அனுபவிப்பதில் முந்திக்கொண்ட சோனியா G  குடும்பம், ஊழல்கள் அம்பலமாகிறபோது பழிசுமக்க பலியாடுகளையும் கட்சியில், கூட்டணியில் வளர்த்துவருவது ஒன்றும் ரகசியமல்ல. 

நட்வர்சிங் தன்னுடைய சுயசரிதையை எழுதுகிறார், பல வில்லங்கமான விவரங்கள் வெளியே வரலாம் என்ற சூழ்நிலையில் 2014 ஜூலையில் சோனியாவும் பிரியங்காவும் நட்வர்சிங்கை வீட்டுக்கேவந்து சந்தித்து சமாதானம் பேசிய கதை இன்னொரு வலைப் பக்கங்களில்  பேசப்பட்டிருக்கிறது. 2005 இல் வெளியுறவுத்துறை அமைச்சராக இருந்த நட்வர் சிங் ஈராக்கிலிருந்து உணவுக்கு எண்ணெய் திட்டத்தின் கீழ் கச்சா எண்ணெய் கொள்முதல் செய்யப்பட்டதில்  நடந்த முறைகேடுகளில் காங்கிரஸ் கட்சி (சோனியா குடும்பம்)   நேரடியான ஆதாயம் அடைந்ததாக ஐ நா சபை விசாரணைக்கமிஷன் ஆதாரங்களை வெளியிட்ட தருணத்தில் நட்வர் சிங் பலிகடாவாக்கப்பட்டு ராஜினாமா செய்யக் கட்டாயப்படுத்தப்பட்டது UPA I இல் நடந்த அசிங்கம். 2G ஸ்பெக்ட்ரம் விவகாரத்தில் கூட கூட்டணி தர்மத்தில் கூட்டுக்கொள்ளை அடித்தவர்கள் விவகாரம் வெளியே வந்ததும் பலிகடாவை கூட்டணிக்கட்சியில்தான் பிடித்தார்கள் என்பதும் சமகால நிகழ்வுதான்! 

   

தங்களை ஆளப்பிறந்தவர்கள் என்ற மமதையிலேயே இத்தனை காலம் ஓட்டியவர்களை, ஓரம் கட்டுவதென்ற முடிவை எடுத்திருக்கிற அமேதி தொகுதி மக்களுக்கும் நம்முடைய பாராட்டுகளைத் தெரிவிக்க வேண்டும். Congress president Rahul Gandhi conceded defeat from Amethi parliamentary constituency - a bastion of the Nehru-Gandhi family. He congratulated BJP's Smriti Irani. "She has won and I congratulate her," the Congress president said while addressing a press conference at the party headquarters.  

இவ்வளவு தூரம் சொல்லிவிட்டு தமிழக முடிவுகளைப் பற்றி பேசாமல் இருந்தால் நியாயமாக இருக்குமா?

Haran Prasanna

1 மணி நேரம் · 

தமிழ்நாட்டில் திமுக அசுர வெற்றி பெற்றிருக்கிறது. கருணாநிதியின் வாரிசான ஸ்டாலினை தமிழ்நாட்டு மக்கள் ஏற்றுக்கொண்டிருக்கிறார்கள். இத்தனை பெரிய வெற்றியை நான் எதிர்பார்க்கவில்லை. 10 இடங்களையாவது அதிமுக கூட்டணி வெல்லும் என்று நினைத்தேன். அமமுக, நாம் தமிழர், மநகூ பெற்ற வாக்குகளையும் அதிமுக வாக்குகளையும் கூட்டினாலும் கூட பல இடங்களில் திமுகவே முந்துகிறது.

ஒரே குரூர சந்தோஷம் என்னவென்றால், சென்றமுறை அதிமுக 37 இடங்கள் வென்றும் ஒரு பிரயோஜனமும் இல்லை எனத் திமுகவினர் சொன்னதுபோல, இந்த முறை அவர்களுக்கே நடந்திருக்கிறது. கூடுதலாக சட்டசபை இடைத் தேர்தலில் அதிமுகவும் ஓரளவு வென்றிருப்பதால் ஆட்சிமாற்றம் ஏற்பட உடனடி வாய்ப்பில்லை என்றாகிவிட்டது. இத்தனை வென்றும் திமுகவுக்கு உடனடியாக பெரிய ஆதாயமில்லை.

ஸ்டாலின் தமிழ்நாட்டளவில் அங்கீகரிக்கப் பட்டிருக்கிறார் என்பது திமுகவுக்கு நல்ல விஷயம் என்றால், அதிமுக என்பது இபிஎஸ் ஓபிஎஸ் என்பதுதான் என அங்கீகரிக்கப்பட்டிருப்பது அதிமுகவுக்கு நல்லதாகிறது.

தொடர்ந்து மோதியைப் பற்றியும் ஹிந்துக்களைப் பற்றியும் தமிழ்நாட்டில் செய்யப்பட்ட பிரசாரம் வெகுவாக எடுபட்டிருக்கிறது. இது பாஜக அரசியலைப் பொருத்தவரை, மோசமான ஒன்று. அதேசமயம் அது நாம் தமிழர், மநகூ, அமமுகவுக்கும் போகவில்லை என்பது நல்ல விஷயம்.

தமிழ்நாட்டில் வைப்ரண்ட் பாஜக தலைமை இல்லாதவரை இந்நிலையே நீடிக்கும். மிக மோசமான பிரசாரமே தமிழ்நாட்டில் பாஜகவின் தோல்விக்குக் காரணம். இதை உணராதவரை இவர்களுக்கு மோட்சமில்லை. இவர்கள் எப்போது உணர்வார்கள் என்பதும் தெரியவில்லை.

தமிழக பாஜக தன்னை அடியோடு மாற்றிக் கொள்ளாத வரை எத்தனை நரேந்திர மோடி அமித்ஷா வந்தாலும் காலூன்றுவதும் ஜெயிப்பதும் சாத்தியமே இல்லை.

மீண்டும் சந்திப்போம்.